2 Juan 1:12 - Tz'utujil (Ja Cꞌacꞌa Chominem)

¹² Cꞌa cꞌo na más ja nwajoꞌ nbij chewe pro matintzꞌibaj chipan ja carta como ja nchꞌobon anin chi ninbe na ewqꞌuin. Ja cꞌa tok xquinekaji nutzꞌat riꞌ kawach ewqꞌuin, cꞌa tokoriꞌ noktzijoni utzcꞌa chi nqꞌuiyi in nwachini ja quicotemal xin Dios pa tak kanma.

Tz'utujil NT

¹² C'c'o na más quenwajo' quenbij chewa per majo'n quentz'ibaj ta chpam carta, com jnech'bon anen che quenba na ewq'uin. Tak xtnekaja nutz'et ri' kawech ewq'uin, tzra' c'ara' xtoktzijon wa' ch-utz c'ara' nq'uiya y nwachina quicotemal rxin Dios ptak kanm.

2 Juan 1:12 Iomraidhean Croise

San Juan 15:11

Nojel ja cꞌa xinbij kaj chewe riꞌ utzcꞌa chi xtiqꞌuejeꞌ ta pa tak ewanma ja quicotemal ja cꞌo pa wanma anin. Xinbij chewe utzcꞌa chi xtinoj ta ja quicotemal pa tak ewanma.

San Juan 16:12

Anin cꞌa cꞌo na ja majaꞌn tinbij chewe pro matichꞌobtaj emwal ja xtinbij ta chewe camic.

San Juan 16:24

Ja caniꞌ ebanonto mta ecꞌutun pan oración ja pa nubiꞌ ta anin. Pro ja camic anin nbij chewe, tecꞌutuj in nyataj chewe. Quirtariꞌ neban utzcꞌa chi xtinoj ta ja quicotemal xin Dios pa tak ewanma.

San Juan 17:13

Pro ja camic anin ninmeloj awqꞌuin in nojel awaꞌ ja nintajini nbij chawe camic riꞌ ni chiquewach ejeꞌeꞌ nbij can wiꞌ waweꞌ chwachꞌulew utzcꞌa chi xtinoj ta pa tak canma ja quicotemal ja cꞌo wqꞌuin.

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

Romanos 15:24

rmalcꞌariꞌ tok nchꞌobon chi ninbe ewqꞌuin. Como cꞌo jun nviaje nenbanaꞌ España nchꞌobon chi ninkꞌax na ewqꞌuin chipan ja viaje. Ja cꞌa tok xquinekaj ewqꞌuin janila ninquicoti ja ninqꞌuejeꞌ checojol masqui xa jurata. Ja cꞌa tok xquinel chic checojol ninetoꞌel ta jutzꞌit tre ja nviaje.

2 Timoteo 1:4

In nurkaj chwe chakajaꞌ tok xinawokꞌej tokoriꞌ tok xinelto awqꞌuin in rmalariꞌ congana ngana nutzꞌat chic jutij riꞌ kawach awqꞌuin utzcꞌa congana chi na xquinquicoti amwal.

Filemón 1:22

In chakajaꞌ tachomij pon paki jutzꞌit ja bar xquinwar wiꞌ ja tok xquinekaj awqꞌuin como ja wayben anin camic chi ncꞌaxaxi ja roración ja remajon rbanic pan ncuenta, jariꞌ wayben chi nya̱ꞌ lugar chwe chi ninbe ewqꞌuin.

Hebreos 13:19

Congana nban recomendar chewe chi neban orar pa ncuenta utzcꞌa chi nintak chic jutij ewqꞌuin chanim.

Hebreos 13:23

In jun chic nbij chewe, ja kachꞌalal Timoteo arjaꞌ elnakpi chic libre camic. Ja cꞌa wi xturkaji chanim can ncꞌamel ja tok xquinbe ewqꞌuin.

1 Juan 1:4

Ja katzꞌibaj riꞌ nkatakel ewqꞌuin utzcꞌa chi nqꞌuiyi in nwachini ja quicotemal xin Dios pa tak ewanma.

3 Juan 1:10

Rmalcꞌariꞌ ja ranin tok xquinbe ruqꞌuin can nkꞌalasaj na chi utz nojel ja ntajini nuban chi arjaꞌ rmajon katzijoxic, ntajini nbij juleꞌ itzel tak tzij chake. In cꞌa cꞌo na más ja ma utz ta nuban como maquerucꞌul ja kachꞌalal ja tok neꞌekaj ruqꞌuin in chakajaꞌ ja cꞌo quigana nequecꞌul arjaꞌ matuyaꞌ lugar chique chi xquequecꞌul ta, xa nerwasajto chipan ja riglesia in maquerucꞌul chic ejeꞌeꞌ chakajaꞌ.