Apocalipsis 11:8 - Tz'utujil (Ja Cꞌacꞌa Chominem)

⁸ Ja cꞌa quicuerpo npuneꞌ pa bey chipan ja nimlaj tinamit ja bar camsax wiꞌ ja kajaw Jesucristo chwa cruz. Jariꞌ tinamit ncꞌambex tzij ruqꞌuin ja caꞌiꞌ tinamit Sodoma in Egipto.

Tz'utujil NT

⁸ Jquecuerpo nepne'a pbey chpam nimlaj tnamet abar xcomsas wa' Kajaw Jesucristo chwech cruz. Jara' tnamet nc'ambexa tzij ruq'uin c-e' tnamet Sodoma ruq'uin Egipto.

Apocalipsis 11:8 Iomraidhean Croise

San Mateo 10:15

Ni katzij wiꞌ ja nbij chewe riꞌ, ja tok xterilaꞌ ja nimlaj kꞌij xin juicio congana lawuloꞌ tre ja tinamit ja maquecꞌulu ewxin, más na lawuloꞌ ja rpokonal xtiquetij chwach ja xtiquetij ja ritzel tak winak ja raj Sodoma in Gomorra ojer.

Hechos 9:4

Be chi tokꞌulew rmal ja luz in cꞌo jun kulaj xcꞌaxaj, quewaꞌ xbij ja kulaj tre riꞌ: —Saulo, Saulo ¿nak tre ja tok naban pokon chwe? Queriꞌ xbij tre.

Hebreos 13:12

Queriꞌ cꞌa ban tre ja Jesús chakajaꞌ lasaxel chipan ja tinamit, junwiꞌ xecamsax wiꞌ. Ja cꞌa rquiqꞌuel jariꞌ xchꞌachꞌojirsbej ja kanma ja rok winak chipan ja kil kamac.

Hebreos 6:6

Ja cꞌa wi nqueyaꞌ can jariꞌ kas kꞌalawachili nquemaj chic jutij ripic ja Ralcꞌwal Dios chwach cruz in nqueyaꞌ ruqꞌuix chiquewach ja winak chakajaꞌ chewiꞌ tok matiyataj chic chique ja xtiquinimaj chi ta jutij.

2 Pedro 2:6

In chakajaꞌ ja Dios ojer xutakto jun juicio parwiꞌ ja caꞌiꞌ tinamit Sodoma in Gomorra. Congana lawuloꞌ ban tre ja caꞌiꞌ tinamit, cꞌati, ni chaj ban tre. Queriꞌ xuban ja Dios jariꞌ xucoj ejemplo chiquewach ja juleꞌ chic itzel tak winak ja majaꞌn queꞌalaxi.

Judas 1:7

In nwajoꞌ nnataj chewe chakajaꞌ ja ban chique ja winak ja recꞌo chipan ja caꞌiꞌ tinamit Sodoma in Gomorra ojer e cachbil ja recꞌo chipan juleꞌ chic tinamit ja cꞌo chiquinakaj. Ejeꞌeꞌ chakajaꞌ quimajon rbanic juleꞌ itzelal, achiꞌiꞌ nemacun cuqꞌuin cach tak achiꞌiꞌ in ixokiꞌ nemacun cuqꞌuin cach tak ixokiꞌ. Pro chaka jalal tok cꞌoli ja kꞌakꞌ kajto trij ja quitinamit in cꞌati ja tinamit rmal, jariꞌ noc ejemplo rxin ja nimlaj rpokonal chipan ja jun chic kꞌakꞌ ja ni mta wiꞌ chupic trij.

Apocalipsis 11:13

Ni jariꞌ hora cꞌo jun nimlaj cubarkan xuban in jun décima parte tre ja tinamit be chi tokꞌulew rmal. In e wukuꞌ mil ja xecam rmal ja cubarkan. Ja cꞌa juleꞌ chic congana quixbej quiꞌ in quemaj ryaꞌic rukꞌij ja Dios ja cꞌo chilaꞌ chicaj.

Apocalipsis 11:9

Oxiꞌ kꞌij in nicꞌaj ecꞌoli winak chaka nquetzꞌat ja cuerpo. Ejeꞌeꞌ riꞌ winak epenak pa tak tinamit jeꞌe in pa tak tribu jeꞌe, netzijon pa tak tzobal jeꞌe in epenak pa tak nación jeꞌe. Chaka nquetzꞌat ja cuerpo, matiqueyaꞌ lugar tre chi xtimuk ta.

Apocalipsis 14:20

Ja lugar ja bar pakꞌ wiꞌ ja uva chakan, chinakaj ja tinamit, ma chipan ta. Congana jun nimlaj quicꞌ xelto ja bar pakꞌ wiꞌ ja uva chakan in ja quicꞌ congana jun nimlaj pos xuban, tok nkaj jun quiej chipan cꞌa triꞌ nekaj wiꞌ tre ja bar ocnak wiꞌ freno tre in ja rimeꞌ wiꞌ cꞌo la oxiꞌ ciento kilómetro xucꞌam.

