1 Juan 4:1 - Tz'utujil (Ja Cꞌacꞌa Chominem)

¹ Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.

Tz'utujil NT

¹ Quilaj tak wch'alal, tey-a' ewexquin tzrij je xtenbij chewa ra. E q'uiy wnak cpaxin qui' chwech ruch'lew jnecbij che tijonem rxin Dios nqueya'. Per xe tz'koj tak tzij necbij, me ktzij ta. Rmal c'ara' tak quenbij chewa, mque'enimaj ta conjelal wnak je nquebina che Espíritu rxin Dios c'ayona cxin. Per jneban, bien tc'axaj ajni' nquetzijona we ktzij che Espíritu rxin Dios ec'ayona, o we mja' ta.

1 Juan 4:1 Iomraidhean Croise

Marcos 13:21

Ja cꞌa wi cꞌo jun xtibij chewe chi: —Peti ja Cristo, waweꞌ cꞌo wiꞌ riꞌ, wi neꞌe, ma tenimaj ta. Owi nbij chewe chi: —Quelaꞌ cꞌo wiꞌ leꞌ, wi neꞌe, chakajaꞌ ma tenimaj ta.

San Lucas 12:57

¿Nak tre tok matechꞌob ixix eyon nak ja rubey chi neban?

San Lucas 21:8

In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

Hechos 17:11

Ja raj Israel ja recꞌo triꞌ pa Berea más na e utzlaj tak winak chiquewach ja recꞌo pa Tesalónica como ejeꞌeꞌ congana queyaꞌ quixquin tre ja rtzobal Dios. Kꞌij kꞌij ni nquisiqꞌuij wiꞌ ja rtzobal Dios utzcꞌa chi nquetzꞌat wi nucꞌam riꞌ ruqꞌuin ja nbix chique cumal ja Pablo.

Hechos 20:29

Bien wotak chi ja tok ma incꞌo chi ta ewqꞌuin ecꞌo juleꞌ itzel tak winak neꞌoc na checojol in nquemaj ryojic ja yukulbal quecꞌuꞌx ja kachꞌalal ruqꞌuin ja Jesucristo.

1 Corintios 12:10

Ecꞌo na juleꞌ chic ja nyataj chique chi necowini nqueban milagro, in juleꞌ chic nyataj chique chi cꞌo jeꞌe nkꞌalasax chiquewach rmal ja Dios chi nqueyaꞌ rbixic, in juleꞌ chic ja nyataj chique chi necowini nquechꞌob nak chi espirituꞌal cꞌayon quixin ja winak tok netzijoni, la Espíritu Santo owi ma Espíritu Santo ta. Ecꞌo na juleꞌ chic ja nyataj chique chi necowini netzijon chipan juleꞌ tzobal masqui ma cotakin ta ja tzobal in juleꞌ chic ja nyataj chique chi necowini nquikꞌaxaj ja tzij ja nbix chipan ja juleꞌ chic tzobal.

1 Corintios 14:29

Ja cꞌa profeta e caꞌiꞌ owi e oxiꞌ quetzijon chique. Ja cꞌa juleꞌ chic tiquichꞌoboꞌ rij rwach ja nquibij ja profeta, la xin Dios ja nquibij owi mani.

1 Tesalonicenses 5:20

Maxta itzel tecꞌwaxaj ja mensaje ja nyaꞌi cumal ja reꞌucꞌan rmal ja Dios.

1 Tesalonicenses 5:21

Tecꞌwaxaj chi utz nojel ja nbixi ja wi utz owi ma utz ta, ja cꞌa wi utz tenimaj.

2 Tesalonicenses 2:2

Maxta teqꞌuex maxta tisach enaꞌoj rmal juleꞌ tzij ja necꞌwaxaj chi xurwilaꞌ ja tiempo chi npeti ja kajaw Jesucristo. Masqui cꞌo jun nbij chewe: —Dios rkꞌalasan chinwach chi xurwilaꞌ ja tiempo, wi neꞌe, pro ma tenimaj ta. Owi cꞌo jun mensaje necꞌwaxaj chi xurwilaꞌ ja tiempo owi nekaj jun carta ewqꞌuin caniꞌ ajoj okbanyon in nbij chi xurwilaꞌ ja tiempo pro ni ma tenimaj ta wiꞌ.

