2 Juan 1:8 - Tz'utujil (Ja Cꞌacꞌa Chominem)

⁸ Kas tebanaꞌ jutzꞌit cuenta ewiꞌ, maxta quixban engañar, maquita xtetzꞌilaꞌ ja rtojbalil ja samaj ebanon pro ja kas nwajoꞌ chewe, xtiyataj ta na chewe ja rtojbalil pro ni nojelal.

Tz'utujil NT

⁸ Kas tebna' cwent ewi' y me tquixba'n ta engañar, mquita xtetz'ila' rtojbalil jsamaj jebnon, per kas quenwajo' chewa xtyataj tna chewa rtojbalil per nche njelal.

2 Juan 1:8 Iomraidhean Croise

San Mateo 24:4

Ja cꞌa Jesús quewaꞌ xbij chique riꞌ: —Kas tebanaꞌ jutzꞌit cuenta ewiꞌ, maxta cꞌo jun quixbano engañar.

Marcos 13:23

Bien tebanaꞌ cuenta ewiꞌ chwach ja wariꞌ como xinyaꞌ pon rbixic chewe.

Marcos 13:9

Pro tebanaꞌ jutzꞌit cuenta ewiꞌ chiquewach ja winak como ejeꞌeꞌ nixquecꞌamel na pa tak kꞌetbaltzij in nixquirapaj chakajaꞌ pa tak jay xin molbal riꞌil. Nixquecꞌamel chiquewach gobernador, nixquecꞌamel chiquewach rey pro mwal anin tok xtiban queriꞌ chewe. Queriꞌ xtiban chewe utzcꞌa chi nel ntzijoxic chiquewach.

San Lucas 19:19

—Atat chakajaꞌ, joꞌoꞌ tinamit ja ncoj chic pan akꞌaꞌ camic chi natoc kꞌetol tzij parwiꞌ, neꞌe ja rey tre.

San Lucas 21:8

In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

San Juan 4:36

Ja nebano cosechar quixin jariꞌ cꞌo jun rtojbalil nyataj chique. Ja cosecha xtiqueban quewaꞌ rbanic riꞌ, nequecoj ja winak chipan ja gobierno xin Dios in jariꞌ winak nyataj chique ja utzlaj cꞌaslemal ja ni mta wiꞌ qꞌuisic trij. Queriꞌ rbanic utzcꞌa chi nequicoti ja neticowi ja samaj in ja nebano cosechar ja samaj ejeꞌeꞌ nequicot cuqꞌuin chakajaꞌ.

1 Corintios 15:8

Ja cꞌa pa rqꞌuisbal xucꞌut na riꞌ chinwach anin chakajaꞌ masqui ja ranin kas tzel nbanonto.

1 Corintios 3:14

Ja rajsamajelaꞌ wi xtucochꞌ ja kꞌakꞌ ja material ja quicojon parwiꞌ ja rsimientoꞌil ja jay jariꞌ cꞌo jun rtojbalil nyataj na chique.

1 Corintios 3:8

Ja nticowi ja tijcoꞌm rachbil ja nyaꞌan rxin xa e junan chi e caꞌiꞌ, e moso, janiꞌ ja samaj nqueban chi e caꞌiꞌ jariꞌ ja rtojbalil nyataj na chique chi e caꞌiꞌ chakajaꞌ.

Gálatas 3:4

Ja tok xenimaj ja Jesucristo congana rpokonal xetij rmal pro camic ¿la chaka queriꞌ tok xetij ja rpokonal? Maquita chaka queriꞌ wachꞌalal.

Gálatas 4:11

Anin nxbej wiꞌ emwal, matzij xa mta noc wiꞌ ja congana xintij nukꞌij chi etijoxic.

Filipenses 3:16

Xarwariꞌ ja chꞌobtajnak chic kumal kacꞌamaꞌ kiꞌ chi rnimaxic, xa junan kabanaꞌ.

Hebreos 10:32

Pro ixix wachꞌalal turkaj cꞌa chewe chi ja kas nabey ja tok sakirsaxto ja rebey rmal ja Jesucristo xixcowini xecochꞌ nojel ja pi chewij, janila jun lucha janila jun rpokonal xetij pro xecochꞌ nojelal.

Hebreos 10:35

Rmalcꞌariꞌ nbij jutzꞌit rubiꞌ chewe, maxta teyaꞌ can ja yukulbal ecꞌuꞌx ruqꞌuin ja Jesucristo como cꞌo jun nimlaj rtojbalil ja rcꞌamonto chewe ja tok nyukeꞌ ecꞌuꞌx ruqꞌuin.

Hebreos 12:15

Tebanaꞌ jutzꞌit cuenta ewiꞌ, maxta cꞌo jun chewe tuyaꞌ can ja rutzil ja nsipaj ja Dios chake. Maxta cꞌo jun chewe tiyictaji checojol xqueruyoj ta ja juleꞌ chic caniꞌ nuban ja ritzel kꞌayis tok npeti ncamsaj ja tijcoꞌm.

Apocalipsis 3:11

Bien tecꞌwaxaj, anin ninbe chic jutij chwachꞌulew chanim, tebanaꞌ cuenta ja yatajnak chic chewe utzcꞌa chi ni majun nak ta xtilasan ta chewe ja recorona.