3 Juan 1:3 - Tz'utujil (Ja Cꞌacꞌa Chominem)

³ Queriꞌ nbij chawe como ecꞌo juleꞌ chique ja kachꞌalal xurquibij chwe ja rabanon in congana xinquicoti ja tok quibij chwe chi atat nij awcꞌan wiꞌ ja tijonem xin Jesucristo pan awanma, quibij chwe chi nij amajon wiꞌ rcojic ja tijonem xin Jesucristo pan acꞌaslemal.

Tz'utujil NT

³ Cara' quenbij chawa com ec'ola jle' chca kch'alal xquerbij chwa jabnon, y congan xenquicota tak xecbij chwa che atet nawc'an wa' tijonem rxin Jesucristo pnawanm, y xecbij chwa chka' che amjon wa' rbanic jtijonem rxin Jesucristo chpam ac'aslemal.

3 Juan 1:3 Iomraidhean Croise

Hechos 1:15

Jariꞌ tiempo peꞌi ja Pedro chiquewach ja juleꞌ chic kachꞌalal ja quiniman chic ja Jesús, ecꞌo la jun ciento veinte chi canojelal. Quewaꞌ xbij ja Pedro chique riꞌ:

1 Corintios 13:6

Ja tok cꞌoli ja rajoben riꞌil xin Dios nsamaji pan acꞌaslemal in wi cꞌo jun winak nkaj pa ril jariꞌ mta moda xcatquicot ta trij pro ja wi nsamaji ja utzlaj tzij xin Jesucristo chipan ja rcꞌaslemal jariꞌ natquicot trij.

Gálatas 6:10

Como cꞌo tiempo chake chi nkaban ja rutzil chique ja winak rmalcꞌariꞌ nbij chewe, kabanaꞌ ja rutzil chique canojelal in más na kabanaꞌ utzil chique ja yukul quecꞌuꞌx ruqꞌuin ja Jesucristo como ejeꞌeꞌ e familia xin Dios.

Filipenses 1:4

Ni nban wiꞌ orar pan ecuenta pro ewanojelal in ni ninquicot wiꞌ emwal chakajaꞌ.

2 Juan 1:2

Rumac ja utzlaj tijonem ja rcꞌamonto ja Jesucristo chewiꞌ tok nixwajoꞌ, jariꞌ tijonem cꞌo chic pa tak kanma in mta ariꞌ ja maquita xtiqꞌuejeꞌ kuqꞌuin.

2 Juan 1:4

Ecꞌoli ja rawal kacꞌulun kiꞌ cuqꞌuin in congana ninquicot chiquij como ejeꞌeꞌ ni quimajon wiꞌ rnimaxic ja utzlaj tijonem xin Jesucristo. Niquirwariꞌ quimajon rbanic ja caniꞌ banon mandar chake rmal ja Tatixel chi nkaban.

3 Juan 1:10

Rmalcꞌariꞌ ja ranin tok xquinbe ruqꞌuin can nkꞌalasaj na chi utz nojel ja ntajini nuban chi arjaꞌ rmajon katzijoxic, ntajini nbij juleꞌ itzel tak tzij chake. In cꞌa cꞌo na más ja ma utz ta nuban como maquerucꞌul ja kachꞌalal ja tok neꞌekaj ruqꞌuin in chakajaꞌ ja cꞌo quigana nequecꞌul arjaꞌ matuyaꞌ lugar chique chi xquequecꞌul ta, xa nerwasajto chipan ja riglesia in maquerucꞌul chic ejeꞌeꞌ chakajaꞌ.

3 Juan 1:2

Chakꞌlaj walcꞌwal, anin nmajon rbanic orar pan acuenta, kas ta quiꞌil nel chawach nojel ja nawil chipan ja racꞌaslemal. In tre ja racuerpo, ncꞌutuj tre ja Dios chi maquita cꞌo jun yobil xtakajbej. Ja cꞌa tre ja rawanma jariꞌ wotak chi utz benak.

3 Juan 1:4

Ja tak walcꞌwal chwach Dios ejeꞌeꞌ tok nurkaj rbixic wqꞌuin chi quimajon rcojic ja tijonem xin Jesucristo pa tak quicꞌaslemal jariꞌ janila ninquicot kaj cumal. Ja chwe anin mchita jun quicotemal ja queriꞌ chi ta.

3 Juan 1:5

Chakꞌlaj walcꞌwal, ja kachꞌalal ejeꞌeꞌ xurquicholoꞌ chiquewach ja riglesia nojel ja xabanpi chique chi congana xeꞌawajoꞌ. Ja xabanpi chique ni utz wiꞌ como queriꞌ nrajoꞌ ja yukulbal acꞌuꞌx ruqꞌuin ja Jesucristo chi neꞌatoꞌ ja kachꞌalal in pior cꞌa tok ecꞌoli neꞌatoꞌ chique masqui ma awotak ta quewach. Ja tok ecꞌoli chique xqueꞌekaj awqꞌuin congana buena ja wi neyaꞌel chique ja ncꞌatzin chique chipan ja quiviaje como niquirwariꞌ yatal chique ja rajsamajelaꞌ rxin Dios chi cꞌoli ayuda ja nya̱ꞌ chique cumal ja kachꞌalal.