1 Timoteo 4:1

Pro ni kꞌalaj wiꞌ ja nbij ja rEspíritu Santo chi nerilaꞌ na jun tiempo ja tok ecꞌoli ja nqueyaꞌ can ja utzlaj tijonem xin Jesucristo. Ejeꞌeꞌ neba̱n na engañar cumal ja ritzel tak espíritu in nquinimaj juleꞌ itzel tak tijonem quixin demonio.

2 Timoteo 3:13

Pro ja ritzel tak winak in ja banol tak engaño ejeꞌeꞌ xa janiꞌ neyojtaj más, nequeban engañar ja winak in queriꞌ chique ejeꞌeꞌ chakajaꞌ neba̱n engañar.

2 Pedro 2:1

Pro ecꞌoli ja profeta ojer chakajaꞌ chiquicojol ja tinamit Israel ja ma Dios ta takyonto quixin in queriꞌ chewe ixix chakajaꞌ newinakar na checojol juleꞌ maestro pro ma katzij ta chi tijonem xin Dios ja nqueyaꞌ. Ejeꞌeꞌ pan awatali xtiquecoj ja ritzel tak tijonem chicojol ja rtzobal Dios, ja cꞌariꞌ tijonem xtiqueyaꞌ xa nyojtaji ja recꞌaslemal rmal. Ejeꞌeꞌ riꞌ winak matiquinimaj chic chi ja Jesucristo xutoj ja quil quemac. Jariꞌ jun nimlaj juicio nquisiqꞌuij chiquij pro mta quinaben ja tok xtikaj chiquij.

1 Juan 2:18

Chakꞌlaj walcꞌwal, anin nbij chewe chi xurwilaꞌ ja qꞌuisbal tiempo. Ixix ecꞌwaxan chic chi npi na ja rcꞌulel ja Cristo in camic e qꞌuiy ja rcꞌulel epenak chic chewiꞌ tok kotak chi xurwilaꞌ ja qꞌuisbal tiempo.

1 Juan 2:7

Wachꞌalal, ja ntzꞌibajel chewe riꞌ ma jun cꞌacꞌa mandamiento ta, jawaꞌ jun ojer mandamiento ecꞌwaxan chic ja kas yaꞌto chewe nabey, jariꞌ chi nawajoꞌ awiꞌ.

2 Juan 1:7

Queriꞌ nbij chawe como e qꞌuiy ja banol tak engaño ja reꞌelnak chic, ebenak cuqꞌuin ja winak ja xa ruqꞌuin rwachꞌulew yukul wiꞌ quecꞌuꞌx, ejeꞌeꞌ nquipokonaj nquibij chi xoc kach winak ja Jesucristo ja tok peti waweꞌ chwachꞌulew. Xa nak ta ja nbano queriꞌ arjaꞌ banol engaño in xa rcꞌulel ja Cristo.

3 Juan 1:11

Chakꞌlaj walcꞌwal, maxta tacꞌam ja rejemplo ja nbanowi ja ritzelal pro ja nbanowi ja rutzil ja tariꞌ nacꞌam ja rejemplo rxin. Como ja nbanowi ja rutzil jariꞌ ralcꞌwal Dios pro ja nbanowi ja ritzelal jariꞌ xa ma rotak ta rwach ja Dios.

Apocalipsis 2:2

—Anin bien wotak ja rebanon, wotak chi janila jun cꞌayewalaj samaj xin Dios ja remajon rbanic, wotak chi janila ecochꞌon ewach chipan in wotak chi ni majun egana cuqꞌuin ja ritzel tak winak pro ja rebanon xeꞌecꞌambajaj ja winak ja nebini chi e apóstol pro ma e apóstol ta in xewotakij chi xa e tzꞌakol tak tzij.