1 Juan 5:12 - Tz'utujil (Ja Cꞌacꞌa Chominem)

¹² Ja wi awcꞌan ja Ralcꞌwal Dios chipan ja rawanma jariꞌ awcꞌan chic ja utzlaj cꞌaslemal ja mta qꞌuisic trij. Ja cꞌa wi ma awcꞌan ta ja Ralcꞌwal Dios pan awanma jariꞌ ma awcꞌan ta ja utzlaj cꞌaslemal ja mta qꞌuisic trij.

Tz'utujil NT

¹² We awc'an Rlec'wal Dios chpam awanm jara' awc'an chic utzlaj c'aslemal je rxin junlic, per wmawc'an ta Rlec'wal Dios pnawanm jara' majo'n awc'an ta utzlaj c'aslemal je rxin junlic.

1 Juan 5:12 Iomraidhean Croise

Marcos 16:16

Canojel ja winak ja xtiyukeꞌ quecꞌuꞌx wqꞌuin in neba̱n bautizar ejeꞌeꞌ nquewil ja totajem xin Dios. Ja cꞌa ma xtiyukeꞌ ta quecꞌuꞌx wqꞌuin ejeꞌeꞌ nkꞌe̱t tzij chiquij in neta̱kel chipan ja nimlaj rpokonal.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

San Juan 3:15

Queriꞌ nba̱n na tre utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj jun utzlaj cꞌaslemal chique pro jun cꞌaslemal ja ni mta wiꞌ qꞌuisic trij.

San Juan 3:36

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

San Juan 5:24

Bien tecꞌwaxaj ja xtinbij chewe riꞌ, ja wi cꞌo jun winak nuyaꞌ rxquin tre ja ntzobal in wi yukul rucꞌuꞌx ruqꞌuin ja Tatixel ja takyonpi wxin jariꞌ rcꞌan chic ja utzlaj cꞌaslemal ja ni mta wiꞌ qꞌuisic trij in matitakel chipan ja nimlaj rpokonal, arjaꞌ kꞌaxnakpi chic chipan ja camíc, jariꞌ rwilon chic ja utzlaj cꞌaslemal.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

Gálatas 2:20

Ja chwe anin, anin jun xincamsax ruqꞌuin ja Cristo chwach ja cruz. Ja cꞌaslemal ja cꞌo chic chwe camic jariꞌ ma anin chi ta ja rincꞌasli, Cristo chic ja cꞌas pa wanma. Ja yukulbal nucꞌuꞌx ruqꞌuin ja Cristo ja Ralcꞌwal Dios jariꞌ cꞌayon chic wxin chipan awaꞌ cꞌaslemal ja cꞌo chic chwe waweꞌ chwachꞌulew. Janila ninrajoꞌ ja Cristo como arjaꞌ ma xpokonaj ta xuyaꞌ riꞌ pa camíc mwal.

Hebreos 3:14

Caniꞌ kabanonto ja kas nabey yukul kacꞌuꞌx ruqꞌuin ja Jesucristo, ja cꞌa wi ni cow wiꞌ xkopeꞌi chi ryukbaxic kacꞌuꞌx ruqꞌuin, ja wi ni matikayaꞌ can wiꞌ jariꞌ ni katzij wiꞌ chi xa jun kabanon ruqꞌuin.

2 Juan 1:9

Ja tijonem xin Cristo ja wi cꞌo jun xa ncꞌotsaj rwiꞌ in wi xa nuyaꞌ can jariꞌ mta Dios pa ranma. Ja cꞌa wi ni matayaꞌ can wiꞌ ja tijonem xin Cristo jariꞌ cꞌoli ja Tatixel chipan ja rawanma rachbil ja Ralcꞌwalaxel.