1 Juan 5:11 - Tz'utujil (Ja Cꞌacꞌa Chominem)

¹¹ Ja testigoꞌil xin Dios quewaꞌ nucꞌut chikawach riꞌ, chi arjaꞌ Dios ryaꞌon chake ja utzlaj cꞌaslemal ja mta qꞌuisic trij in ruqꞌuin ja Ralcꞌwal nkawil wiꞌ.

Tz'utujil NT

¹¹ Je testig-il rxin Dios cawra nuc'ut chkawech ra: ja' Dios rey-on chka utzlaj c'aslemal je rxin junlic y ruq'uin Rlec'wal nkawil wa'.

1 Juan 5:11 Iomraidhean Croise

San Mateo 25:46

Ejeꞌeꞌ riꞌ nebe na chipan ja nimlaj rpokonal ja mta qꞌuisic trij pro ja utz netzꞌa̱t rmal ja Dios ejeꞌeꞌ nebe na chipan ja utzlaj cꞌaslemal ja mta qꞌuisic trij. Queriꞌ xbij ja Jesús chique ja rdiscípulo.

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 1:4

Arjaꞌ Yoꞌl cꞌaslemal in ja cꞌaslemal nuyaꞌ jariꞌ caniꞌ jun nimlaj luz. Jariꞌ luz ni rsakirsanto wiꞌ quebey ja winak ojer

San Juan 10:28

Anin nyaꞌ chique ja utzlaj cꞌaslemal ja mta qꞌuisic trij, ni maquebe wiꞌ chipan ja nimlaj rpokonal in majun nak ta xquelasan ta pa nukꞌaꞌ.

San Juan 12:50

in ja tijonem ja yaꞌon chwe rmal ja Tatixel bien wotak chi jariꞌ cꞌamyonto ja utzlaj cꞌaslemal ja mta qꞌuisic trij. Queriꞌ rbanic, nojel ja tzij nbij, xa nak ta chi tzijal, jaꞌ Tatixel biyon chwe. Queriꞌ xbij ja Jesús.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 19:35

Jawaꞌ ja bantaji riꞌ anin xintzꞌat ruqꞌuin nwach in ja xintzꞌat jariꞌ nyaꞌon chic rbixic in bien wotak chi ni katzij wiꞌ in camic nbij chic chewe utzcꞌa chi nenimaj ixix chakajaꞌ.

San Juan 3:36

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

San Juan 4:36

Ja nebano cosechar quixin jariꞌ cꞌo jun rtojbalil nyataj chique. Ja cosecha xtiqueban quewaꞌ rbanic riꞌ, nequecoj ja winak chipan ja gobierno xin Dios in jariꞌ winak nyataj chique ja utzlaj cꞌaslemal ja ni mta wiꞌ qꞌuisic trij. Queriꞌ rbanic utzcꞌa chi nequicoti ja neticowi ja samaj in ja nebano cosechar ja samaj ejeꞌeꞌ nequicot cuqꞌuin chakajaꞌ.

San Juan 4:4

Pro rjawaxic chi nkꞌax na chipan ja departamento Samaria.

San Juan 5:21

Ja Tatixel neruyic camnakiꞌ in nuyaꞌ cꞌacꞌa cꞌaslemal chique in queriꞌ cꞌa nuban ja Ralcꞌwalaxel chakajaꞌ, arjaꞌ nuyaꞌ cꞌacꞌa cꞌaslemal chique ja winak xa nak ta chi winakil ja cꞌo rgana nuyaꞌ chique.

San Juan 5:26

Queriꞌ rbanic como ja Tatixel Yoꞌl cꞌaslemal in ryaꞌon tre ja Ralcꞌwalaxel chi arjaꞌ Yoꞌl cꞌaslemal chakajaꞌ

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

San Juan 6:47

Ni katzij wiꞌ ja xtinbij chic chewe riꞌ, ja winak ja cꞌo yukulbal quecꞌuꞌx wqꞌuin ejeꞌeꞌ cucꞌan chic ja utzlaj cꞌaslemal ja mta qꞌuisic trij.

San Juan 6:68

Ja cꞌa Simón Pedro quewaꞌ xbij tre riꞌ: —Wajaw ¿bar cꞌa nokbe chi wiꞌ? como xa ayon atat natyowi ja tijonem ja rcꞌamonto ja utzlaj cꞌaslemal ja mta qꞌuisic trij

Romanos 5:21

Queriꞌ cꞌa rbanic utzcꞌa chi nyataj chic chake ja totajem ja nkacochij tre ja Dios utzcꞌa chi pa rukꞌaꞌ chic nokqꞌuejeꞌ wiꞌ. Caniꞌ tre nabey xa pa rukꞌaꞌ ja camíc xokqꞌuejeꞌ wiꞌ in xa nokcam rmal. Pro ja camic utz chic nokrutzꞌat ja Dios in rmalariꞌ arjaꞌ chijutij rmajon rsipaxic chake ja totajem. Queriꞌ cꞌa nuban chake utzcꞌa chi nokeqꞌuejeꞌ na chipan jun utzlaj cꞌaslemal ja mta qꞌuisic trij. Pro xa rmal ja kajaw Jesucristo tok xtiban queriꞌ chake.

