2 Juan 1:1 - Tz'utujil (Ja Cꞌacꞌa Chominem)

¹ Wachꞌalal ja ratchaꞌon rmal ja Dios, anin ja rin anciano ntakel ja carta chawe riꞌ in ntakel chique ja rawal chakajaꞌ. Anin congana nixwajoꞌ pro jun ajoben riꞌil cꞌo chake ewqꞌuin ja ni katzij wiꞌ chi ruqꞌuin ja Jesucristo penak wiꞌ. Pro ma nuyon ta anin ja nixwajoꞌ pro nixcajoꞌ chakajaꞌ canojel ja nchꞌobtaj cumal nak rbanic ja utzlaj tijonem xin Jesucristo.

Tz'utujil NT

¹ Wch'alal je atch-on rmal Dios, anen ja en anciano quentak ela jawra carta chawa, y quentak ela chca awal chka'. Anen congan quixnwajo', per jun ojben ri'il jc'ola kuq'uin ne ktzij wa' chruq'uin Jesucristo penak wa'. Per mnuyon ta anen quixnwajo' per nquixcajo' chka' conjelal jch'obtanak cmal nak rbanic utzlaj tijonem rxin Jesucristo.

2 Juan 1:1 Iomraidhean Croise

San Lucas 1:3

Ja cꞌa ranin xenmajaꞌto rchꞌobic ja bar winakarnakto wiꞌ nojel ja rbanon can ja Dios chikawach in xunqꞌuisaꞌ ja bar cꞌo wiꞌ camic. Bien xinchꞌob rij rwach in xinchomarsaj chi utz in xintzꞌibaj nojel in camic nwajoꞌ ntak awqꞌuin.

San Juan 8:32

Ja wi queriꞌ neban newotakij na janiꞌ ja nnaꞌoj in newotakij na chakajaꞌ chi ni katzij wiꞌ ja ntzobal in tok xtewotakij jariꞌ nixwasanel libre, neꞌ chique.

Hechos 11:30

In queriꞌ queban, quetakel ja Bernabé rachbil Saulo chi ejeꞌeꞌ nequijachaꞌ ja rayuda pa quekꞌaꞌ ja ranciano ja repaꞌl chiquij ja kachꞌalal ja recꞌo pa Judea.

Romanos 16:13

Teyaꞌaꞌ rutzil rwach ja Rufo, arjaꞌ jun ajsamajel chaꞌon rmal ja kajaw Jesucristo in teyaꞌaꞌ rutzil rwach ja ruteꞌ chakajaꞌ como arjaꞌ xuban chwe in caniꞌ chakꞌlaj ral.

Gálatas 2:14

Ja cꞌa ranin ja tok chꞌobtaj mwal chi matucꞌam riꞌ ruqꞌuin ja utzlaj tzij xin Jesucristo ja queban cꞌacꞌariꞌ xinchꞌaꞌ tre ja Pedro pro ni chiquewach canojelal: —Ja xaban chique ja kachꞌalal riꞌ ja ma e aj Israel ta, ja nel chiquewach chi puersa noqui ja kacostumbre ajoj ja rok aj Israel. ¿Nak cꞌa tre tok xaban quelaꞌ? Pro makanaꞌ maquita xeꞌawachbilaj nabey, xatwaꞌ waꞌan cuqꞌuin masqui at aj Israel, makanaꞌ maquita xatel conforme nabey chi matiyukeꞌ chic acꞌuꞌx ruqꞌuin ja ley.

Gálatas 2:5

Pro ja cꞌa rajoj nixtacꞌa kanimaj ta jutzꞌit ja ncajoꞌ chake, ma xekanimaj ta pro emwal ixix utzcꞌa chi ja utzlaj tzij xin Jesucristo matiqꞌuextaji rbixic ja tok ncꞌu̱t chewach.

Gálatas 3:1

Wachꞌalal ja rix aj Galacia, ixix xa ma ix chꞌobol ta. ¿Nak xixbano engañar chewiꞌ tok xeyaꞌ can ja utzlaj tzij xin Jesucristo? Pro bien chꞌobtaj chewach nak rbanic ja Jesucristo, caniꞌ waꞌan rip chwa cruz chewach.