Apocalipsis 14:8

In pi chic jun ja ángel quewaꞌ nbij riꞌ: —Kaji ja nimlaj tinamit Babilonia, yojtaji. Queriꞌ rbanon ja Babilonia como arjaꞌ caniꞌ jun itzel ixok xa xeruban engañar ja winak ja recꞌo nojel tak nación, puersa xuban chique chi junwiꞌ yukeꞌ wiꞌ quecꞌuꞌx, ma ruqꞌuin ta ja Dios ja katzij chi Dios in ja Dios arjaꞌ pi ryewal chiquij rmal, neꞌe.

Apocalipsis 16:19

Ja cꞌa nimlaj tinamit oxiꞌ xuban rmal ja cubarkan in ja juleꞌ chic nimak tak tinamit ja cꞌo pa tak nación jeꞌe jariꞌ be pa tokꞌulew rmal chakajaꞌ. Ja cꞌa Dios arjaꞌ xurkaj tre ja nimlaj tinamit Babilonia, janila xcꞌotsaj ryewal trij. Ja cꞌa xuban, nojel ja rpokonal ja rchomarsanto chi nutakto trij ja tinamit Babilonia puersa xutij na.

Apocalipsis 17:1

Cꞌo cꞌa jun chique ja wukuꞌ ángel ja cucꞌan ja wukuꞌ vaso, arjaꞌ xurkaj wqꞌuin in quewaꞌ xbij chwe riꞌ: —Catajoꞌ waweꞌ, anin nwajoꞌ ncꞌut chawach ja rpokonal ja nkꞌetbex tzij trij ja nimlaj itzel ixok ja tzꞌubul parwiꞌ tak yaꞌ jeꞌe pro qꞌuiy ja yaꞌ rtzꞌulben.

Apocalipsis 17:18

Ja cꞌa rixok xatzꞌat jariꞌ tibij tzij ja nimlaj tinamit. Jariꞌ tinamit, ja rey ja recꞌo chwach rwachꞌulew ejeꞌeꞌ eꞌocnak pa rukꞌaꞌ camic. Queriꞌ xbij chwe ja ángel.

Apocalipsis 17:5

Ja cꞌa rixok cꞌo jun biꞌaj tzꞌibtal chi rpalaj pro jariꞌ biꞌaj ma chaka ta biꞌaj, rjawaxic chi nawasaj anaꞌoj trij ja nbij. Quewaꞌ ja biꞌaj riꞌ: —Babilonia ja congana nim rukꞌij, queteꞌ ja ritzel tak ixokiꞌ, ruqꞌuin arjaꞌ winakarnakto wiꞌ ja bantajnak jeꞌe chwachꞌulew ja xa chuw chwach ja Dios. Queriꞌ nbij ja biꞌaj.

Apocalipsis 18:10

Cꞌa cꞌa nat xqueꞌepeꞌto wiꞌ rumac ja nquixbej quiꞌ chwach ja nimlaj rpokonal rmajon rtijic in quewaꞌ xtiquibij riꞌ: —Babilonia, congana nokbison amwal, atat at jun nimlaj tinamit, congana poder ja cꞌo pan akꞌaꞌ pro ja camic xtakaꞌan tre jun hora xatkajsax wiꞌ, kꞌet tzij chawij, xquecheꞌe.

Apocalipsis 18:18

in tok quetzꞌat ja tinamit rmajon cꞌatem in congana sib neli quewaꞌ quibij riꞌ: —¿Bar cꞌa nkajunsaj wiꞌ ja nimlaj tinamit ja ban tre leꞌ? xecheꞌe.

Apocalipsis 18:2

Arjaꞌ congana nurak ruchiꞌ, quewaꞌ nbij riꞌ: —Kaji ja nimlaj tinamit Babilonia, yojtaji. Congana lawuloꞌ rbanon como ja demonio e cachbil canojel quewach ja ritzel tak espíritu e cachbil chic canojel quewach itzel tak tzꞌiquin, triꞌ neqꞌuejeꞌ chi wiꞌ pa Babilonia, ocnak quicꞌolibal.

Apocalipsis 18:21

Cꞌo cꞌa jun ángel peti, congana poder cꞌo pa rukꞌaꞌ, cꞌo jun abaj xucꞌam caniꞌ jun caꞌ pro congana nim, xuqꞌuiak pa mar in quewaꞌ xbij riꞌ: —Queriꞌ cꞌa tre chakajaꞌ ja Babilonia ja nimlaj tinamit, lawuloꞌ xtiban na tre, nkajsaxi pro chijutij, ni matiyictaj chi wiꞌ.

Apocalipsis 18:24

Ja tinamit Babilonia janila camíc bantajnak chipan como triꞌ xecamsax wiꞌ profeta e cachbil juleꞌ chic tinamit xin Dios in triꞌ xecamsax wiꞌ chakajaꞌ canojel ja recamsan waweꞌ chwachꞌulew. Queriꞌ xbij ja ángel.