Apocalipsis 11:7 - Tz'utujil (Ja Cꞌacꞌa Chominem)

⁷ Ja caꞌiꞌ testigo tok xtitzꞌakati ja tiempo rxin ja testigoꞌil ja nqueyaꞌ ja cꞌa ritzel chicop nelto in nchꞌojin cuqꞌuin. Ja ritzel chicop jariꞌ ja nelto chipan ja lugar ja cꞌa cꞌa nat cꞌo wiꞌ xeꞌ ulew chipan ja kꞌekumal, arjaꞌ xticowin chiquij xquercamsaj.

Tz'utujil NT

⁷ Je c-e' testigo tak xtetz'kata tiempo rxin testig-il je nqueya', c'jara' nel ta ja itzel chcop chpam lwar jq'ue c'nat c'o wa' xuxe' ulew chpam k'ejkumal, y ja' itzel chcop necwina chquij y nquercamsaj.

Apocalipsis 11:7 Iomraidhean Croise

San Lucas 13:32

Ja cꞌa Jesús quewaꞌ xbij chique riꞌ: —Ja Herodes arjaꞌ xa banol engaño. Camic jix ruqꞌuin in quewaꞌ nebij tre riꞌ: —Ja Jesús nbij chi cꞌa ecꞌo na ja winak ja nerlasaj na itzel tak espíritu chique in cꞌa ecꞌo na ja yawaꞌiꞌ ja nertzursaj na chakajaꞌ. Queriꞌ nuban camic in chwak in cꞌa chi rox kꞌij xtuqꞌuis wiꞌ ja rsamaj, neꞌe, queriꞌ ja nebij tre.

San Lucas 8:31

Ja cꞌa ritzel tak espíritu ejeꞌeꞌ congana quecoj ja Jesús pa chꞌaꞌoj chi maquerutakel chipan ja nimlaj jul ja cꞌa cꞌa nat nekaj wiꞌ xeꞌ ulew chipan ja nimlaj kꞌekumal.

San Juan 17:4

Anin nyaꞌon akꞌij waweꞌ chwachꞌulew, xinqꞌuis rbanic nojel ja samaj ja rayaꞌon chwe chi nban.

San Juan 19:30

Ja cꞌa tok titaj rmal quewaꞌ xbij riꞌ: —Camic xinqꞌuis rbanic ja nsamaj nojelal, neꞌe. Cꞌacꞌariꞌ kꞌochkꞌoꞌ kaj ja rwiꞌ, xujach ja ranma pa rukꞌaꞌ ja Dios in cam kaj.

Hechos 20:24

Pro anin matinxbej wiꞌ chwach ja npi chwij, matinpokonaj nyaꞌ wiꞌ pa camíc como jariꞌ nqꞌuisbej ja nsamaj in congana ninquicot rmal. Xarwariꞌ congana ngana nqꞌuis ja samaj ja yaꞌon chi nukul rmal ja kajaw Jesús como arjaꞌ ryaꞌon chi nukul chi nyaꞌ rbixic ja utzlaj tzij xin Jesucristo ja nucꞌut chikawach nak rbanic ja rutzil ja nsipax chake rmal ja Dios.

2 Timoteo 4:7

Congana xintij nukꞌij chi rbixic ja utzlaj tzij xin Jesucristo, xinban nojel ja samaj ja banon recomendar chwe rmal ja Dios, ma xinqꞌuex ta rbixic ja utzlaj tijonem ja kaniman.

Apocalipsis 11:3

Ja cꞌa ranin ecꞌo caꞌiꞌ testigo wxin nyaꞌ na chique chi nqueyaꞌ rbixic ja ntzobal, jun mil doscientos sesenta kꞌij ja nqueyaꞌ rbixic in ejeꞌeꞌ quicojon juleꞌ tziak banbal bis. Queriꞌ ja bix chwe.

Apocalipsis 12:17

Ja cꞌa dragón congana pi ryewal trij ja rixok, be chi nerbanaꞌ chꞌaꞌoj cuqꞌuin ja juleꞌ chic ral ja rixok, ejeꞌeꞌ riꞌ ja nquinimaj ja mandamiento rxin ja Dios in nqueyaꞌ testigoꞌil tre ja Jesucristo.

Apocalipsis 13:11

Cꞌacꞌariꞌ cꞌo chi na jun itzel chicop xintzꞌat, ntajini nelto pan ulew. Ja cꞌa chicop cꞌo caꞌiꞌ rucꞌaꞌ caniꞌ rucꞌaꞌ jun carnelo in ja ntzijoni caniꞌ ntzijon jun dragón.

Apocalipsis 13:7

In yaꞌ lugar tre chakajaꞌ chi chꞌojin cuqꞌuin ja tinamit xin Dios, yaꞌ lugar tre chi arjaꞌ cowin chiquij xercamsaj. In yataj tre chakajaꞌ chi neꞌoc pa rukꞌaꞌ canojelal ja winak xa nak ta tribu ecꞌo wiꞌ, xa nak ta tinamit ecꞌo wiꞌ, xa nak ta tzobal netzijon wiꞌ in xa nak ta nación ecꞌo wiꞌ.