Gálatas 5:7

Ixix kas waꞌan jic ixbenak nabey pro ¿nak cꞌa xixyojowi chi matenimaj chic ja utzlaj tijonem xin Jesucristo?

Colosenses 1:5

Queriꞌ neban como cꞌo jun nimlaj herencia xin Dios ewayben ja cꞌolon chilaꞌ chicaj. Jawaꞌ herencia riꞌ ecꞌwaxan chic nak rbanic, tokoriꞌ xecꞌwaxaj ja tok bix chewe ja utzlaj tzij xin Jesucristo pro juleꞌ tzij ja ni majun tzꞌakoj tzij rcꞌan.

1 Timoteo 2:4

Ja Dios arjaꞌ nrajoꞌ chi canojelal ja winak netotaji in ncotakij ja utzlaj tijonem xin Jesucristo.

Hebreos 10:26

Queriꞌ nbij chewe como ajoj wi kaniman chic ja tijonem ja rcꞌamonto ja Jesucristo in wi kas kꞌalawachili nokmacun chic jariꞌ mchita jun sacrificio xkotobex chi ta tre ja il mac nkaban.

1 Pedro 1:2

Ixix ixchaꞌon rmal ja katataꞌ Dios, ix rxin chic como queriꞌ ja rchominto ojer, xixcoj pa rukꞌaꞌ rmal ja rEspíritu Santo. Queriꞌ ban chewe utzcꞌa chi nenimaj ja Jesucristo utzcꞌa chakajaꞌ chi nixchꞌachꞌojirsax chipan ja rewil emac rmal ja rquiqꞌuel. Xtibe ta pa nim checojol ja rutzil ja nsipaj ja Dios in xtiyaꞌ ta jun nimlaj quicotemal pa tak ewanma.

1 Pedro 5:1

Camic nwajoꞌ nintzijon cuqꞌuin ja recꞌayon quixin ja kachꞌalal ja recꞌo checojol como anin jun in cachbil. Anin xintzꞌat nojel ja rpokonal ja xutij ja Cristo. In anin jun chakajaꞌ xquintzꞌatowi ja Jesucristo ja tok xtipi chic jutij tokoriꞌ tok nkꞌalajin na chi congana nim rukꞌij.

1 Pedro 5:13

Ja kachꞌalal ja recꞌo waweꞌ pa Babilonia ejeꞌeꞌ ewachbil ja rixchaꞌon rmal ja Dios in nquetakel rutzil ewach. Ja Marcos arjaꞌ ncꞌajol chwach Dios, arjaꞌ nutakel rutzil ewach chakajaꞌ.

1 Juan 2:21

Anin ntzꞌibajel ja carta chewe riꞌ pro ma rmal ta chi majaꞌn tichꞌobtaj emwal nak rbanic ja utzlaj tzij pro como chꞌobtajnak chic emwal chewiꞌ tok ntzꞌibajel chewe. Ixix bien ewotak chi ja tzꞌakoj tzij ni matucꞌam wiꞌ riꞌ ruqꞌuin ja utzlaj tzij xin Jesucristo.

1 Juan 3:18

Chakꞌlaj walcꞌwal, maxta xa chi kachiꞌ cꞌo wiꞌ ja tok nkabij chi nkajoꞌ kiꞌ. Ja kas nrajoꞌ chi cꞌoli nkaban ja nkacꞌutbej chi ni katzij wiꞌ chi nkajoꞌ kiꞌ.

2 Juan 1:13

Ja ral ja rawachꞌalal ja chaꞌon rmal ja Dios ejeꞌeꞌ nquetakel rutzil awach. Amén.

2 Juan 1:5

Camic wachꞌalal, congana nban recomendar chawe chi ni nkajoꞌ wiꞌ kiꞌ. Pro jariꞌ jun mandamiento ma cꞌa ta winakari pro ni bitajnakto wiꞌ chake nabey chi rjawaxic chi nkajoꞌ kiꞌ.

3 Juan 1:1

Chakꞌlaj walcꞌwal Gayo, anin ja rin anciano ntakel ja carta chawe riꞌ. Wachꞌalal, anin congana natwajoꞌ pro jun ajoben riꞌil cꞌo chake awqꞌuin ja ni katzij wiꞌ chi ruqꞌuin ja Jesucristo penak wiꞌ.