1 Juan 5:21 - Tz'utujil (Ja Cꞌacꞌa Chominem)

²¹ Chakꞌlaj walcꞌwal, tebanaꞌ cuenta ewiꞌ, maxta tiyukeꞌ ecꞌuꞌx cuqꞌuin ja cachbal tak winak nixtacꞌa ruqꞌuin ta ja rachbal tak nakun. Amén.

Tz'utujil NT

²¹ Quilaj tak wlec'wal, tebna' cwent ewi' y mteyke' ta ec'u'x cuq'uin tioxa'. Amén.

1 Juan 5:21 Iomraidhean Croise

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

1 Corintios 10:14

Rmalcꞌariꞌ chakꞌlaj wachꞌalal ja tok nbij chewe, majutij teyaꞌ rukꞌij rachbal jun winak owi rachbal jun nakun.

1 Corintios 10:7

Maxta cꞌo rachbal jun winak owi rachbal jun nakun xteyaꞌ ta rukꞌij ja caniꞌ queban juleꞌ chique. Como ejeꞌeꞌ cꞌo jun nmakꞌij quecꞌul yaꞌbal rukꞌij rachbal jun wacax caniꞌ tzꞌibtal can quewariꞌ: —Ja winak xetzꞌabeꞌe in quemaj rbanic jun nimlaj waꞌim. Xeyictaji in quemaj rbanic jun itzel tzꞌanem. Jariꞌ quicꞌulbej rukꞌij ja rachbal wacax, neꞌe.

1 Tesalonicenses 1:9

Como ejeꞌeꞌ quimajon rbixic nak rbanic tok xokekaj ewqꞌuin chi congana quiꞌil kacꞌulic xeban. In nquibij chakajaꞌ nak xeban tok xenimaj ja cꞌaslic Dios ja katzij chi Dios

1 Juan 2:1

Chakꞌlaj walcꞌwal, jawaꞌ jun carta ja ntakel ewqꞌuin riꞌ utzcꞌa chi maquixmacuni. Pro wi cꞌo jun chewe chaka jalal xuban ril bien kotak chi cꞌo jun ja nsamaj pa kacuenta chwach Dios ja Tatixel jariꞌ ja Jesucristo, arjaꞌ ni utz wiꞌ ja nuban.

Apocalipsis 14:11

Congana sib neli chipan ja lugar ja bar nquetij wiꞌ rpokonal. Ja cꞌa sib njoteꞌe njoteꞌe, ni mta wiꞌ qꞌuisic trij. Nixtacꞌa nexulaꞌn ta jutzꞌit, chi pa kꞌij chi chakꞌaꞌ nij ecꞌo wiꞌ chipan ja rpokonal. Queriꞌ cꞌa nba̱n chique ja winak ja nexuqueꞌ chwach ja ritzel chicop in chwach ja rachbal chakajaꞌ in chique canojel xa nak ta ja neyoꞌ lugar tre chi nco̱j chique ja retal rubiꞌ ja ritzel chicop.

Apocalipsis 9:20

Ja cꞌa juleꞌ chic winak ja ma xecamsax ta rmal awaꞌ ja roxiꞌ rwach rpokonal riꞌ ejeꞌeꞌ nixtacꞌa queqꞌuex ta jutzꞌit quinaꞌoj queyaꞌ can ta ja banoj cachbal tak winak owi rachbal tak nakun. In nixtacꞌa queyaꞌ can ta ja yaꞌoj quekꞌij ja demonio in nixtacꞌa queyaꞌ can ta ja yaꞌoj quekꞌij cachbal tak winak in rachbal tak nakun ja oro ocnak owi plata owi bronce owi abaj owi cheꞌ pro como xa e cachbal xa chewiꞌ tok maquecaꞌyi nixtacꞌa nquicꞌaxaj ta ja nbix chique in nixtacꞌa nebin ta jutzꞌit.