1 Juan 4:21 - Tz'utujil (Ja Cꞌacꞌa Chominem)

²¹ Ja mandamiento xin Dios quewaꞌ nbij chake riꞌ: —Ja wi ninewajoꞌ anin rjawaxic chi neꞌewajoꞌ ja rewachꞌalal chakajaꞌ, neꞌe ja Dios chake.

Tz'utujil NT

²¹ Je rmandamiento Dios cawra nbij chka ra: —We cnewajo' anen nc'atzina che nque'ewajo' ewch'alal chka', cara' nbij Dios.

1 Juan 4:21 Iomraidhean Croise

San Mateo 5:43

In jun chic ecꞌwaxan ja bitajnak can ojer chi: —Queꞌewajoꞌ ja reprójimo, ja cꞌa recꞌulel itzel queꞌetzꞌataꞌ. Queriꞌ ja bitajnak can.

San Lucas 10:37

—Ja pokonan rwach, neꞌxi rmal ja maestro. —Camic jat, tabanaꞌ atat ja caniꞌ xuban ja raj Samaria, neꞌe ja Jesús tre.

San Juan 15:12

Caniꞌ nbanon anin chewe nij ixnwajoꞌon wiꞌ queriꞌ cꞌa tebanaꞌ ixix chakajaꞌ tewajoꞌ ewiꞌ, jawaꞌ jun mandamiento nyaꞌ can chewe chi neban.

Gálatas 5:14

—Caniꞌ chawe atat nawajoꞌ kaj awiꞌ ayon queriꞌ cꞌa tabanaꞌ chique ja juleꞌ chic winak queꞌawajoꞌ chakajaꞌ, queriꞌ nbij ja rtzobal Dios. Ja wi xenimaj awaꞌ jun mandamiento ja cꞌa xinbij kaj chewe riꞌ xa ruqꞌuin ariꞌ xeban cumplir nojel ja nbij ja ley chewe chi neban.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

1 Tesalonicenses 4:9

Camic wachꞌalal, ja tre ja newajoꞌ ewiꞌ jariꞌ ma rjawaxic chi ta nbij chewe como Dios rkꞌalasan chic chewach nak rbanic chi newajoꞌ ewiꞌ.

1 Pedro 3:8

Camic ja nwajoꞌ chewe ewanojelal xta jun neban, xta jun enaꞌoj xta jun ewanma. Titiꞌon chewe wi cꞌo jun kachꞌalal nak xkajbej. Tewajoꞌ ewiꞌ como ewachꞌalal ewiꞌ, tipokonaj riꞌ ewach, maxta teyaꞌ ekꞌij.

1 Pedro 4:8

Ja más rjawaxic congana tewajoꞌ ewiꞌ. Ja tok newajoꞌ ewiꞌ qꞌuiy ja nixcowini necuy rmal.

1 Juan 2:7

Wachꞌalal, ja ntzꞌibajel chewe riꞌ ma jun cꞌacꞌa mandamiento ta, jawaꞌ jun ojer mandamiento ecꞌwaxan chic ja kas yaꞌto chewe nabey, jariꞌ chi nawajoꞌ awiꞌ.

1 Juan 3:11

Ni rjawaxic wiꞌ chi nkajoꞌ kiꞌ como queriꞌ nucꞌut chikawach ja tijonem ja recꞌwaxanto nabey.

1 Juan 3:14

Ja wi matawajoꞌ awiꞌ jariꞌ atcamnak chwach ja Dios. Ja cꞌa rajoj nekajoꞌ ja kachꞌalal rmalcꞌariꞌ tok kotak chi ma okcamnak chi ta chwach ja Dios, kotak chi okkꞌaxnakpi chic chipan ja camíc in kawilon chic ja utzlaj cꞌaslemal ja mta qꞌuisic trij.

1 Juan 3:18

Chakꞌlaj walcꞌwal, maxta xa chi kachiꞌ cꞌo wiꞌ ja tok nkabij chi nkajoꞌ kiꞌ. Ja kas nrajoꞌ chi cꞌoli nkaban ja nkacꞌutbej chi ni katzij wiꞌ chi nkajoꞌ kiꞌ.

1 Juan 3:23

Ja rmandamiento ja Dios quewaꞌ nbij chake riꞌ, tiyukeꞌ kacꞌuꞌx ruqꞌuin ja Jesucristo ja Ralcꞌwal in tikajoꞌ kiꞌ ja caniꞌ bin can chake rmal.

1 Juan 4:11

Chakꞌlaj wachꞌalal, queriꞌ xuban ja Dios, arjaꞌ congana xokrajoꞌ rmalcꞌariꞌ nbij chewe chi yatal chakij chi nkajoꞌ kiꞌ ajoj chakajaꞌ.