2 Juan 1:4 - Tz'utujil (Ja Cꞌacꞌa Chominem)

⁴ Ecꞌoli ja rawal kacꞌulun kiꞌ cuqꞌuin in congana ninquicot chiquij como ejeꞌeꞌ ni quimajon wiꞌ rnimaxic ja utzlaj tijonem xin Jesucristo. Niquirwariꞌ quimajon rbanic ja caniꞌ banon mandar chake rmal ja Tatixel chi nkaban.

Tz'utujil NT

⁴ Ec'ola awal kac'lun ki' kuq'uin y congan quenquicota chquij com j-e' quemjom wa' rnimaxic utzlaj tijonem rxin Jesucristo. Ncara' quemjon rbanic ajni' nbij mandamiento je y-on chka rmal Ttixel.

2 Juan 1:4 Iomraidhean Croise

1 Corintios 13:6

Ja tok cꞌoli ja rajoben riꞌil xin Dios nsamaji pan acꞌaslemal in wi cꞌo jun winak nkaj pa ril jariꞌ mta moda xcatquicot ta trij pro ja wi nsamaji ja utzlaj tzij xin Jesucristo chipan ja rcꞌaslemal jariꞌ natquicot trij.

Gálatas 2:14

Ja cꞌa ranin ja tok chꞌobtaj mwal chi matucꞌam riꞌ ruqꞌuin ja utzlaj tzij xin Jesucristo ja queban cꞌacꞌariꞌ xinchꞌaꞌ tre ja Pedro pro ni chiquewach canojelal: —Ja xaban chique ja kachꞌalal riꞌ ja ma e aj Israel ta, ja nel chiquewach chi puersa noqui ja kacostumbre ajoj ja rok aj Israel. ¿Nak cꞌa tre tok xaban quelaꞌ? Pro makanaꞌ maquita xeꞌawachbilaj nabey, xatwaꞌ waꞌan cuqꞌuin masqui at aj Israel, makanaꞌ maquita xatel conforme nabey chi matiyukeꞌ chic acꞌuꞌx ruqꞌuin ja ley.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Efesios 5:8

Como ja recꞌaslemal ixix ma queriꞌ chi ta ja caniꞌ nabey como ja nabey solo kꞌekumal ixcꞌayon pro ja camic luz xin Dios ixcꞌayon pro xa rmal ja xa jun ebanon ruqꞌuin ja kajaw Jesucristo chewiꞌ tok queriꞌ chic ebanon. Tebanaꞌ cꞌa ja bien nucꞌam riꞌ ruqꞌuin ja luz xin Dios como ix ralcꞌwal chic ja Dios ja sakirsyon ebey chewach.

Filipenses 4:10

Ja camic wachꞌalal congana ninquicoti pa rubiꞌ ja kajaw Jesucristo rumac ja xetakpi chic jun ti ayuda chwe. Cꞌo chic tiempo ja mchita ayuda etakonto pro bien wotak chi cꞌol egana netakto pro como mta ncꞌamoto chewiꞌ tok ma etakonpi ta.

1 Juan 2:6

Ja wi cꞌo jun nbij chi arjaꞌ xa jun rbanon chic ruqꞌuin ja Jesucristo jariꞌ ni rjawaxic wiꞌ chi nrcꞌaj jun utzlaj cꞌaslemal ja caniꞌ rcꞌaslemal ja Jesucristo.