1 Juan 4:5 - Tz'utujil (Ja Cꞌacꞌa Chominem)

⁵ Como ejeꞌeꞌ xa ruqꞌuin rwachꞌulew yukul wiꞌ quecꞌuꞌx rmalariꞌ tok xa jaꞌ nquinataj ja xin rwachꞌulew. Ja cꞌa juleꞌ chic winak ja yukul quecꞌuꞌx ruqꞌuin ja rwachꞌulew ejeꞌeꞌ nel quecꞌuꞌx chi rcꞌaxaxic ja nbix chique cumal.

Tz'utujil NT

⁵ Com arj-e' xruq'uin rwech ruch'lew ykul wa' quec'u'x rmal c'ara' xe rxin rwech ruch'lew necnataj. Je jle' chic wnak je ykula quec'u'x ruq'uin rwech ruch'lew arj-e' nel ta quec'u'x tzrij je nbixa chca cmal j-e'.

1 Juan 4:5 Iomraidhean Croise

San Lucas 16:8

Ja cꞌa patrón tok xuyaꞌ cuenta tre ja rajsamajel ja ma utz ta xuban quewaꞌ xbij riꞌ: —Ja rajsamajel leꞌ congana listo ja xuban chwe, congana rnaꞌoj. Queriꞌ xbij ja patrón in cꞌo razón ja tok xbij queriꞌ como ja winak ja xa ruqꞌuin ja rwachꞌulew yukul wiꞌ quecꞌuꞌx ejeꞌeꞌ congana e listo tre ja banoj negocio cuqꞌuin ja cach banol tak negocio. Más chi na e listo chiquewach ja ralcꞌwal Dios ja sakirsan chic quebey.

San Juan 17:14

Anin bien xinkꞌalasaj chiquewach ja ratzobal ja rabin chwe in camic xa itzel netzꞌa̱t cumal ja winak ja xa ruqꞌuin rwachꞌulew yukul wiꞌ quecꞌuꞌx como ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx in caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 17:16

Ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 3:31

Ja Ralcꞌwalaxel ja penak chilaꞌ chicaj xa ruyon arjaꞌ ja más nim rukꞌij chiquewach canojelal. Pro ja rajoj ja rok winak ma katzꞌaton ta nak rbanic ja chilaꞌ chicaj, xa ok rxin ja rwachꞌulew, xa jariꞌ nkatzijoj ja kotakin waweꞌ chwachꞌulew. Pro ja penak chilaꞌ chicaj xa ni ruyon wiꞌ arjaꞌ ja más nim rukꞌij chiquewach canojelal.

San Juan 8:23

Ja cꞌa Jesús xbij chic jutij chique: —Ixix xa ix xin waweꞌ, ja cꞌa ranin in xin chilaꞌ chicaj, xa ix xin rwachꞌulew pro ja chwe anin ma in queriꞌ ta.

2 Timoteo 4:3

Como nerilaꞌ na jun tiempo ja tok matiqueyaꞌ chic quixquin ja winak tre ja utzlaj tijonem, xa jaꞌ chic nel quecꞌuꞌx chi rcꞌaxaxic ja mta rcꞌamonto tre ja quicꞌaslemal. Rmalariꞌ tok e qꞌuiy ja winak nequicanoj na juleꞌ maestro ja netijon quixin pro juleꞌ maestro ja xa nqueyaꞌ quigana.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.