Apocalipsis 11:15 - Tz'utujil (Ja Cꞌacꞌa Chominem)

¹⁵ Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.

Tz'utujil NT

¹⁵ Jun chic ángel xulaj trompeta. Tak xultaja rmal c'ola jle' nmak tak kul xc'axaxa tzra' chcaj, cawra nbij ra: —Je' gobierno jec'ola chwech ruch'lew, ocnak pruk'a' Kajaw Dios camic y pruk'a' Cristo jrech-on. Camic arja' nebnowa mandar com ja' Rey y nuban wa' mandar camic y rxin junlic chpam je' tiemp rxin je' tiemp, cara' nbij.

Apocalipsis 11:15 Iomraidhean Croise

San Mateo 24:31

Cꞌo cꞌa jun trompeta ncꞌaxax na congana nim rukul, jariꞌ nertakbejel ja ángel rxin chi nebe, neꞌequimoloꞌ ja winak ja rechaꞌon rmal pro nojel rwachꞌulew nebe wiꞌ chi quimolic, mta ja maquita xqueꞌekaj wiꞌ chi quimolic.

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Lucas 1:33

Chijutij xtoc rey pan ewiꞌ ja rix riy rumam can ja Jacob in ja gobierno rxin arjaꞌ ni mta wiꞌ qꞌuisic trij. Queriꞌ xbij ja ángel tre ja María.

San Lucas 15:10

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ congana nequicoti ja ángel trij xin Dios. Queriꞌ xbij ja Jesús chique.

San Lucas 15:6

Ja tok nekaj chi rochoch nutak quisiqꞌuixic ja ramigo e cachbil ja rvecino in quewaꞌ nbij chique riꞌ: —Camic quixquicot wqꞌuin como canoy mwal ja ti ncarnelo ja tzaki. Queriꞌ nbij chique.

Hechos 4:26

Ja rey xin rwachꞌulew ejeꞌeꞌ quichomij quiꞌ chi nqueban ja chꞌaꞌoj in chakajaꞌ ja kꞌetol tak tzij ejeꞌeꞌ quemol quiꞌ chi nechꞌojin wqꞌuin in ruqꞌuin ja Cristo ja nchaꞌon. Queriꞌ abin can.

Hebreos 1:8

Pro ja Ralcꞌwalaxel quewaꞌ tzꞌibtal can tre riꞌ: —Atat at Dios, atat at Rey in ja gobierno awxin atat jariꞌ ni mta wiꞌ qꞌuisic trij. Utz cucꞌaxic naban ja recꞌo pan akꞌaꞌ.

Apocalipsis 10:7

pro nutakto chanim. Ja cꞌa tok xterilaꞌ ja kꞌij tok ncꞌaxaxi rukul ja trompeta ja xtixulax rmal ja qꞌuisbal ángel tokocꞌariꞌ xtikꞌalajini nojelal ja rchominto ja Dios ja rawatali nabey, xtibantaj cumplir nojelal ja caniꞌ xbij can chique ja profeta ja rajsamajelaꞌ rxin. Queriꞌ xbij ja ángel.

Apocalipsis 12:10

In cꞌo jun kulaj xincꞌwaxaj chilaꞌ chicaj fuerte rukul, quewaꞌ nbij riꞌ: —Camic xurwilaꞌ ja kꞌij chi ja totajem xin Dios nyataj chique winak in ntzꞌattaji ja nimlaj poder ja cꞌo pa rukꞌaꞌ, xurwilaꞌ ja kꞌij chi noqui ja gobierno rxin in nujach nojel pa rukꞌaꞌ ja Cristo ja rchaꞌon. Queriꞌ ja bantaji como chꞌakixto ja Diablo ja nbini ja quil ja kachꞌalal tre ja Dios como arjaꞌ chi pa kꞌij chi chakꞌaꞌ ni rmajonto wiꞌ quitzujuxic chwach ja Dios.

Apocalipsis 15:4

Kajaw ¿nak ta cꞌa ja maquita nquixbej quiꞌ chawach? ¿Nak ta cꞌa ja maquita lokꞌ xtiquenaꞌ abiꞌ? Como xa ayon atat ja ni majun ja maquita chꞌajchꞌoj tre ja ranaꞌoj. In ja winak ja recꞌo nojel tak nación ejeꞌeꞌ nepi na, neꞌurxuqueꞌ chawach. Queriꞌ xtiqueban como nojel ja rabanon bien kꞌalaj chi ni rubey wiꞌ. Queriꞌ ja bix nquibixaj.

