1 Juan 4:12 - Tz'utujil (Ja Cꞌacꞌa Chominem)

¹² Ja Dios majun nak ta tzꞌatyon rxin pro wi nkajoꞌ kiꞌ jariꞌ nqꞌuejeꞌ pa tak kanma ja Dios in chakajaꞌ nqꞌuiyi nwachini pa tak kanma ja rajoben riꞌil rxin.

Tz'utujil NT

¹² Dios majo'n jun tz'etyona rxin, per we nkajo' ki' jara' nec'je'a ptak kanm ja' Dios y chka' nq'uiya y nwachina ptak kanm ojben ri'il rxin ja'.

1 Juan 4:12 Iomraidhean Croise

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

1 Corintios 13:13

Queriꞌ cꞌa rbanic wachꞌalal, cꞌoli ja ni mta wiꞌ ja xtocꞌo ta rukꞌij, jun, ja yukulbal kacꞌuꞌx ruqꞌuin ja Dios, in jun chic, ja nkaybej más ja rutzil xin Dios, in jun chic, ja rajoben riꞌil xin Dios. Jawaꞌ roxiꞌ riꞌ ja cꞌa xinbij kaj chewe jariꞌ ni matocꞌo wiꞌ rukꞌij pro ja rajoben riꞌil xin Dios jariꞌ ja más na nim rukꞌij tre ja roxiꞌ.

1 Timoteo 1:17

Rmalariꞌ tok nbij chewe, ni ta nkaban wiꞌ respetar ja Dios in ni ta nkayaꞌ wiꞌ rukꞌij camic, chwak in chijutij. Ja Dios arjaꞌ nimlaj Rey chijutij, mta camíc trij, matitzꞌattaji, ruyon arjaꞌ Dios mchita jun queriꞌ ta, mchita jun nkꞌiꞌowi ja rnaꞌoj. Amén.

1 Timoteo 6:16

Ruyon arjaꞌ mta camíc trij, ni pa sakil wiꞌ cꞌo wiꞌ, majun nak ta ncowini ntiloc ruqꞌuin. Ni majun nak ta tzꞌatyon ta rxin in ni mta wiꞌ ntzꞌato rxin. Ni ta xtiyaꞌ wiꞌ rukꞌij in ni ta xtinatax wiꞌ ja nimlaj poder ja cꞌo pa rukꞌaꞌ. Ni ta quirwariꞌ xtiban tre camic, chwak in chijutij. Amén.

Hebreos 11:27

Rmal ja yukulbal rucꞌuꞌx ruqꞌuin ja Dios chewiꞌ tok xeli ja pan Egipto, ma xbej ta riꞌ chwach ja rey masqui ja rey congana yictaj ryewal. Cow peꞌi, rotak chi ja Dios cꞌo ruqꞌuin, xuban ja caniꞌ xutzꞌat rwach ja Dios masqui ja Dios matitzꞌattaji.

1 Juan 2:5

Pro ja winak ja nenimani ja rmandamiento ejeꞌeꞌ riꞌ ja qꞌuiynak chic in wachinnak chic ja rajoben riꞌil xin Dios pa tak canma. Ja wi queriꞌ kabanon triꞌ nkatzꞌat wiꞌ chi xa jun kabanon ruqꞌuin.

1 Juan 3:24

Ja wi nanimaj ja rmandamiento ja Dios jariꞌ natqꞌuejeꞌ pa ranma ja Dios in nqꞌuejeꞌe ja Dios pan awanma atat chakajaꞌ. Rmal ja rEspíritu Santo ja ryaꞌon ja Dios chake chewiꞌ tok kotak chi arjaꞌ cꞌo pa tak kanma.

1 Juan 4:16

Ajoj kotak chi ja Dios nokrajoꞌ, yukul kacꞌuꞌx ruqꞌuin ja rajoben riꞌil rcꞌan. Ja Dios ni rxin wiꞌ ni rcꞌan wiꞌ ja rajoben riꞌil. Kanojelal ja kucꞌan chic ja rajoben riꞌil xin Dios jariꞌ okcꞌo pa ranma ja Dios in queriꞌ chake ajoj chakajaꞌ cꞌoli ja Dios pa tak kanma.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

1 Juan 4:6

Pro ja rajoj okcꞌo pa rcuenta ja Dios. Ja winak ja cotak rwach ja Dios ejeꞌeꞌ nel quecꞌuꞌx chi rcꞌaxaxic ja nkabij pro ja ma ecꞌo ta pa rcuenta ja Dios ejeꞌeꞌ maticajoꞌ nquicꞌaxaj ja nkabij. Triꞌ cꞌa nkotakij wiꞌ echinatak ja reꞌucꞌan rmal ja rEspíritu xin Dios, jun Espíritu ja mta tzꞌakoj tzij rcꞌamonto, in echinatak ja reꞌucꞌan rmal ja respíritu xin diablo, jun espíritu ja xa tzꞌakoj tzij rcꞌamonto.