Apocalipsis 1:3 - Tz'utujil (Ja Cꞌacꞌa Chominem)

³ Congana quiꞌil tre ja nsiqꞌuini jawaꞌ ja xtintzꞌibaj riꞌ ja kꞌalasan rmal tre ja xtibantaj na cumplir in congana quiꞌil chique chakajaꞌ ja necꞌaxani in nquinimaj como xa nnakajinto ja tiempo.

Tz'utujil NT

³ Ajni'la quicotemal tzra je xtsiq'uina jawra je xtentz'ibaj ra jk'alsan tzrij je xtbantaj na cumplir, y congan quicotemal chca chka' je nquec'axana y necnimaj com xe nkajin ta tiempo.

Apocalipsis 1:3 Iomraidhean Croise

San Mateo 24:15

Rmalcꞌariꞌ nbij chewe, kas turkaj chewe ja bitajnak can rmal ja rojer profeta Daniel. Ja xbij ja Daniel chi nerilaꞌ na jun kꞌij ja tok cꞌoli ja npeti ja más chi na itzel ntzꞌa̱t rmal ja Dios. Ja cꞌa tok npeti arjaꞌ npeꞌe chipan ja lugar santo in congana camíc nuban. (Ja nesiqꞌuin awaꞌ juleꞌ tzij riꞌ kas tiquiwasaj jutzꞌit quinaꞌoj trij.)

San Lucas 11:28

Pro ja cꞌa Jesús quewaꞌ xbij tre riꞌ: —Más na quiꞌil chique ja winak ja necꞌaxani ja rtzobal Dios in nqueban cumplir ja nbij chique chi nqueban, neꞌ tre.

Romanos 13:11

Ni rjawaxic wiꞌ chi nkanimaj ja caniꞌ nmajon rbixic chewe como ixix bien ewotak chi ja tiempo ja rokcꞌo wiꞌ riꞌ tiempo chic chi nokcꞌasoji in nokcꞌascꞌoti. Queriꞌ nbij chewe como cꞌo chic tiempo kaniman ja Toꞌonel kaxin in xa nnakajinto ja kꞌij tok xtipi chic jutij chi nokrutoꞌ pro ni chijutij.

Romanos 13:12

Ntajini nqꞌuisi ja tiempo rxin ja kꞌekumal ja rcꞌan itzelal in xajalal majaꞌn telto ja kꞌij. Rmalcꞌariꞌ nbij chewe, kayaꞌaꞌ can ja banoj itzelal. Ja nkaban, ni ta ja wiꞌ ja sakil xin Dios xtucꞌan kaxin chi nokcowini nkachꞌec ja ritzelal.

1 Pedro 4:7

Nnakajinto ja qꞌuisbal rwachꞌulew rmalariꞌ tok nbij chewe, techꞌoboꞌ chi utz ja neban, quixcꞌascꞌoti, ni ta neban wiꞌ ja roración.

2 Pedro 3:8

Chakꞌlaj wachꞌalal, ni ma temestaj ta wiꞌ ja xtinbij chewe riꞌ, jun mil junaꞌ masqui congana nim nkacꞌaxaj pro ja chwach Dios xa junan ruqꞌuin jun kꞌij.

Apocalipsis 22:10

In xbij chwe: —Nojel ja tzij ja kꞌalasan rmal ja Dios chipan awaꞌ ja libro riꞌ maxta ma takꞌalasaj chi ta atat como xa nnakajinto ja tiempo.

Apocalipsis 22:12

Ja Jesús quewaꞌ nbij riꞌ: —Bien tecꞌwaxaj, anin ninbe chic jutij chwachꞌulew chanim, ncꞌamonto ja rtojbalil quixin ja winak chiquijujunal nak quibanon chipan ja quicꞌaslemal.

Apocalipsis 22:20

Ja Jesús arjaꞌ kꞌalasyon nojel awaꞌ ja tzꞌibtal chipan awaꞌ ja libro riꞌ in quewaꞌ nbij riꞌ: —Can ninbe chic jutij chwachꞌulew chanim, neꞌe ja Jesús. Amén. Catpi cꞌa kajaw Jesús.

Apocalipsis 3:11

Bien tecꞌwaxaj, anin ninbe chic jutij chwachꞌulew chanim, tebanaꞌ cuenta ja yatajnak chic chewe utzcꞌa chi ni majun nak ta xtilasan ta chewe ja recorona.