1 Juan 5:18 - Tz'utujil (Ja Cꞌacꞌa Chominem)

¹⁸ Kotak chi kanojel ja rokalaxnak chic jutij ja cꞌo rcꞌaslemal Dios pa tak kanma ajoj makomacuni pro ja Jesús ja Ralcꞌwal Dios arjaꞌ nokchajini in maticowini ja diablo nokruchap ta.

Tz'utujil NT

¹⁸ Kutkin che konjelal joklexnak chic jmul jara' majo'n nkaban xta il mac, com Jesús je Rlec'wal Dios okrechjalben y mtecwina diablo nokruchap.

1 Juan 5:18 Iomraidhean Croise

San Mateo 5:37

Ja tok wi cꞌo jeꞌe nebij ni tebij rubiꞌ, wi can, can quixcheꞌe, nowi ma can ta, ma can ta quixcheꞌe. Ja cꞌa wi cꞌo juleꞌ chic tzij nebij ja wi ma ja tariꞌ ja can owi ma can ta jariꞌ juleꞌ tzij xa ruqꞌuin diablo penak wiꞌ.

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Juan 1:13

xuyaꞌ chake chi xokalax chic jutij pro ja cꞌacꞌa cꞌaslemal ja yatajnak chic chake jariꞌ ma cꞌamonpi ta chake cumal ja katiꞌt kamamaꞌ, ma xyataj ta chake cumal ja katataꞌ kateꞌ, ni majun winak yoꞌ ta chake, solo Dios yowi.

San Juan 14:30

Xa jurata chic incꞌo checojol chi noktzijon ewqꞌuin. Queriꞌ nbij chewe como ja Satanás ja nbano mandar waweꞌ chwachꞌulew arjaꞌ xajalal majaꞌn turkaji chi ninurchapaꞌ pro arjaꞌ mta rukꞌaꞌ chwe, majun nak ta ninrchapbej.

San Juan 15:4

Xa jun tebanaꞌ wqꞌuin in xa jun nban anin ewqꞌuin chakajaꞌ. Caniꞌ tre ja rkꞌaꞌ uva ja wixta ma jun ta rbanon ruqꞌuin ja rkan jariꞌ mta moda xtiwachin ta. In queriꞌ chewe ixix chakajaꞌ, ja wi ma jun ta neban wqꞌuin jariꞌ mta moda xtiwachin ta ja rutzil xin Dios pa tak ewanma.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 15:9

Caniꞌ rbanon anin chwe ja Tatixel arjaꞌ nij inrajoꞌon wiꞌ in queriꞌ nbanon anin chewe chakajaꞌ nij ixnwajoꞌon wiꞌ in camic nbij chewe, quixqꞌuejeꞌ chipan ja rajoben riꞌil wxin.

Hechos 11:23

Ja cꞌa Bernabé tok xekaj pan Antioquía xutzꞌat chi congana samajnak ja rutzil xin Dios pa tak canma ja winak, congana quicot rmal in quewaꞌ xbij chique riꞌ: —Cow quixpeꞌi, maxta teyaꞌ can ja yukulbal ecꞌuꞌx ruqꞌuin ja kajaw Jesucristo.

Santiago 1:18

Ja xuban, xuyaꞌ chake chi kacꞌaxaj ja utzlaj tzij xin Jesucristo in rmalariꞌ xokalax chic jutij in kawil ja utzlaj cꞌaslemal. Queriꞌ xuban chi xokoc nabey tak cosecha chiquewach ja juleꞌ chic winak como nijawariꞌ rvoluntad ja rchominto.

Santiago 1:27

Ja religión ja kas utz ntzꞌa̱t rmal ja katataꞌ Dios in nucꞌut chi katzij chi animan ja Dios quewaꞌ rbanic riꞌ, jun, natbe cuqꞌuin acꞌalaꞌ ja ma ecꞌo chi ta ja quitataꞌ queteꞌ in cuqꞌuin chakajaꞌ ja rixokiꞌ ja malcaniꞌ ja recamnak chic ja quichajilal in neꞌatoꞌoꞌ nak cꞌo rjawaxic chique. In jun chic, naban cuenta awiꞌ chwach ja ritzelal ja nqueban ja winak ja xa ruqꞌuin ja rwachꞌulew yukul wiꞌ quecꞌuꞌx, naban cuenta awiꞌ utzcꞌa chi matitzꞌilori ja rawanma rmal ja ritzelal.

1 Pedro 1:23

Ixix ixalaxnak chic jutij pro ja cꞌacꞌa cꞌaslemal ewcꞌan camic jariꞌ mta qꞌuisic trij, ma junan ta ruqꞌuin ja cꞌaslemal ja yatajnak chewe cumal ja retataꞌ eteꞌ como jariꞌ xa cꞌo camíc trij. Rmal cꞌa ja rtzobal Dios tok ixalaxnak chic jutij. Ja cꞌa rtzobal Dios jariꞌ ma camnak ta rwach, ni cꞌo wiꞌ chijutij.

