1 Juan 4:9 - Tz'utujil (Ja Cꞌacꞌa Chominem)

⁹ Ja Dios xutakto ja Ralcꞌwal chi katoꞌic, ni xarwariꞌ jun ja Ralcꞌwal. Triꞌ nkatzꞌat wiꞌ chi nokrajoꞌ ja Dios como xutakto ja Ralcꞌwal waweꞌ chwachꞌulew. Queriꞌ xuban utzcꞌa chi rmal ja Ralcꞌwal nkawil ja utzlaj cꞌaslemal ja mta qꞌuisic trij.

Tz'utujil NT

⁹ Ja' Dios xutak ta Rlec'wal che kto'ic y njara' oca jun Rlec'wal. Tzra' nk'alsas wa' che nokrajo' ja' Dios com xutak ta Rlec'wal wawe' chwech ruch'lew. Cara' xuban ch-utz c'ara' che rmal Rlec'wal nkawil utzlaj c'aslemal je rxin junlic.

1 Juan 4:9 Iomraidhean Croise

Marcos 12:6

Tok qꞌuiswani ja rajaw chenoj cꞌo jun rcꞌajol ja congana nrajoꞌ jariꞌ xutakel chic in xbij kaj pa ranma: —Como jawaꞌ ncꞌajol nqueban respetar awaꞌ, neꞌe.

San Lucas 4:18

—Ja rEspíritu Santo rxin ja kajaw Dios arjaꞌ cꞌo wqꞌuin como arjaꞌ inrtakonto utzcꞌa chi nyaꞌ rbixic ja utzlaj tzij ja rcꞌamonto totajem xin Dios chique ja tak mebaꞌiꞌ, inrtakonto chi nenutoꞌ ja winak ja kas ntiꞌon canma pa rukꞌaꞌ ja il mac, inrtakonto chi nyaꞌ rbixic chique ja winak ja reꞌocnak preso pa rukꞌaꞌ ja il mac chi neꞌel na libre, in nbij chique ja moyaꞌ chi nja̱k na quewach, in nbij chique ja quimajon rtijic ja rpokonal chi netotaj na.

San Juan 10:10

Ja ralakꞌom tok nbe cuqꞌuin ja tak carnelo bien rchꞌobonel chi neꞌerlakꞌajto, nercamsaj in neruyoj. Pro ja ranin inpenak cuqꞌuin nunyaꞌaꞌ jun cꞌacꞌa cꞌaslemal chique in ma ruyon tariꞌ pro nnoji chakajaꞌ jun nimlaj quicotemal chipan ja quicꞌaslemal.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 3:18

Canojelal ja winak ja nyukeꞌ quecꞌuꞌx ruqꞌuin ja Ralcꞌwal Dios ejeꞌeꞌ mchita kꞌetoj tzij xin Dios chiquij pro ja cꞌa matiyukeꞌ quecꞌuꞌx ruqꞌuin ejeꞌeꞌ kꞌeton chic tzij chiquij rmal ja Dios chi neta̱kel chipan ja rpokonal. Como matiyukeꞌ quecꞌuꞌx ruqꞌuin ja Ralcꞌwal Dios chewiꞌ tok nba̱n queriꞌ chique.

San Juan 5:23

Queriꞌ rbanon ja Tatixel utzcꞌa chi xtiyaꞌ na rukꞌij ja Ralcꞌwalaxel cumal canojelal ja winak ja caniꞌ nba̱n arjaꞌ tre ja Tatixel. Ja wi matayaꞌ rukꞌij ja Ralcꞌwalaxel jariꞌ matayaꞌ rukꞌij ja Tatixel chakajaꞌ como ja Tatixel arjaꞌ takyonto rxin ja Ralcꞌwalaxel.

