1 Juan 3:23 - Tz'utujil (Ja Cꞌacꞌa Chominem)

²³ Ja rmandamiento ja Dios quewaꞌ nbij chake riꞌ, tiyukeꞌ kacꞌuꞌx ruqꞌuin ja Jesucristo ja Ralcꞌwal in tikajoꞌ kiꞌ ja caniꞌ bin can chake rmal.

Tz'utujil NT

²³ Je rmandamiento Dios cawra nbij chka ra: teyke'a ac'u'x ruq'uin Jesucristo je Rlec'wal y tkaj-o' ki' ajni' rbin cana chka.

1 Juan 3:23 Iomraidhean Croise

San Mateo 22:39

Ja cꞌa rcab mandamiento xa junan ruqꞌuin, quewaꞌ nbij riꞌ: —Ja caniꞌ nawajoꞌ kaj awiꞌ ayon queriꞌ cꞌa tabanaꞌ chique ja winak queꞌawajoꞌ chakajaꞌ, neꞌe.

Marcos 9:7

Chaka jalal tok cꞌo juleꞌ sutzꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, teyaꞌaꞌ ewxquin tre nak ja nbij arjaꞌ chewe, neꞌe.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

San Juan 13:34

Cꞌo jun cꞌacꞌa mandamiento nbij can chewe riꞌ, tewajoꞌ ewiꞌ. Caniꞌ nbanonto anin chewe nij ixnwajoꞌonto wiꞌ queriꞌ cꞌa tebanaꞌ ixix chakajaꞌ ni tewajoꞌ wiꞌ ewiꞌ. Jariꞌ ja cꞌacꞌa mandamiento nyaꞌ can chewe.

San Juan 14:1

Cꞌacꞌariꞌ xbij chic chique: —Maxta ticapuj ecꞌuꞌx, ni tiyukeꞌ wiꞌ ecꞌuꞌx ruqꞌuin ja Dios in wqꞌuin anin chakajaꞌ.

San Juan 15:12

Caniꞌ nbanon anin chewe nij ixnwajoꞌon wiꞌ queriꞌ cꞌa tebanaꞌ ixix chakajaꞌ tewajoꞌ ewiꞌ, jawaꞌ jun mandamiento nyaꞌ can chewe chi neban.

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 2:23

Ja cꞌa tok majtaji ja waꞌim rxin ja nmakꞌij pascua chipan ja tinamit Jerusalén triꞌ qꞌuejeꞌ wiꞌ ja Jesús in e qꞌuiy chique ja winak yukeꞌ quecꞌuꞌx ruqꞌuin rmal ja milagro ja xuban jeꞌe chiquewach.

San Juan 3:18

Canojelal ja winak ja nyukeꞌ quecꞌuꞌx ruqꞌuin ja Ralcꞌwal Dios ejeꞌeꞌ mchita kꞌetoj tzij xin Dios chiquij pro ja cꞌa matiyukeꞌ quecꞌuꞌx ruqꞌuin ejeꞌeꞌ kꞌeton chic tzij chiquij rmal ja Dios chi neta̱kel chipan ja rpokonal. Como matiyukeꞌ quecꞌuꞌx ruqꞌuin ja Ralcꞌwal Dios chewiꞌ tok nba̱n queriꞌ chique.

San Juan 6:29

—Tiyukeꞌ ecꞌuꞌx ruqꞌuin ja Ralcꞌwalaxel ja takonto rmal ja Dios in tok nyukeꞌ ecꞌuꞌx ruqꞌuin ja cꞌariꞌ samaj xin Dios, xecheꞌxi rmal ja Jesús.

Hechos 16:31

—Tiyukeꞌ acꞌuꞌx ruqꞌuin ja kajaw Jesucristo jariꞌ nattotaji in netotaji chakajaꞌ canojel ja recꞌo pan awochoch, queriꞌ quibij tre.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

1 Tesalonicenses 4:9

Camic wachꞌalal, ja tre ja newajoꞌ ewiꞌ jariꞌ ma rjawaxic chi ta nbij chewe como Dios rkꞌalasan chic chewach nak rbanic chi newajoꞌ ewiꞌ.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

1 Pedro 4:8

Ja más rjawaxic congana tewajoꞌ ewiꞌ. Ja tok newajoꞌ ewiꞌ qꞌuiy ja nixcowini necuy rmal.

1 Juan 2:7

Wachꞌalal, ja ntzꞌibajel chewe riꞌ ma jun cꞌacꞌa mandamiento ta, jawaꞌ jun ojer mandamiento ecꞌwaxan chic ja kas yaꞌto chewe nabey, jariꞌ chi nawajoꞌ awiꞌ.

1 Juan 3:11

Ni rjawaxic wiꞌ chi nkajoꞌ kiꞌ como queriꞌ nucꞌut chikawach ja tijonem ja recꞌwaxanto nabey.

1 Juan 4:15

Canojel ja winak ja nebini chi Jesús arjaꞌ Ralcꞌwal Dios ejeꞌeꞌ riꞌ cꞌoli pa tak canma ja Dios in ejeꞌeꞌ chakajaꞌ ecꞌo pa ranma ja Dios.

1 Juan 4:21

Ja mandamiento xin Dios quewaꞌ nbij chake riꞌ: —Ja wi ninewajoꞌ anin rjawaxic chi neꞌewajoꞌ ja rewachꞌalal chakajaꞌ, neꞌe ja Dios chake.

1 Juan 5:13

Anin xintzꞌibajel ja carta riꞌ in ntakel ewqꞌuin ixix ja yukul ecꞌuꞌx ruqꞌuin ja Jesucristo ja Ralcꞌwal Dios. Ja xintzꞌibaj chipan jariꞌ nyabej eseguro chi ixix ewcꞌan chic ja utzlaj cꞌaslemal ja mta qꞌuisic trij.