1 Juan 5:6 - Tz'utujil (Ja Cꞌacꞌa Chominem)

⁶ Ja tok peti ja Jesucristo cꞌoli kꞌalasan rxin chi Ralcꞌwal Dios jariꞌ tok ban bautizar in tok camsaxi xutix ja rquiqꞌuel chwach cruz. Ma chaka ta ruyon ariꞌ ja ban bautizar pro xutix ja rquiqꞌuel chwach cruz chakajaꞌ. Ja rEspíritu Santo arjaꞌ nbini chakajaꞌ chi ja Jesucristo arjaꞌ Ralcꞌwal Dios. Ja rEspíritu Santo ni rxin wiꞌ chi katzij nojel ja nbij.

Tz'utujil NT

⁶ Tak xpeta Jesucristo c'ola xk'alsana rxin che Rlec'wal Dios, jara' tak xba'na bautizar y tak xcomsasa y xutix recq'uiel chwech cruz. Mchek truyon xba'na bautizar per xutix recq'uiel chwech cruz chka'. Ja' Espíritu Santo nbina chka' che Jesucristo Rlec'wal Dios. Ja' Espíritu Santo ne rxin wa' che ktzij njelal je nbij.

1 Juan 5:6 Iomraidhean Croise

San Mateo 26:28

como jawaꞌ wariꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel e qꞌuiy ja winak nti̱x na pa quicuenta utzcꞌa chi ncuytaji ja quil quemac.

San Mateo 3:16

Ja Jesús tok chaka maril bantaj bautizar xelto pa yaꞌ in chaka jalal tok jaktaji ja caj. Cꞌacꞌariꞌ xutzꞌat ja rEspíritu Santo xin Dios caniꞌ jun ajsakaxicꞌ kajto ruqꞌuin.

Marcos 14:24

Cꞌacꞌariꞌ xbij chic chique: —Jawaꞌ vino riꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel e qꞌuiy ja winak nti̱x na pa quicuenta.

San Lucas 22:20

In queriꞌ xuban chic tre jun chic vaso vino chakajaꞌ, ja tok colbetaji ja waꞌim cumal xbij chic chique: —Jawaꞌ vino riꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel jariꞌ nti̱x na pan ecuenta.

San Juan 14:17

Ja nta̱kto chic ewqꞌuin jariꞌ ja rEspíritu Santo ja ni katzij wiꞌ nojel ja nbij. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ maquecowini nquechꞌob nak rbanic ja rEspíritu Santo in matiquecꞌul. Como ejeꞌeꞌ matiquetzꞌat rwach in nixtacꞌa cotak ta rwach chewiꞌ tok queriꞌ nqueban. Pro ja rixix ewotak rwach como arjaꞌ cꞌol ewqꞌuin in nqꞌuejeꞌ na pa tak ewanma.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 16:13

Ja tok xtipeti ja rEspíritu Santo ja nkꞌalasani janiꞌ ja Dios ja ni katzij wiꞌ chi Dios arjaꞌ nucꞌan ewxin in bien nkꞌalasaj na chewach nojelal nak ja kas mero rbanic ja Dios. Queriꞌ xtuban como arjaꞌ ma chaka ta ruyon xtiwinakarsaj nojoj ja xtibij, ja nbix tre rmal ja Tatixel jariꞌ nbij arjaꞌ. In jun chic, arjaꞌ nkꞌalasaj na jeꞌe chewach ja majaꞌn tibantaji.

San Juan 3:5

Ja cꞌa Jesús xbij chic tre: —Ni katzij wiꞌ ja xtinbij chawe riꞌ, rjawaxic chi natalax tre yaꞌ in tre ja rEspíritu nowi ma queriꞌ ta naban jariꞌ macatcowini natoc chipan ja gobierno xin Dios.

San Juan 4:10

Ja cꞌa Jesús xbij chic tre: —Ja wixta chꞌobtajnak amwal nak rbanic ja cochinem ja nsipaj ja Dios chawe, wixta chꞌobtajnak amwal nak inocnak wiꞌ anin ja nintajini nintzijon awqꞌuin camic riꞌ ja nmajon rcꞌutuxic nuyaꞌ chawe, atat xacꞌutuj ta yaꞌ ariꞌ chwe chakajaꞌ in xinyaꞌ ta jun yaꞌ chawe pro jun yaꞌ ja rcꞌamonto jun cꞌacꞌa cꞌaslemal chawe, neꞌ tre.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 6:55

Como ja ncuerpo anin jariꞌ ja mero way in ja nquiqꞌuel jariꞌ ja mero camsbal chakichiꞌ.

Hechos 8:36

Kas quimajon binem chipan ja careta ja tok cꞌo jun yaꞌ quewil: —Tatzꞌataꞌ mpeꞌ, cꞌo jun yaꞌ leꞌ. ¿La maxta cꞌa utz ninban bautizar camic? neꞌe ja rachi.

