1 Juan 5:8 - Tz'utujil (Ja Cꞌacꞌa Chominem)

⁸ In chakajaꞌ oxiꞌ rwach ja testigo ja cꞌo chwachꞌulew, jun, ja rEspíritu Santo, in jun chic, ja tok ban bautizar ja Jesús, in jun chic, tok xutix ja rquiqꞌuel chwach cruz, xa junan nkꞌalasaj chi oxiꞌ chi Jesús arjaꞌ Ralcꞌwal Dios.

Tz'utujil NT

⁸ Chka' oxi' rwech testig c'ola chwech ruch'lew, jun ja' Espíritu Santo, jun chic tak xba'na bautizar Jesús, jun chic tak xutix recq'uiel chwech cruz, xjunam nk'alsaj che oxi' che Jesús arja' Rlec'wal Dios.

1 Juan 5:8 Iomraidhean Croise

San Mateo 28:19

Rmalcꞌariꞌ nbij chewe, jix cuqꞌuin ja winak ja recꞌo nojel tak nación, queꞌetijoj utzcꞌa chi neꞌoc ndiscípulo, queꞌebanaꞌ bautizar pa rubiꞌ ja Tatixel, ja Ralcꞌwalaxel in ja rEspíritu Santo.

Marcos 14:56

E qꞌuiy ja winak ja queyaꞌ testigoꞌil trij pro ma katzij ta ja nquibij tre, xa tzꞌakoj tzij nqueban. Junwiꞌ nbij jun in junwiꞌ nbij chic jun, ni matucꞌam wiꞌ riꞌ ja nquibij.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 19:34

Pro cꞌo jun chique ja soldado, arjaꞌ xumin jun lanza pa rupox ja Jesús in chanim xelto juleꞌ quicꞌ rachbil yaꞌ.

Hechos 15:15

Jariꞌ bien nucꞌam riꞌ ruqꞌuin ja tzꞌibtal can cumal ja rojer tak profeta chipan ja rtzobal Dios, quewaꞌ nbij ja Dios riꞌ:

Romanos 8:16

Chꞌobtajnak chic kumal chi ok ralcꞌwal Dios in ja rEspíritu Santo arjaꞌ mismo nuyaꞌ kaseguro chi ok ralcꞌwal Dios.

2 Corintios 1:22

In chakajaꞌ cꞌo jun retal rcojon chake ja ncꞌutu kaxin chi ok xin Dios, cꞌoli ja rEspíritu Santo rtakonto pa tak kanma jariꞌ ocnak kaseguro chi nuyaꞌ na chake nojel ja herencia ja rtzujun chake.

Hebreos 13:12

Queriꞌ cꞌa ban tre ja Jesús chakajaꞌ lasaxel chipan ja tinamit, junwiꞌ xecamsax wiꞌ. Ja cꞌa rquiqꞌuel jariꞌ xchꞌachꞌojirsbej ja kanma ja rok winak chipan ja kil kamac.

Hebreos 6:4

Ja cꞌa winak ja nqueyaꞌ can ja Jesucristo mta moda xtiyataj chi ta chique chi xtiqueqꞌuex chi ta jutij ja quinaꞌoj. Ja nabey kꞌalasax chiquewach janiꞌ ja katataꞌ Dios chi ja rbanic caniꞌ jun nimlaj luz nsakirsaj ja quebey chiquewach. Quenaꞌ chakajaꞌ janiꞌ rquiꞌil ja rutzil ja quicochij tre ja Dios. Chakajaꞌ yataj chique chi qꞌuejeꞌe ja rEspíritu Santo pa tak canma.

1 Pedro 3:21

In queriꞌ cꞌa chake ajoj camic chakajaꞌ como pa yaꞌ nokban wiꞌ bautizar in noktotaji. Ja bautismo ma acuerpo ta nuchꞌaj pro ja rubey tok natban bautizar jariꞌ nacꞌutbej jun chꞌajchꞌojlaj anma tre ja Dios. Queriꞌ nkaban noktotaji in xa rmal ja rcꞌastajic ja Jesucristo chewiꞌ tok noktotaji.

1 Juan 5:9

Como nekanimaj winak tok nqueyaꞌ testigoꞌil rmalcꞌariꞌ tok más na rjawaxic chi nkanimaj ja testigo xin Dios. Ja Dios rcojon ja testigo chi rkꞌalasaxic chi ja Jesús arjaꞌ ja Ralcꞌwal. Ja testigoꞌil nuyaꞌ ja Dios más na nim rukꞌij chwach ja nqueyaꞌ winak.