1 Juan 5:14 - Tz'utujil (Ja Cꞌacꞌa Chominem)

¹⁴ Yukul kacꞌuꞌx ruqꞌuin ja Dios chi arjaꞌ ncꞌulbaꞌ ja roración nkaban ja wi utz ncꞌaxaj ja nkacꞌutuj tre.

Tz'utujil NT

¹⁴ Ykula kac'u'x ruq'uin Dios che arja' nc'ulba' oración je nkaban wjara' nekc'utuj tzra je nrajo' ranm ja'.

1 Juan 5:14 Iomraidhean Croise

San Mateo 21:22

Xa nak ta ja necꞌutuj pan oración wi yukul ecꞌuꞌx ruqꞌuin ja Dios chi rcꞌutuxic jariꞌ nyataj chewe, xecheꞌxi rmal ja Jesús.

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 14:13

In jun chic, nojel ja xtecꞌutuj tre ja Nataꞌ in wi yukul ecꞌuꞌx wqꞌuin chi rcꞌutuxic, anin nyaꞌ chewe ja necꞌutuj. Queriꞌ rbanic utzcꞌa chi nya̱ꞌ na rukꞌij ja Tatixel pro rmal ja Ralcꞌwalaxel tok nya̱ꞌ rukꞌij.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 16:24

Ja caniꞌ ebanonto mta ecꞌutun pan oración ja pa nubiꞌ ta anin. Pro ja camic anin nbij chewe, tecꞌutuj in nyataj chewe. Quirtariꞌ neban utzcꞌa chi xtinoj ta ja quicotemal xin Dios pa tak ewanma.

San Juan 9:31

Bien kotak chi ja Dios arjaꞌ maticꞌaxaj ja tok cꞌoli ncꞌutux tre rmal jun achi ja wi xa il mac nuban ja rachi. Pro jun achi wi nuyaꞌ rukꞌij ja Dios in wi nnimaj ja najoꞌx tre rmal ja Dios chi nuban jariꞌ ncꞌaxaxi ja ncꞌutuj tre ja Dios.

Efesios 3:12

Ja tok xa jun kabanon ruqꞌuin ja Jesucristo jariꞌ matikanaꞌ kiꞌ nokekaj chwach ja Dios in cꞌo kaconfianza noktzijon ruqꞌuin pro xa rmal ja yukulbal kacꞌuꞌx ruqꞌuin ja Jesucristo chewiꞌ tok nkaban queriꞌ.

Hebreos 10:35

Rmalcꞌariꞌ nbij jutzꞌit rubiꞌ chewe, maxta teyaꞌ can ja yukulbal ecꞌuꞌx ruqꞌuin ja Jesucristo como cꞌo jun nimlaj rtojbalil ja rcꞌamonto chewe ja tok nyukeꞌ ecꞌuꞌx ruqꞌuin.

Hebreos 3:14

Caniꞌ kabanonto ja kas nabey yukul kacꞌuꞌx ruqꞌuin ja Jesucristo, ja cꞌa wi ni cow wiꞌ xkopeꞌi chi ryukbaxic kacꞌuꞌx ruqꞌuin, ja wi ni matikayaꞌ can wiꞌ jariꞌ ni katzij wiꞌ chi xa jun kabanon ruqꞌuin.

Hebreos 3:6

Ja cꞌa Cristo chakajaꞌ xuban cumplir ja samaj xin Dios, arjaꞌ cꞌayon ja tinamit xin Dios pro ma moso ta, arjaꞌ Alcꞌwalaxel. In ajoj ok tinamit xin Dios ja wi cow xkopeꞌi, ja wi ni ma xtikayaꞌ can ta wiꞌ ja yukulbal kacꞌuꞌx ruqꞌuin, ja wi ni xkoquicot wiꞌ chi raybexic ja Jesús.

Santiago 4:3

Owi masqui necꞌutuj pro xa ma rubey ta ja rcꞌutuxic neban chewiꞌ tok matiyataj chewe. Queriꞌ rbanic como ja rechꞌobon ixix tok xtiyataj chewe xa nixquicot kaj ruqꞌuin eyon, xa neban ruqꞌuin nak cꞌol egana neban.

Santiago 5:16

In queriꞌ chewe ixix chakajaꞌ, wi cꞌol ewil emac ebanon techoloꞌ chibil tak ewiꞌ in kabanaꞌ orar pa kacuenta chibil tak kiꞌ. Quirtariꞌ neban jutzꞌit utzcꞌa chi nixtzuri. Ja racꞌaslemal ja wi utz ntzꞌa̱t rmal ja Dios in tok naban oración congana jun nimlaj samaj nuban ja raworación.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.