1 Juan 5:10 - Tz'utujil (Ja Cꞌacꞌa Chominem)

¹⁰ Kanojel ja yukul kacꞌuꞌx ruqꞌuin ja Ralcꞌwal Dios cꞌo chic ja testigoꞌil xin Dios pa tak kanma ja nyabex kaseguro. Ja wi matanimaj ja nbij ja Dios nel cꞌariꞌ xa caniꞌ tzꞌakol tzij nacoj wiꞌ. Queriꞌ naban ja wi matanimaj ja testigoꞌil ja ryaꞌonto ja Dios tre ja Ralcꞌwal.

Tz'utujil NT

¹⁰ Konjelal je ykula kac'u'x ruq'uin Rlec'wal Dios c'o chic testig-il rxin Dios ptak kanm je nyabexa kseguro. We mtanimaj je nbij Dios nel c'ara' com xajni' tz'koy tzij nacsaj wa'. Cara' naban tak mtanimaj testig-il jrey-on ta Dios tzrij Rlec'wal.

1 Juan 5:10 Iomraidhean Croise

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 3:18

Canojelal ja winak ja nyukeꞌ quecꞌuꞌx ruqꞌuin ja Ralcꞌwal Dios ejeꞌeꞌ mchita kꞌetoj tzij xin Dios chiquij pro ja cꞌa matiyukeꞌ quecꞌuꞌx ruqꞌuin ejeꞌeꞌ kꞌeton chic tzij chiquij rmal ja Dios chi neta̱kel chipan ja rpokonal. Como matiyukeꞌ quecꞌuꞌx ruqꞌuin ja Ralcꞌwal Dios chewiꞌ tok nba̱n queriꞌ chique.

San Juan 3:33

Ja cꞌa nenimani ja nbij quewaꞌ nquibij riꞌ: —Ja Dios ni katzij wiꞌ nojelal ja nbij, necheꞌe.

San Juan 5:38

In chakajaꞌ ma eyaꞌon ta lugar tre ja rtzobal chi ocnak ta pa tak ewanma. Ni kꞌalaj wiꞌ chi ma eyaꞌon ta lugar tre como arjaꞌ takyonto wxin in ixix ni majun egana xtiyukeꞌ ta ecꞌuꞌx wqꞌuin.

Hechos 8:37

—Ja wi nyukeꞌ acꞌuꞌx ruqꞌuin ja Jesucristo pro nojel acꞌuꞌx nojel awanma jariꞌ utz natban bautizar, neꞌxi rmal ja Felipe. —Anin yukul nucꞌuꞌx ruqꞌuin ja Jesucristo chi arjaꞌ Ralcꞌwal Dios, neꞌe ja rachi tre ja Felipe.

Romanos 8:16

Chꞌobtajnak chic kumal chi ok ralcꞌwal Dios in ja rEspíritu Santo arjaꞌ mismo nuyaꞌ kaseguro chi ok ralcꞌwal Dios.

Gálatas 4:1

Quewaꞌ rbanic riꞌ wachꞌalal. Jun alcꞌwalaxel tok cꞌa tinoꞌy na jariꞌ mta herencia nja̱ch tre chanim pro arja xa caniꞌ jun ti moso. Ma jun nak ta nja̱ch tre chanim masqui rxin nojelal pro cꞌa nerilaꞌ na jun tiempo ja nja̱ch wiꞌ tre.

Gálatas 4:6

Como ix alcꞌwalaxelaꞌ chic chewiꞌ tok Dios rtakonto ja rEspíritu Santo rxin ja Ralcꞌwal pa tak ewanma: —Nataꞌ, Padre, neꞌ kaj ja rEspíritu Santo pa tak ewanma.

Colosenses 3:3

Queriꞌ nbij chewe como ixix jun xixcam ruqꞌuin ja Cristo, cꞌacꞌa chic ja recꞌaslemal, pro jun cꞌaslemal ja bien banon cuenta rmal ja Cristo como xa jun ebanon ruqꞌuin in como arjaꞌ xa jun quibanon ruqꞌuin ja Dios.

Hebreos 3:12

Ja cꞌa rixix wachꞌalal tebanaꞌ jutzꞌit cuenta ewiꞌ, maxta ecꞌoli chewe ja xa itzel ja canma in matiyukeꞌ chic quecꞌuꞌx ruqꞌuin ja cꞌaslic Dios in nqueyaꞌ can.

2 Pedro 1:19

In chakajaꞌ cꞌo chic jun ja nkacoj kabase ja más chi na seguro jariꞌ ja rtzobal Dios ja quibin can in quitzꞌiban can ja profeta xin Dios. Jariꞌ ja quitzꞌiban can yatal chewe chi congana neyaꞌ pa cuenta. Ja quitzꞌiban can jariꞌ caniꞌ jun kꞌakꞌ ja nsakirsaj abey chakꞌaꞌ, natrutoꞌ chipan ja kꞌekumal. Ja cꞌa tok npi rsakaric mchita kꞌekumal in tok nelto kꞌij nsakirsaj chi utz nojel. In queriꞌ cꞌa rbanic chakajaꞌ ja tok xtipi chic jutij ja Jesucristo arjaꞌ nsakirsaj chi utz ja rewanma.

1 Juan 1:10

Ja cꞌa wi nkabij chi mta ja il mac kabanon jariꞌ xa caniꞌ tzꞌakol tzij nkacoj wiꞌ ja Dios. Ja wi queriꞌ nkabij jariꞌ ni kꞌalaj wiꞌ chi ma kacojon ta ja rtzobal Dios pa tak kanma.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

Apocalipsis 12:17

Ja cꞌa dragón congana pi ryewal trij ja rixok, be chi nerbanaꞌ chꞌaꞌoj cuqꞌuin ja juleꞌ chic ral ja rixok, ejeꞌeꞌ riꞌ ja nquinimaj ja mandamiento rxin ja Dios in nqueyaꞌ testigoꞌil tre ja Jesucristo.

Apocalipsis 2:17

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij ja maná ja rawatali in nyaꞌ na jujun abaj sak chique chakajaꞌ in jariꞌ abaj cꞌo jun biꞌaj cꞌacꞌa tzꞌibtal chwach ja majun otakyon, xa ruyon ja njach wiꞌ ja rabaj arjaꞌ notakini. Queriꞌ ja natzꞌibajel tre ja ángel rxin ja riglesia ja cꞌo Pérgamo, neꞌ chwe.

Apocalipsis 2:28

In chakajaꞌ xtinyaꞌ chique ja chꞌumil ja xin pa sakaric.