3 Juan 1:5 - Tz'utujil (Ja Cꞌacꞌa Chominem)

^5-6 Chakꞌlaj walcꞌwal, ja kachꞌalal ejeꞌeꞌ xurquicholoꞌ chiquewach ja riglesia nojel ja xabanpi chique chi congana xeꞌawajoꞌ. Ja xabanpi chique ni utz wiꞌ como queriꞌ nrajoꞌ ja yukulbal acꞌuꞌx ruqꞌuin ja Jesucristo chi neꞌatoꞌ ja kachꞌalal in pior cꞌa tok ecꞌoli neꞌatoꞌ chique masqui ma awotak ta quewach. Ja tok ecꞌoli chique xqueꞌekaj awqꞌuin congana buena ja wi neyaꞌel chique ja ncꞌatzin chique chipan ja quiviaje como niquirwariꞌ yatal chique ja rajsamajelaꞌ rxin Dios chi cꞌoli ayuda ja nya̱ꞌ chique cumal ja kachꞌalal.

Tz'utujil NT

^5-6 Quilaj wlec'wal, je' kch'alal arj-e' xecrechlo' chquewech iglesia wawe' njelal jxaban pa chca jxe'awojbej. Nwen xaban pa chca com cara' nrajo' yukbal ac'u'x ruq'uin Jesucristo che nque'ato' kch'alal, y peor tak c'ola nque'ato' chca jmajo'n awutkin ta quewech. Tak ec'ola chca xque'ekaja awq'uin, congan wen wnaya' ela je nc'atzina chca tzra queviaje com ncawara' yatal chca ajsmajma' rxin Dios chc'ola ayuda nya'a chca cmal kch'alal.

3 Juan 1:5 Iomraidhean Croise

San Mateo 24:45

Techꞌoboꞌ cꞌa chi utz ja xtinbij chewe riꞌ, ja rajsamajelaꞌ ¿echinatak ja nebano cumplir ja nbix chique cumal ja quipatrón, echinatak ja buena quinaꞌoj? Caniꞌ tre jun patrón tok cꞌo jun ajsamajel ruqꞌuin in nuyaꞌ rsamaj chi arjaꞌ npeꞌe chiquij ja juleꞌ chic rach tak ajsamajelaꞌ chi neruban cuenta in nuyaꞌ queway ja tok ncꞌatzin chique.

San Mateo 25:16

Ja yaꞌon can joꞌoꞌ mil quetzal tre, arjaꞌ be, xumaj rsamajixic ja pwok, xumaj negocio tre in joꞌoꞌ mil quetzal xuchꞌec trij.

San Lucas 12:42

—Techꞌoboꞌ cꞌa chi utz ja xtinbij chewe riꞌ, ja rajsamajelaꞌ ¿echinatak ja nebano cumplir ja nbix chique cumal ja quipatrón, echinatak ja buena quinaꞌoj? Caniꞌ tre jun patrón tok cꞌo jun ajsamajel ruqꞌuin in nuyaꞌ rsamaj chi arjaꞌ npeꞌe chiquij ja juleꞌ chic rach tak ajsamajelaꞌ chi neruban cuenta in nuyaꞌ queway ja tok ncꞌatzin chique.

Hechos 1:15

Jariꞌ tiempo peꞌi ja Pedro chiquewach ja juleꞌ chic kachꞌalal ja quiniman chic ja Jesús, ecꞌo la jun ciento veinte chi canojelal. Quewaꞌ xbij ja Pedro chique riꞌ:

Romanos 12:13

Queꞌetoꞌoꞌ ja kachꞌalal ja cꞌo rjawaxic chique. Ja tok ecꞌoli ja ncꞌatzin posada chique teyaꞌaꞌ quiposada.

Gálatas 6:10

Como cꞌo tiempo chake chi nkaban ja rutzil chique ja winak rmalcꞌariꞌ nbij chewe, kabanaꞌ ja rutzil chique canojelal in más na kabanaꞌ utzil chique ja yukul quecꞌuꞌx ruqꞌuin ja Jesucristo como ejeꞌeꞌ e familia xin Dios.

Colosenses 3:17

Xa nak ta nebij jeꞌe in xa nak ta neban jeꞌe chakajaꞌ pro tebanaꞌ nojel pa rubiꞌ ja kajaw Jesucristo in rmal ta ja Jesucristo chakajaꞌ nemaltioxij tre ja katataꞌ Dios nojel ja rbanon chewe.

Hebreos 13:2

Kas queꞌurkaj chewe ja quimajon rcanoxic ja bar newar wiꞌ, queꞌecꞌuluꞌ pon pa tak ewochoch. Queriꞌ nbij chewe como ecꞌoli ja quiyaꞌon posada chique ángel pro ni majun nak ta quinaben ja wi ángel ja queyaꞌ quiposada.

3 Juan 1:10

Rmalcꞌariꞌ ja ranin tok xquinbe ruqꞌuin can nkꞌalasaj na chi utz nojel ja ntajini nuban chi arjaꞌ rmajon katzijoxic, ntajini nbij juleꞌ itzel tak tzij chake. In cꞌa cꞌo na más ja ma utz ta nuban como maquerucꞌul ja kachꞌalal ja tok neꞌekaj ruqꞌuin in chakajaꞌ ja cꞌo quigana nequecꞌul arjaꞌ matuyaꞌ lugar chique chi xquequecꞌul ta, xa nerwasajto chipan ja riglesia in maquerucꞌul chic ejeꞌeꞌ chakajaꞌ.

3 Juan 1:3

Queriꞌ nbij chawe como ecꞌo juleꞌ chique ja kachꞌalal xurquibij chwe ja rabanon in congana xinquicoti ja tok quibij chwe chi atat nij awcꞌan wiꞌ ja tijonem xin Jesucristo pan awanma, quibij chwe chi nij amajon wiꞌ rcojic ja tijonem xin Jesucristo pan acꞌaslemal.