Romanos 6:23

Queriꞌ nbij chewe como ja tok naban ja il mac jariꞌ camíc nattojbexi pro ja tok nacꞌam ja totajem ja nsipaj ja Dios chake jariꞌ nyataj chawe ja utzlaj cꞌaslemal ja ni mta wiꞌ qꞌuisic trij. Jariꞌ nyataj chawe ja tok xa jun naban ruqꞌuin ja kajaw Jesucristo.

1 Timoteo 1:16

Pro ja Jesucristo arjaꞌ congana xpokonaj nwach masqui in nimlaj ajꞌil in ajmac chiquewach canojelal ja winak. Arjaꞌ xucuy ja wil numac in jariꞌ xcꞌutbej chiquewach ja winak chi cꞌo rpaciencia chi nerucuy ja rajꞌil ja rajmaquiꞌ. Queriꞌ xuban, xucuy ja wil numac jariꞌ xcꞌutbej chi ni nerucuy wiꞌ ja juleꞌ chic nak xqueniman rxin ja nquewil na ja utzlaj cꞌaslemal ja mta qꞌuisic trij.

Tito 1:2

In triꞌ cꞌa ncotakij wiꞌ más chi cꞌo jun utzlaj cꞌaslemal ja mta qꞌuisic trij in nequicoti chi raybexic. Jariꞌ ja utzlaj cꞌaslemal ja Dios ojer rtzujunto. Majaꞌn titzꞌucari ja rwachꞌulew tok rtzujun in ni nuyaꞌ wiꞌ como ja Dios arjaꞌ ma tzꞌakol tzij ta.

1 Juan 2:25

In quewaꞌ rtzujun can chake riꞌ, jun utzlaj cꞌaslemal ja mta qꞌuisic trij.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.

1 Juan 4:9

Ja Dios xutakto ja Ralcꞌwal chi katoꞌic, ni xarwariꞌ jun ja Ralcꞌwal. Triꞌ nkatzꞌat wiꞌ chi nokrajoꞌ ja Dios como xutakto ja Ralcꞌwal waweꞌ chwachꞌulew. Queriꞌ xuban utzcꞌa chi rmal ja Ralcꞌwal nkawil ja utzlaj cꞌaslemal ja mta qꞌuisic trij.

1 Juan 5:10

Kanojel ja yukul kacꞌuꞌx ruqꞌuin ja Ralcꞌwal Dios cꞌo chic ja testigoꞌil xin Dios pa tak kanma ja nyabex kaseguro. Ja wi matanimaj ja nbij ja Dios nel cꞌariꞌ xa caniꞌ tzꞌakol tzij nacoj wiꞌ. Queriꞌ naban ja wi matanimaj ja testigoꞌil ja ryaꞌonto ja Dios tre ja Ralcꞌwal.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

1 Juan 5:7

E oxiꞌ ja recꞌo chilaꞌ chicaj ja xa junan nquibij tre ja Jesús chi arjaꞌ Ralcꞌwal Dios, jun, Dios ja Tatixel, in jun chic, ja Ralcꞌwalaxel ja nkꞌalasani janiꞌ rnaꞌoj ja Dios, in jun chic, ja rEspíritu Santo.

3 Juan 1:12

Ja cꞌa Demetrio, canojel ja winak nquibij tre chi arjaꞌ utzlaj winak, ja cꞌa rcꞌaslemal bien nucꞌam riꞌ ruqꞌuin ja tijonem xin Jesucristo in ja rajoj chakajaꞌ nkabij tre chi utzlaj winak in bien ewotak chi ja nkabij ajoj jariꞌ ni katzij wiꞌ.

Judas 1:21

Ni ta nixqꞌuejeꞌ wiꞌ chipan ja rajoben riꞌil xin Dios in ni ta ja wariꞌ kꞌij ewayben tok xtipi chic jutij ja kajaw Jesucristo ja tok arjaꞌ npokonaj ewach in chijutij nuyaꞌ chewe ja utzlaj cꞌaslemal ja mta qꞌuisic trij.

Apocalipsis 1:2

Anin nyaꞌon testigoꞌil trij ja rtzobal Dios, nyaꞌon testigoꞌil trij ja kꞌalasan rmal ja Jesucristo, nojel ja xintzꞌat nyaꞌon testigoꞌil trij.

Apocalipsis 22:1

Cꞌacꞌariꞌ cꞌo jun binelyaꞌ xucꞌut chinwach, jariꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Ja yaꞌ congana chꞌajchꞌoj, natcowini natcaꞌy chipan, puro cristal. Ja lugar ja bar nelto wiꞌ ja rkan yaꞌ triꞌ ja bar cꞌo wiꞌ ja trono rxin ja Dios in rxin ja Carnelo.