Apocalipsis 16:17

In jun chic ángel ja vaso rcꞌan, ja cꞌo chipan jariꞌ xutix chicaj in cꞌo jun kulaj cꞌaxaxi congana nim, xelto chipan ja templo ja cꞌo chilaꞌ chicaj, triꞌ xelto wiꞌ ja bar cꞌo wiꞌ ja trono xin Dios, quewaꞌ xbij riꞌ: —Camic chomtajnak chic chi npeti ja rpokonal pro ni nojelal, neꞌe.

Apocalipsis 17:14

Ejeꞌeꞌ nechꞌojin na ruqꞌuin ja Carnelo pro ja cꞌa Carnelo arjaꞌ nchꞌocmaji. Nchꞌocmaji como arjaꞌ ocnak Jefe quixin nimak tak jefe, arjaꞌ ocnak Rey quixin nimak tak rey. Ja cꞌa rachbil ejeꞌeꞌ esiqꞌuin echaꞌon rmal ja Dios in ni yukul wiꞌ quecꞌuꞌx ruqꞌuin. Queriꞌ xbij ja ángel chwe.

Apocalipsis 19:1

Cꞌacꞌariꞌ cꞌo juleꞌ kulaj xincꞌwaxaj chic, quekul juleꞌ winak ja recꞌo chilaꞌ chicaj pro ni congana e qꞌuiy, quewaꞌ nquibij riꞌ: —Aleluya. Ja kajaw Dios arjaꞌ ruqꞌuin npi wiꞌ ja totajem, ni yatal wiꞌ tre chi nya̱ꞌ rukꞌij, ni yatal wiꞌ tre chi nnataxi ja nimlaj poder ja cꞌo pa rukꞌaꞌ.

Apocalipsis 19:6

Cꞌacꞌariꞌ cꞌo chic jun kulaj xincꞌwaxaj caniꞌ quekul juleꞌ winak pro congana e qꞌuiy. Ja kulaj ja ncꞌaxaxi congana nim caniꞌ juleꞌ yaꞌ nrojoji in caniꞌ rukul juleꞌ nimak tak quiakolijay. Quewaꞌ nbij ja kulaj riꞌ: —Aleluya. Como ja kajaw Dios ja majun poder ja maquita cꞌo pa rukꞌaꞌ arjaꞌ chic ariꞌ nbano mandar, majtajnak chic ja gobierno rxin.

Apocalipsis 20:4

Cꞌacꞌariꞌ cꞌo juleꞌ trono xintzꞌat in ecꞌoli ja retzꞌubul chipan, yatajnak chique chi xeꞌoc e kꞌetol tak tzij. In xintzꞌat ja canma ja winak ja lasax quewiꞌ ja xecamsax rmal ja testigoꞌil ja queyaꞌ trij ja Jesús in rmal ja rtzobal Dios. Ejeꞌeꞌ riꞌ ja ma xexuqueꞌ ta chwach ja ritzel chicop nixtacꞌa chwach ta ja rachbal in ma xqueyaꞌ ta lugar tre chi coj retal chi quipalaj in nixtacꞌa chi quekꞌaꞌ ta chakajaꞌ. In xecꞌastaji, xeꞌoc e rach kꞌetol tak tzij ja Cristo tre jun mil junaꞌ.

Apocalipsis 8:12

Jun chic ángel xulaj ja rtrompeta. Ja cꞌa tok xultaj rmal cꞌoli xuban ja kꞌij rmal como yojtaji ja tercera parte rmal. In queriꞌ tre icꞌ in chique chꞌumil chakajaꞌ yojtaji ja tercera parte rmal. Ja kꞌij, icꞌ in chꞌumil yojtaji ja quechꞌaꞌ in ma xchꞌaꞌan chi ta ja tercera parte rmal. Ja pa kꞌij in ja chakꞌaꞌ ma xchꞌaꞌan chi ta ja tercera parte rxin ja kꞌij nixtacꞌa ja tercera parte quixin ja chꞌumil in icꞌ.

Apocalipsis 9:1

Jun chic ángel xulaj ja rtrompeta. Ja cꞌa tok xultaj rmal xintzꞌat, cꞌo jun chꞌumil tzakto chicaj, kaji cꞌa chwachꞌulew. Ja chꞌumil arjaꞌ jach jun lawe tre ja njakbej ruchiꞌ ja nimlaj jul ja cꞌa cꞌa nat nekaj wiꞌ xeꞌ ulew chipan ja nimlaj kꞌekumal.

Apocalipsis 9:13

Jun chic ángel xulaj ja rtrompeta. Ja cꞌa tok xultaj rmal cꞌo jun kulaj xincꞌwaxaj xelto chicojol ja quijiꞌ ucꞌaꞌ ja cojon tre ja raltar ja oro ocnak ja cꞌo chwach Dios.