Romanos 3:25

Arjaꞌ takto waweꞌ chwachꞌulew rmal ja Dios chi xoc jun sacrificio pro jun sacrificio ja tzursan kaxin ruqꞌuin ja Dios. In noktzur ruqꞌuin ja Dios ja wi nyukeꞌ kacꞌuꞌx ruqꞌuin ja Jesucristo chi ja rquiqꞌuel arjaꞌ jariꞌ tojbexi ja kil kamac. Ja Dios tok xutoj ja kil kamac triꞌ xucꞌut wiꞌ chikawach chi arjaꞌ ni rubey wiꞌ nuban tre ja kꞌetoj tzij, ma chaka ta quiꞌ tre ja il mac nbani. Queriꞌ nbij chewe como arjaꞌ tok majaꞌn tipeti ja Jesucristo xa rcochꞌon ja il mac quibanonto ja winak.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Colosenses 1:4

Nkamaltioxij tre como xurkaj rbixic kuqꞌuin chi ja rixix ni yukul wiꞌ ecꞌuꞌx ruqꞌuin ja Cristo Jesús in congana neꞌewajoꞌ canojel ja kachꞌalal ja re tinamit xin Dios.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Tito 3:5

In tok xuban queriꞌ tokocꞌariꞌ xokrutoꞌ kanojelal pro ma rmal ta chi cꞌoli kachꞌecbej tok xuban queriꞌ chake, xa rmal xpokonaj kawach. Ja tok xokchꞌachꞌojirsaxi rmal ja xokalax chic jutij tokoriꞌ xoktotaji in rmal ja rEspíritu Santo kawil ja cꞌacꞌa cꞌaslemal.

Hebreos 10:29

Pior cꞌa ja Jesucristo ja Ralcꞌwal Dios, wi cꞌo jun nuban tre ni ma vale ta ¿la ma yatal ta cꞌa trij ariꞌ nechꞌob ixix chi nutij na jun rpokonal ja más chi na lawuloꞌ? Janila nutij na rpokonal ja wi nuban tre ja rquiqꞌuel ja Jesucristo caniꞌ rquiqꞌuel xa nak ta chi winakil pro makanaꞌ maquita jariꞌ quicꞌ chꞌachꞌojirsan rxin chipan ja ril rumac, makanaꞌ maquita jariꞌ quicꞌ nyowi rseguro ja cꞌacꞌa chominem ja chomarsan rmal ja Dios chi katoꞌic. Janila nutij na rpokonal ja wi nuban tre ja rEspíritu Santo ni ma vale ta pro makanaꞌ maquita ja rEspíritu Santo ja cꞌamyonto ja rutzil ja nsipaj ja Dios chake.

Hebreos 12:24

Cꞌa chwach ja Jesús ixcꞌo wiꞌ, arjaꞌ cꞌo jun cꞌacꞌa chominem pa rukꞌaꞌ ja nokrcojbej chwach ja Dios. Cꞌa triꞌ ixcꞌo wiꞌ chwach rquiqꞌuel ja Jesús ja chicaxi utzcꞌa chi ncuytaji ja kil kamac. Jariꞌ quicꞌ totajem nsiqꞌuij chakij, ma caniꞌ ta rquiqꞌuel ja rAbel ojer ja xa rjil rcꞌaxel xsiqꞌuij trij ja Caín.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

Hebreos 9:14

Pior cꞌa ja rquiqꞌuel ja Cristo jariꞌ más chi na nim rsamaj. Ja Cristo arjaꞌ xtzujuj riꞌ chwach ja Dios, camsaxi, xoc jun sacrificio pro jun sacrificio ja ni majun ja maquita tzꞌakat tre in ja toꞌo rxin chi rbanic ja wariꞌ jariꞌ ja rEspíritu Santo ja ni mta wiꞌ qꞌuisic trij. Ja rquiqꞌuel ja Cristo janila nsamaji, nchꞌachꞌojirsaj chi utz ja kanma chi matitiꞌon chic ja kaconciencia in rmalariꞌ nokcowini nkayaꞌ can ja kabanon jeꞌe ja xa camíc rcꞌamonto in noksamaj chic pa rcuenta ja cꞌaslic Dios.

Hebreos 9:7

Ja cꞌa rcab cuarto xa ruyon ja lokꞌlaj sacerdote noc chipan pro cꞌa chi junaꞌ noc wiꞌ chipan. Arjaꞌ tok noc chipan rcꞌan ja quiquiqꞌuel chicop, jariꞌ quicꞌ ntzujuj chwach ja Dios rumac ja ril rumac arjaꞌ in quixin ja winak chakajaꞌ.

1 Pedro 1:2

Ixix ixchaꞌon rmal ja katataꞌ Dios, ix rxin chic como queriꞌ ja rchominto ojer, xixcoj pa rukꞌaꞌ rmal ja rEspíritu Santo. Queriꞌ ban chewe utzcꞌa chi nenimaj ja Jesucristo utzcꞌa chakajaꞌ chi nixchꞌachꞌojirsax chipan ja rewil emac rmal ja rquiqꞌuel. Xtibe ta pa nim checojol ja rutzil ja nsipaj ja Dios in xtiyaꞌ ta jun nimlaj quicotemal pa tak ewanma.

1 Pedro 3:21

In queriꞌ cꞌa chake ajoj camic chakajaꞌ como pa yaꞌ nokban wiꞌ bautizar in noktotaji. Ja bautismo ma acuerpo ta nuchꞌaj pro ja rubey tok natban bautizar jariꞌ nacꞌutbej jun chꞌajchꞌojlaj anma tre ja Dios. Queriꞌ nkaban noktotaji in xa rmal ja rcꞌastajic ja Jesucristo chewiꞌ tok noktotaji.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.

Apocalipsis 7:14

—Señor, jariꞌ atat atotakyon, xincheꞌ tre. In xbij chic chwe: —Ejeꞌeꞌ laꞌ ja rekꞌaxnakto chipan ja nimlaj rpokonal. Ja quitziak sak como quichꞌajon chipan ja rquiqꞌuel ja Carnelo.