Apocalipsis 11:4 - Tz'utujil (Ja Cꞌacꞌa Chominem)

⁴ Ja caꞌiꞌ testigo ejeꞌeꞌ e junan ruqꞌuin ja caꞌiꞌ cheꞌ olivo ja paꞌl chwach ja Rajaw ja rwachꞌulew in e junan ruqꞌuin ja caꞌiꞌ candelero ja paꞌl chwach chakajaꞌ.

Tz'utujil NT

⁴ Je c-e' testigo arj-e' e junam ruq'uin e c-e' che' olivo ruq'uin e c-e' candelero jpa'la chwech Rajaw ruch'lew.

Apocalipsis 11:4 Iomraidhean Croise

San Lucas 11:33

Ni majun nak ta nbanowi xtutzij ta jun candil xtiwawaj ta cꞌa pa jun latzꞌlaj lugar nixtacꞌa xtijupbaꞌ ta jun caxon trij. Pro ja cꞌa nbani, ja tok ntzijtaji jun candil ncanox jun rcꞌolibal ja bar nya̱ꞌ wiꞌ utzcꞌa pa sak neqꞌuejeꞌ wiꞌ ja winak ja neꞌoc pa jay.

San Lucas 21:36

Quixcꞌascꞌot cꞌa, xajutij temajaꞌ rbanic ja roración utzcꞌa chi Dios nuyaꞌ chewe chi netoꞌ ewiꞌ chwach nojel awaꞌ ja xinbij kaj chewe riꞌ ja penak chwach ja rwachꞌulew utzcꞌa chakajaꞌ chi nixcꞌuli ja tok nixekaj chwach ja Ralcꞌwalaxel ja xoc alaxic cuqꞌuin ja winak. Queriꞌ xbij ja Jesús chique.

Romanos 11:17

Ecꞌo juleꞌ chique ja tinamit Israel ja xeya̱ꞌ can rmal ja Dios, ban chique e caniꞌ rukꞌaꞌ jun cheꞌ olivo pro juleꞌ rukꞌaꞌ ja chꞌakixto. Ja cꞌa rixix ja ma ix aj Israel ta ix caniꞌ rukꞌaꞌ jun chic cheꞌ olivo pro jun cheꞌ ja ma ticon ta, jun cheꞌ ja xa ruyon penak. Ja xuban ja Dios chewe, xixrucoj como ix cachbil ja tinamit Israel ja ma xeruyaꞌ can ta, caniꞌ xixruban ingertar ruqꞌuin jun cheꞌ olivo pro jun cheꞌ arjaꞌ ticyon in camic xa jun chic ebanon cuqꞌuin ja tinamit Israel chi rtijic ja utzlaj cꞌaslemal ja penak ruqꞌuin ja rcꞌamal jawaꞌ cheꞌ riꞌ.

Apocalipsis 1:20

Camic anin nkꞌalasaj chawach nak quibanic ja wukuꞌ chꞌumil ja xeꞌatzꞌat pa wiquikꞌaꞌ in nkꞌalasaj chawach chakajaꞌ nak rbanic ja wukuꞌ candelero ja oro ocnak. Ja wukuꞌ chꞌumil ejeꞌeꞌ riꞌ ja wukuꞌ ángel ja nechajin quixin ja wukuꞌ iglesia in ja wukuꞌ candelero xatzꞌat jariꞌ ja wukuꞌ iglesia, neꞌe ja Jesucristo chwe.