1 Juan 2:29

Ixix bien ewotak chi ni utz wiꞌ rnaꞌoj ja Jesucristo in triꞌ cꞌa newotakij wiꞌ chi canojel ja winak ja ni utz wiꞌ ja nqueban ejeꞌeꞌ riꞌ e ralcꞌwal Dios.

1 Juan 3:12

Maxta queriꞌ tikaban ajoj ja caniꞌ xuban ja Caín ojer, xoc pa rcuenta ja diablo ja Caín in xcamsaj ja ruchakꞌ. ¿Nak tre tok xcamsaj? Como arjaꞌ xa itzel rcꞌaslemal pro ja ruchakꞌ utz rcꞌaslemal xa chewiꞌ tok xcamsaj.

1 Juan 3:3

Ja wi nokquicoti chi raybexic ja Jesucristo jariꞌ nkachꞌachꞌojirsbej ja kanma como ja Jesucristo arjaꞌ ni rcꞌan wiꞌ jun chꞌajchꞌojlaj anma.

1 Juan 3:9

Ja wi at ralcꞌwal Dios jariꞌ awcꞌan ja cꞌaslemal xin Dios in macatmacuni. Rmal ja rat ralcꞌwal Dios chewiꞌ tok mta moda natmacuni.

1 Juan 4:6

Pro ja rajoj okcꞌo pa rcuenta ja Dios. Ja winak ja cotak rwach ja Dios ejeꞌeꞌ nel quecꞌuꞌx chi rcꞌaxaxic ja nkabij pro ja ma ecꞌo ta pa rcuenta ja Dios ejeꞌeꞌ maticajoꞌ nquicꞌaxaj ja nkabij. Triꞌ cꞌa nkotakij wiꞌ echinatak ja reꞌucꞌan rmal ja rEspíritu xin Dios, jun Espíritu ja mta tzꞌakoj tzij rcꞌamonto, in echinatak ja reꞌucꞌan rmal ja respíritu xin diablo, jun espíritu ja xa tzꞌakoj tzij rcꞌamonto.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

1 Juan 5:15

Como kotak chi Dios ncꞌaxaj ja koración nkaban xa nak ta nkabij tre rmalcꞌariꞌ kotak chi arjaꞌ ni nuyaꞌ wiꞌ chake ja nkacꞌutuj tre.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

1 Juan 5:21

Chakꞌlaj walcꞌwal, tebanaꞌ cuenta ewiꞌ, maxta tiyukeꞌ ecꞌuꞌx cuqꞌuin ja cachbal tak winak nixtacꞌa ruqꞌuin ta ja rachbal tak nakun. Amén.

1 Juan 5:4

como arjaꞌ ryaꞌon kachokꞌakꞌ kanojel ja rok ralcꞌwal in rmalariꞌ ja ritzelal xin rwachꞌulew maticowin chakij, ajoj nokchꞌocmaji. Rmal ja yukulbal kacꞌuꞌx ruqꞌuin ja Jesucristo chewiꞌ tok nokchꞌocmaji.

Judas 1:21

Ni ta nixqꞌuejeꞌ wiꞌ chipan ja rajoben riꞌil xin Dios in ni ta ja wariꞌ kꞌij ewayben tok xtipi chic jutij ja kajaw Jesucristo ja tok arjaꞌ npokonaj ewach in chijutij nuyaꞌ chewe ja utzlaj cꞌaslemal ja mta qꞌuisic trij.

Judas 1:24

Ja cꞌa Dios arjaꞌ bien ncowini nixrchajij utzcꞌa chi maquixkaj chipan ja il mac, arjaꞌ ncowini nuyaꞌ chewe chi nixpeꞌe chwach in majun nak ta nixchapbexi, ni chwach nixpeꞌe wiꞌ pa gloria in congana jun nimlaj quicotemal nyataj chewe rmal.

Apocalipsis 2:13

—Anin bien wotak ja rebanon in masqui triꞌ ixcꞌo wiꞌ ja bar cꞌo wiꞌ ja trono rxin ja Satanás pro ni ma ineyaꞌon can ta wiꞌ in tok bix chewe chi neyaꞌ can ja yukulbal ecꞌuꞌx wqꞌuin ni ma xeyaꞌ can ta wiꞌ. In nixtacꞌa xeyaꞌ can ta ja yukulbal ecꞌuꞌx wqꞌuin chakajaꞌ ja tok camsaxi ja rAntipas, arjaꞌ jun testigo wxin in ni ma xuyaꞌ can ta wiꞌ ja yukulbal rucꞌuꞌx wqꞌuin in camsax checojol triꞌ chipan ja lugar ja bar cꞌo wiꞌ ja Satanás.