2 Juan 1:2 - Tz'utujil (Ja Cꞌacꞌa Chominem)

² Rumac ja utzlaj tijonem ja rcꞌamonto ja Jesucristo chewiꞌ tok nixwajoꞌ, jariꞌ tijonem cꞌo chic pa tak kanma in mta ariꞌ ja maquita xtiqꞌuejeꞌ kuqꞌuin.

Tz'utujil NT

² Rmal utzlaj tijonem jrec'mon ta Jesucristo rmal c'ara' tak quixnwajo', jara' tijonem c'o chic ptak kanm y nec'je' na kuq'uin rxin junlic.

2 Juan 1:2 Iomraidhean Croise

San Juan 14:16

Ja cꞌa ranin ncꞌutuj na tre ja Tatixel chi arjaꞌ nutakto jun chic ja ntoꞌo ewxin ja nqꞌuejeꞌ ewqꞌuin pro ni chijutij.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

1 Corintios 9:23

Ja kas ngana anin xtibe ta más pa nim rbixic ja utzlaj tzij xin Jesucristo chewiꞌ tok nmajon rbanic nojel awaꞌ samaj riꞌ. Queriꞌ nbanon utzcꞌa chi anin jun xquinquicot chipan ja rutzil ja rcꞌamonto ja utzlaj tzij xin Jesucristo chake.

2 Corintios 4:5

Como ni ja wiꞌ ja Jesucristo nkanataj tok nkayaꞌ rbixic ja utzlaj tzij, arjaꞌ Rajaw nojelal, nokcheꞌ tre, ma ajoj ta nkanataj kaj ta kiꞌ kayon. Ja cꞌa rajoj ok ilinelaꞌ ewxin pro rumac ja Jesús ja tok kabanon queriꞌ.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

2 Timoteo 1:5

In chakajaꞌ nurkaj chwe chi ni katzij wiꞌ chi cꞌoli ja yukulbal acꞌuꞌx ruqꞌuin ja Dios caniꞌ tre ja rawatiꞌt Loida in tre ja rateꞌ Eunicia ejeꞌeꞌ yukeꞌ quecꞌuꞌx nabey ruqꞌuin ja Dios. In bien wotak chi yukul acꞌuꞌx atat ruqꞌuin chakajaꞌ.

2 Pedro 1:12

Rmalcꞌariꞌ tok ni nnataj wiꞌ chewe nojel ja xintzꞌibaj riꞌ. Queriꞌ nban masqui ewotak chic in masqui cowirnak chic ewiꞌ ewanma chipan ja utzlaj tzij eniman ja rcꞌamonto ja Jesucristo.

1 Juan 1:8

Ja wi nkabij chi mta ja il mac kabanon jariꞌ xa nkaban kaj engañar kiꞌ kayon in ma katzij ta ja nkabij.

1 Juan 2:14

In chewe ixix ja rix rijaꞌ, ewotak rwach ja Ralcꞌwalaxel ja ni cꞌo wiꞌ ja tok tzꞌucarsaxto ja rwachꞌulew in rmalariꞌ xintakel ja carta chewe. In chewe ixix ja rix cꞌajolaꞌ, ixix ixcowirnak chipan ja rtzobal Dios in ni cꞌo wiꞌ ja rtzobal pa tak ewanma in chakajaꞌ xixcowin trij ja diablo xechꞌec in rmalariꞌ xintakel ja carta chewe.

1 Juan 2:17

Ja cꞌaslemal xin rwachꞌulew rachbil nojelal ja ntzujuj ja nkayarij jariꞌ xa nkꞌaxi pro canojel ja nenimani ja Dios chi nqueban ja najoꞌx chique rmal chi nqueban ejeꞌeꞌ neꞌecꞌaseꞌ na chijutij ruqꞌuin.