1 Juan 5:1 - Tz'utujil (Ja Cꞌacꞌa Chominem)

¹ Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

Tz'utujil NT

¹ Konjelal je kniman Jesús che arja' Cristo je ch-on rmal Dios, wcara' kniman ok rlec'wal Dios c'ara'. Ajni' tzra jun alc'walxel, we nrajo' redta' nquerajo' c'ara' chka' jle' chic rch'alal.

1 Juan 5:1 Iomraidhean Croise

San Mateo 16:16

Peti ja Simón Pedro, xbij tre: —Ja ratat at Cristo at Ralcꞌwal ja cꞌaslic Dios, neꞌ tre.

San Lucas 7:5

Como arjaꞌ congana nokrajoꞌ ja rok tinamit Israel. Arjaꞌ banyon ja jay xin molbal riꞌil ja bar nkamol wiꞌ kiꞌ chi rcꞌaxaxic ja rtzobal Dios, xecheꞌ tre.

San Juan 1:3

In yataj tre rmal ja Dios chi arjaꞌ tzꞌucarsani ja caj in rwachꞌulew. Ni majun nak ta ja tzꞌucarsan ja maquita arjaꞌ tzꞌucarsani.

San Juan 15:23

Ja winak ja xa itzel ninquetzꞌat jariꞌ xa itzel nquetzꞌat ja Nataꞌ chakajaꞌ.

San Juan 3:3

Ja cꞌa Jesús xbij tre: —Ni katzij wiꞌ ja xtinbij chawe riꞌ, ja winak rjawaxic chique chi neꞌalax chic jutij nowi maqueꞌalax chic jutij jariꞌ ni matichꞌobtaj wiꞌ cumal nak rbanic ja natoc chipan ja gobierno xin Dios, neꞌ tre.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

Hechos 8:36

Kas quimajon binem chipan ja careta ja tok cꞌo jun yaꞌ quewil: —Tatzꞌataꞌ mpeꞌ, cꞌo jun yaꞌ leꞌ. ¿La maxta cꞌa utz ninban bautizar camic? neꞌe ja rachi.

Hechos 8:37

—Ja wi nyukeꞌ acꞌuꞌx ruqꞌuin ja Jesucristo pro nojel acꞌuꞌx nojel awanma jariꞌ utz natban bautizar, neꞌxi rmal ja Felipe. —Anin yukul nucꞌuꞌx ruqꞌuin ja Jesucristo chi arjaꞌ Ralcꞌwal Dios, neꞌe ja rachi tre ja Felipe.

Santiago 1:18

Ja xuban, xuyaꞌ chake chi kacꞌaxaj ja utzlaj tzij xin Jesucristo in rmalariꞌ xokalax chic jutij in kawil ja utzlaj cꞌaslemal. Queriꞌ xuban chi xokoc nabey tak cosecha chiquewach ja juleꞌ chic winak como nijawariꞌ rvoluntad ja rchominto.

1 Pedro 1:3

Kayaꞌaꞌ rukꞌij ja Dios, arjaꞌ Tatixel rxin ja kajaw Jesucristo, congana xpokonaj kawach, xuyaꞌ chake chi xokalax chic jutij. Ja Jesucristo arjaꞌ yataj tre rmal ja Dios chi cꞌastaj rwach chiquicojol ja camnakiꞌ chewiꞌ tok yataj chake chi xokalax chic jutij. Rmalariꞌ tok ni maticapuj wiꞌ kacꞌuꞌx chi raybexic ja rutzil xin Dios

1 Juan 2:10

Ja wi neꞌawajoꞌ ja rawachꞌalal jariꞌ ni pa sakil chi wiꞌ atcꞌo wiꞌ in majun nak chi ta xcatcꞌamoꞌel chi ta chipan jun itzelal.

1 Juan 2:29

Ixix bien ewotak chi ni utz wiꞌ rnaꞌoj ja Jesucristo in triꞌ cꞌa newotakij wiꞌ chi canojel ja winak ja ni utz wiꞌ ja nqueban ejeꞌeꞌ riꞌ e ralcꞌwal Dios.

1 Juan 3:14

Ja wi matawajoꞌ awiꞌ jariꞌ atcamnak chwach ja Dios. Ja cꞌa rajoj nekajoꞌ ja kachꞌalal rmalcꞌariꞌ tok kotak chi ma okcamnak chi ta chwach ja Dios, kotak chi okkꞌaxnakpi chic chipan ja camíc in kawilon chic ja utzlaj cꞌaslemal ja mta qꞌuisic trij.

1 Juan 3:17

Pro ja wi cꞌo jun awachꞌalal wi cꞌoli ncꞌatzin tre ja ntzukbej riꞌ in wi cꞌol awqꞌuin ja ncꞌatzin tre, ja cꞌa wi matapokonaj rwach, wi matatoꞌ jariꞌ ni kꞌalaj wiꞌ chi mta ja rajoben riꞌil xin Dios pan awanma.

1 Juan 3:9

Ja wi at ralcꞌwal Dios jariꞌ awcꞌan ja cꞌaslemal xin Dios in macatmacuni. Rmal ja rat ralcꞌwal Dios chewiꞌ tok mta moda natmacuni.

1 Juan 4:2

Waweꞌ newotakij wiꞌ ja wi Espíritu xin Dios ecꞌayon, ja nebini chi kajto ja Jesucristo in xoc kach winak ejeꞌeꞌ riꞌ ja katzij chi Espíritu xin Dios ecꞌayon.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

1 Juan 4:7

Chakꞌlaj wachꞌalal, congana rjawaxic chi nkajoꞌ kiꞌ. Ja rajoben riꞌil ruqꞌuin Dios winakarnakto wiꞌ. Ja nawajoꞌ awiꞌ jariꞌ at ralcꞌwal Dios, jariꞌ awotak rwach ja Dios.

1 Juan 5:18

Kotak chi kanojel ja rokalaxnak chic jutij ja cꞌo rcꞌaslemal Dios pa tak kanma ajoj makomacuni pro ja Jesús ja Ralcꞌwal Dios arjaꞌ nokchajini in maticowini ja diablo nokruchap ta.

1 Juan 5:4

como arjaꞌ ryaꞌon kachokꞌakꞌ kanojel ja rok ralcꞌwal in rmalariꞌ ja ritzelal xin rwachꞌulew maticowin chakij, ajoj nokchꞌocmaji. Rmal ja yukulbal kacꞌuꞌx ruqꞌuin ja Jesucristo chewiꞌ tok nokchꞌocmaji.

1 Juan 5:5

¿Echinatak cꞌariꞌ ja nechꞌocmaji? Ajoj cꞌariꞌ ja kaniman ja Jesús chi arjaꞌ ja Ralcꞌwal Dios ajoj nokchꞌocmaji.