San Juan 6:29

—Tiyukeꞌ ecꞌuꞌx ruqꞌuin ja Ralcꞌwalaxel ja takonto rmal ja Dios in tok nyukeꞌ ecꞌuꞌx ruqꞌuin ja cꞌariꞌ samaj xin Dios, xecheꞌxi rmal ja Jesús.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

San Juan 6:57

Ja cꞌaslic Tatixel arjaꞌ inrtakonto in rmal arjaꞌ tok nij incꞌas wiꞌ in queriꞌ cꞌa chique ja winak ja xquetijowi ja ncuerpo rachbil nquiqꞌuel ejeꞌeꞌ necꞌaseꞌ na chijutij mwal anin.

San Juan 8:29

Ja takyonpi wxin arjaꞌ cꞌo wqꞌuin camic, ja Nataꞌ ni ma inryaꞌon can ta wiꞌ. Queriꞌ rbanon chwe como anin ni nmajon wiꞌ rbanic ja nrajoꞌ chwe chi nban, neꞌe ja Jesús chique.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

San Juan 9:3

Ja cꞌa Jesús xbij chique: —Ma queriꞌ ta, ma ril ta arjaꞌ chewiꞌ tok rbanon quelaꞌ nixtacꞌa quil rtataꞌ ruteꞌ chakajaꞌ. Quelaꞌ rbanon ja rachi leꞌ utzcꞌa chi cꞌo jun nimlaj samaj xin Dios nkꞌalajin na ja tok xtitzuri.

Romanos 8:32

Ja Dios ma xpokonaj ta xutakto ja Ralcꞌwal, xarariꞌ jun, xutakto chi xurcam kaj pa kacuenta kanojelal. Ja wi ma xpokonaj ta xutakto ja Ralcꞌwal ¿nak moda xtipokonaj xtuyaꞌ chake ja xa nak ta ncꞌatzin chake?

Hebreos 1:5

Ja Dios tzijonnak can tre ja Ralcꞌwal quewariꞌ: —Atat at Walcꞌwal. Camic nyaꞌon acꞌaslemal, chenak can tre. Pro ni majutij xbij ta walcꞌwal tre jun ángel. In chakajaꞌ tzijonnak can chic jutij tre quewariꞌ: —Anin in Tatixel rxin, arjaꞌ Walcꞌwal, chenak can tre. Pro ni majutij xbij ta queriꞌ tre jun ángel.

1 Juan 3:16

Ja Jesucristo arjaꞌ xuyaꞌ riꞌ chi camsax pa kacuenta, triꞌ nkotakij wiꞌ janiꞌ ja rajoben riꞌil. Queriꞌ chake ajoj chakajaꞌ yatal chakij chi matikapokonaj nkayaꞌ kiꞌ pa camíc pa quicuenta ja kachꞌalal.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.

1 Juan 4:16

Ajoj kotak chi ja Dios nokrajoꞌ, yukul kacꞌuꞌx ruqꞌuin ja rajoben riꞌil rcꞌan. Ja Dios ni rxin wiꞌ ni rcꞌan wiꞌ ja rajoben riꞌil. Kanojelal ja kucꞌan chic ja rajoben riꞌil xin Dios jariꞌ okcꞌo pa ranma ja Dios in queriꞌ chake ajoj chakajaꞌ cꞌoli ja Dios pa tak kanma.

1 Juan 5:11

Ja testigoꞌil xin Dios quewaꞌ nucꞌut chikawach riꞌ, chi arjaꞌ Dios ryaꞌon chake ja utzlaj cꞌaslemal ja mta qꞌuisic trij in ruqꞌuin ja Ralcꞌwal nkawil wiꞌ.

1 Juan 5:13

Anin xintzꞌibajel ja carta riꞌ in ntakel ewqꞌuin ixix ja yukul ecꞌuꞌx ruqꞌuin ja Jesucristo ja Ralcꞌwal Dios. Ja xintzꞌibaj chipan jariꞌ nyabej eseguro chi ixix ewcꞌan chic ja utzlaj cꞌaslemal ja mta qꞌuisic trij.