3 Juan 1:10 - Tz'utujil (Ja Cꞌacꞌa Chominem)

¹⁰ Rmalcꞌariꞌ ja ranin tok xquinbe ruqꞌuin can nkꞌalasaj na chi utz nojel ja ntajini nuban chi arjaꞌ rmajon katzijoxic, ntajini nbij juleꞌ itzel tak tzij chake. In cꞌa cꞌo na más ja ma utz ta nuban como maquerucꞌul ja kachꞌalal ja tok neꞌekaj ruqꞌuin in chakajaꞌ ja cꞌo quigana nequecꞌul arjaꞌ matuyaꞌ lugar chique chi xquequecꞌul ta, xa nerwasajto chipan ja riglesia in maquerucꞌul chic ejeꞌeꞌ chakajaꞌ.

Tz'utujil NT

¹⁰ Rmal c'ara' tak anen xquenba ruq'uin y quenk'alsaj na bien njelal jremjon rij che arja' remjon ktzojxic, com ja' ntajina nbij jle' itzel tak tzij chka. Y c'c'ona más je m-utz ta nuban, com majo'n nqueruc'ul ta kch'alal tak nque'ekaja ruq'uin, y chka' nak c'ola cgan che nquequec'ul per ja' mtuya' c'as chca che xquequec'ul ta, xe nquerelsaj ta chpam iglesia y majo'n nqueruc'ul xta arj-e' chka'.

3 Juan 1:10 Iomraidhean Croise

San Lucas 6:22

Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

San Juan 9:22

Queriꞌ quibij chique ja raj Israel como nquixbej quiꞌ chiquewach como ja raj Israel ejeꞌeꞌ quichomin chic chi xa nak ta nbini chi ja Jesús arjaꞌ ja Cristo wi neꞌe, jariꞌ maticꞌul chic chipan ja jay xin molbal riꞌil ja bar nquemol wiꞌ quiꞌ ja raj Israel chi rcꞌaxaxic ja rtzobal Dios, nchꞌakixel chijutij.

Hechos 1:15

Jariꞌ tiempo peꞌi ja Pedro chiquewach ja juleꞌ chic kachꞌalal ja quiniman chic ja Jesús, ecꞌo la jun ciento veinte chi canojelal. Quewaꞌ xbij ja Pedro chique riꞌ:

2 Corintios 13:2

Ja tok xinqꞌuejeꞌ checojol ja pa rcab viaje xinbij chique ja quimajon rbanic ja ritzelal chi cow nenuchap na in queriꞌ nbij chic chique chakajaꞌ ja juleꞌ chic ja quimajon rbanic ja ritzelal camic, masqui ma incꞌo ta ewqꞌuin pro mta moda ja maquita cow xquenuchap ja tok xquinekaj chic ewqꞌuin.

Gálatas 6:10

Como cꞌo tiempo chake chi nkaban ja rutzil chique ja winak rmalcꞌariꞌ nbij chewe, kabanaꞌ ja rutzil chique canojelal in más na kabanaꞌ utzil chique ja yukul quecꞌuꞌx ruqꞌuin ja Jesucristo como ejeꞌeꞌ e familia xin Dios.

1 Timoteo 5:13

In chakajaꞌ xa neyojtaji, xa nebin chi tak jay. In ma ruyon tariꞌ nqueban pro nqueban molon tak tzij in chakajaꞌ nquemin quiꞌ cuqꞌuin winak pa tak jay ja tok cꞌoli nbantaji, neꞌeli nquibij juleꞌ tzij ja ma yatal ta chique chi nquibij. Ja tzij nqueban xa chꞌaꞌoj rcꞌamonto.

2 Juan 1:10

Xa nak ta ja nekaj ewqꞌuin wi cꞌo jun tijonem rcꞌamonto ja junwiꞌ na chwach ja tijonem xin Cristo maxta tecꞌul chipan ja rewochoch chi neyaꞌ rposada in nixtacꞌa xtebij ta tre: —Dios ta xcatbano bendecir, maxta quixcheꞌ tre.

2 Juan 1:12

Cꞌa cꞌo na más ja nwajoꞌ nbij chewe pro matintzꞌibaj chipan ja carta como ja nchꞌobon anin chi ninbe na ewqꞌuin. Ja cꞌa tok xquinekaji nutzꞌat riꞌ kawach ewqꞌuin, cꞌa tokoriꞌ noktzijoni utzcꞌa chi nqꞌuiyi in nwachini ja quicotemal xin Dios pa tak kanma.

3 Juan 1:3

Queriꞌ nbij chawe como ecꞌo juleꞌ chique ja kachꞌalal xurquibij chwe ja rabanon in congana xinquicoti ja tok quibij chwe chi atat nij awcꞌan wiꞌ ja tijonem xin Jesucristo pan awanma, quibij chwe chi nij amajon wiꞌ rcojic ja tijonem xin Jesucristo pan acꞌaslemal.

3 Juan 1:5

Chakꞌlaj walcꞌwal, ja kachꞌalal ejeꞌeꞌ xurquicholoꞌ chiquewach ja riglesia nojel ja xabanpi chique chi congana xeꞌawajoꞌ. Ja xabanpi chique ni utz wiꞌ como queriꞌ nrajoꞌ ja yukulbal acꞌuꞌx ruqꞌuin ja Jesucristo chi neꞌatoꞌ ja kachꞌalal in pior cꞌa tok ecꞌoli neꞌatoꞌ chique masqui ma awotak ta quewach. Ja tok ecꞌoli chique xqueꞌekaj awqꞌuin congana buena ja wi neyaꞌel chique ja ncꞌatzin chique chipan ja quiviaje como niquirwariꞌ yatal chique ja rajsamajelaꞌ rxin Dios chi cꞌoli ayuda ja nya̱ꞌ chique cumal ja kachꞌalal.