1 Juan 3:8 - Tz'utujil (Ja Cꞌacꞌa Chominem)

⁸ Pro ja winak ja chaka nemacuni ejeꞌeꞌ riꞌ e ralcꞌwal diablo caniꞌ tre ja diablo arjaꞌ nij ajꞌil nij ajmac wiꞌ ja tok tzꞌucarsaxto ja rwachꞌulew. Ja cꞌa Ralcꞌwal Dios peti waweꞌ chwachꞌulew chi ryojic ja samaj ja nuban ja diablo.

Tz'utujil NT

⁸ Per wnak jchek il mac nqueban j-era' e rlec'wal diablo, ajni' rebnon ja' diablo arja' ne aj-il ajmac wa' tak xwankersas ta rwech ruch'lew. Je Rlec'wal Dios xpeta wawe' chwech ruch'lew che ryojic y rturic samaj jnuban diablo.

1 Juan 3:8 Iomraidhean Croise

San Mateo 12:28

Ja ranin poder rxin ja rEspíritu Santo xin Dios ncoj ja tok nenlasaj ja demonio in wi queriꞌ nban tibij cꞌa tzij ariꞌ chi ja gobierno xin Dios kajnakto chic checojol.

San Mateo 13:38

Ja chenoj jariꞌ ja rwachꞌulew. Ja utzlaj ijaꞌtz jariꞌ ja recꞌo pa rcuenta ja gobierno xin chilaꞌ chicaj. Ja ritzel tijcoꞌm jariꞌ ja recꞌo pa rcuenta ja diablo.

San Mateo 4:3

Ja cꞌa diablo ja takchinel arjaꞌ xekaj ruqꞌuin ja Jesús in quewaꞌ xbij tre riꞌ: —Ja wi katzij chi atat ja rat Ralcꞌwal Dios tabij cꞌa trewaꞌ ja juleꞌ abaj riꞌ chi noc way, neꞌ tre.

Marcos 1:24

—Jesús ja rat aj Nazaret ¿nak narbanaꞌ waweꞌ kuqꞌuin, la maxta atpenak chi nokaryojoꞌ? Anin bien wotak nak atocnak wiꞌ, atat ja rat Santilaj Ralcꞌwal Dios, neꞌ tre ja Jesús.

San Lucas 10:18

Ja cꞌa Jesús xbij chique: —Anin xintzꞌat ja Satanás kajsaxi, tzakto chicaj caniꞌ nuban kꞌakꞌ.

San Juan 12:31

Camic xurwilaꞌ ja tiempo chi nkꞌalajini nak rbanic ja ritzelal ja cꞌo pa tak canma ja winak waweꞌ chwachꞌulew, xurwilaꞌ ja tiempo chi nkajsax rchokꞌakꞌ ja Satanás ja nbano mandar waweꞌ chwachꞌulew in nbatataxel.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Romanos 16:20

Ja cꞌa Dios ja nyowi ja quicotemal arjaꞌ nkajsaj na chanim ja rchokꞌakꞌ ja Satanás in nbe ja Satanás xeꞌ ewakan. Ja camic xtiqꞌuejeꞌ ta ewqꞌuin ja rutzil ja nkacochij tre ja kajaw Jesucristo. Amén.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Colosenses 2:15

Arjaꞌ xkajsaj quichokꞌakꞌ ja cꞌo kꞌetbaltzij pa quekꞌaꞌ, bien xkꞌalasaj chiquewach winak chi arjaꞌ chꞌocmaji tokoriꞌ tok camsaxi ja Cristo chwach cruz.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Hebreos 2:14

Como ja rok alcꞌwalaxelaꞌ xa junan rwach ja kaquiqꞌuel, xa junan rwach ja kachꞌacul in queriꞌ cꞌa tre ja Jesús chakajaꞌ arjaꞌ xoc kach winak, kꞌax chipan ja camíc jariꞌ xkasbej ja diablo ja yoꞌl camíc.

Hebreos 9:26

Ja wixta queriꞌ jaruꞌ pa tiempo winakarnakto ja rwachꞌulew qꞌuiylaj mul ta cꞌariꞌ camsanto. Pro ja xuban arjaꞌ, xa jutij peti, xtzujuj riꞌ chi camsax pa kacuenta, ja cꞌa rcamic jariꞌ xchupbej ja kil kamac kanojel. Ja tiempo ja pi wiꞌ jariꞌ qꞌuisbal rxin ja tiempo jeꞌe ja rchominto ja Dios ojer.

2 Pedro 2:4

Caniꞌ xuban ja Dios ojer chique ja ángel ja xemacun chwach ma xpokonaj ta quewach, xerutakel chipan ja rpokonal pa jun lugar kꞌekumal, ebacꞌon pa cadena chi raybexic ja nimlaj kꞌij xin juicio.

1 Juan 1:2

Ja Yoꞌl cꞌaslemal xerilaꞌ ja kꞌij chi ntzꞌattaji, ajoj katzꞌat in camic kamajon rkꞌalasaxic nak rbanic in jariꞌ nkayaꞌ rbixic chewe. Nabey ni cꞌo wiꞌ ruqꞌuin ja Tatixel pro peti xurcꞌutuꞌ kaj riꞌ chikawach.

1 Juan 3:10

Waweꞌ nkatzꞌat wiꞌ echinatak ja ralcꞌwal Dios in echinatak ja ralcꞌwal diablo, ja wi ma utz ta ja nqueban in wi maquecajoꞌ ja cachꞌalal ma e ralcꞌwal Dios ta cꞌariꞌ.

1 Juan 3:5

Ixix bien ewotak chi peti ja Jesucristo waweꞌ chwachꞌulew chi rchupic ja kil kamac in arjaꞌ ni mta wiꞌ jun ril rumac rbanon.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.

Judas 1:6

In nwajoꞌ nnataj chewe chakajaꞌ ja queban ja ritzel tak ángel ja xa quichꞌakij can ja nimlaj privilegio ja yataj chique rmal ja Dios in queyaꞌ can ja chilaꞌ chicaj ja mero quilugar. Ejeꞌeꞌ ecojon preso rmal ja Dios chipan ja lugar ja bar cꞌo wiꞌ ja nimlaj kꞌekumal, ebacꞌon pa cadena chijutij chi raybexic ja nimlaj kꞌij xin juicio.

Apocalipsis 20:10

Ja cꞌa Diablo ja bano engañar quixin arjaꞌ qꞌuiakel chipan ja nimlaj lugar ja cꞌoli nojnak chipan caniꞌ kꞌol in rmajon cꞌatem. Triꞌ qꞌuiakel wiꞌ ja bar ecꞌo chi wiꞌ ja ritzel chicop rachbil ja profeta ja ma katzij ta chi profeta. Triꞌ nba̱n wiꞌ pokon chique chi pa kꞌij chi chakꞌaꞌ, chijutij nebe chipan ja rpokonal, ni maqueꞌel wiꞌ chipan.

Apocalipsis 20:15

In xa nak ta ja ma tzꞌibtal ta rubiꞌ chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij ejeꞌeꞌ xeqꞌuiakel chipan ja yaꞌ ja yujun juleꞌ caniꞌ kꞌol ruqꞌuin rmajon cꞌatem.