1 Juan 3:22 - Tz'utujil (Ja Cꞌacꞌa Chominem)

²² in arjaꞌ nuyaꞌ chake xa nak ta ja nkacꞌutuj tre. Como ajoj nkanimaj ja rmandamiento in como arjaꞌ nquicot chakij chewiꞌ tok nuban queriꞌ chake.

Tz'utujil NT

²² y arja' nuya' chka achnak nekc'utuj tzra. Com ajoj neknimaj rmandamiento y com arja' nquicota chkij, rmal c'ara' tak nuban cara' chka.

1 Juan 3:22 Iomraidhean Croise

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 21:22

Xa nak ta ja necꞌutuj pan oración wi yukul ecꞌuꞌx ruqꞌuin ja Dios chi rcꞌutuxic jariꞌ nyataj chewe, xecheꞌxi rmal ja Jesús.

Marcos 11:24

Rmalcꞌariꞌ nbij chewe xa nak ta ja necꞌutuj pan oración, ja ta neban cꞌo ta eseguro chi chomarsan chic rmal ja Dios chi nuyaꞌ chewe ja necꞌutuj. Ja wi queriꞌ neban jariꞌ nyataj chewe.

San Juan 14:13

In jun chic, nojel ja xtecꞌutuj tre ja Nataꞌ in wi yukul ecꞌuꞌx wqꞌuin chi rcꞌutuxic, anin nyaꞌ chewe ja necꞌutuj. Queriꞌ rbanic utzcꞌa chi nya̱ꞌ na rukꞌij ja Tatixel pro rmal ja Ralcꞌwalaxel tok nya̱ꞌ rukꞌij.

San Juan 15:10

Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 6:29

—Tiyukeꞌ ecꞌuꞌx ruqꞌuin ja Ralcꞌwalaxel ja takonto rmal ja Dios in tok nyukeꞌ ecꞌuꞌx ruqꞌuin ja cꞌariꞌ samaj xin Dios, xecheꞌxi rmal ja Jesús.

San Juan 8:29

Ja takyonpi wxin arjaꞌ cꞌo wqꞌuin camic, ja Nataꞌ ni ma inryaꞌon can ta wiꞌ. Queriꞌ rbanon chwe como anin ni nmajon wiꞌ rbanic ja nrajoꞌ chwe chi nban, neꞌe ja Jesús chique.

San Juan 9:31

Bien kotak chi ja Dios arjaꞌ maticꞌaxaj ja tok cꞌoli ncꞌutux tre rmal jun achi ja wi xa il mac nuban ja rachi. Pro jun achi wi nuyaꞌ rukꞌij ja Dios in wi nnimaj ja najoꞌx tre rmal ja Dios chi nuban jariꞌ ncꞌaxaxi ja ncꞌutuj tre ja Dios.

Hechos 17:30

Ja chipan ja rojer tak tiempo ja kꞌaxnak can ja winak ma cotak ta janiꞌ ja Dios pro ja Dios arjaꞌ xucochꞌ. Pro ja cꞌa camic neruban mandar chi nqueqꞌuex ja quinaꞌoj in nqueyaꞌ can ja ritzelal. Queriꞌ nuban chique canojelal xa bar ta triꞌ ecꞌo wiꞌ.

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Filipenses 4:18

Nojel ja xetakto jariꞌ xurjach pa nukꞌaꞌ rmal ja kachꞌalal Epafrodito rmalariꞌ tok majun nak chi ta rjawaxic chwe camic, in caniꞌ biyom chic nnaꞌ kaj. Ja rayuda xeyaꞌ chwe jariꞌ caniꞌ jun ofrenda xetzujuj tre ja Dios pro jun ofrenda ja congana quiꞌ rxulaꞌ nunaꞌ ja Dios, utz nutzꞌat in kas nel rucꞌuꞌx trij.

Colosenses 1:10

Xtewcꞌaj ta jun utzlaj cꞌaslemal como ni yatal wiꞌ chakij chi queriꞌ nkaban ja tok kaniman chic ja kajaw Jesucristo. Xtewcꞌaj ta jun cꞌaslemal ja congana utz ntzꞌa̱t rmal ja Dios, jun cꞌaslemal ja nwinakarsaj nojel rwach ja rutzil. Kꞌij kꞌij ni ta xtewotakij wiꞌ más janiꞌ rnaꞌoj ja Dios.

Hebreos 13:21

Dios ta cꞌa xtiyoꞌ chewe chi nnoji nojel rwach ja rutzil pa tak ewanma utzcꞌa chi nixcowini neban ja rvoluntad, xtuyaꞌ ta chewe chi nsamaji ja Jesucristo pa tak ewanma chi rwinakarsaxic jeꞌe nak ja nel rucꞌuꞌx trij. Ni ta xtiyaꞌ wiꞌ rukꞌij camic, chwak in chijutij. Amén.

Santiago 1:5

Ja wi ecꞌoli chewe wi cꞌo jeꞌe ja matichꞌobtaj cumal nak rjawaxic chi nqueban tiquicꞌutuj tre ja Dios, arjaꞌ nuyaꞌ chique chi nchꞌobtaj cumal nak nqueban. Arjaꞌ nuyaꞌ chique xa nak ta necꞌutun tre in nojel rucꞌuꞌx nuyaꞌ chique, ma pa chꞌolinem ta.

Santiago 4:3

Owi masqui necꞌutuj pro xa ma rubey ta ja rcꞌutuxic neban chewiꞌ tok matiyataj chewe. Queriꞌ rbanic como ja rechꞌobon ixix tok xtiyataj chewe xa nixquicot kaj ruqꞌuin eyon, xa neban ruqꞌuin nak cꞌol egana neban.

Santiago 5:16

In queriꞌ chewe ixix chakajaꞌ, wi cꞌol ewil emac ebanon techoloꞌ chibil tak ewiꞌ in kabanaꞌ orar pa kacuenta chibil tak kiꞌ. Quirtariꞌ neban jutzꞌit utzcꞌa chi nixtzuri. Ja racꞌaslemal ja wi utz ntzꞌa̱t rmal ja Dios in tok naban oración congana jun nimlaj samaj nuban ja raworación.

1 Juan 2:3

Ja wi nkanimaj ja mandamiento xin Jesucristo triꞌ nkatzꞌat wiꞌ chi kotak rwach.

1 Juan 5:14

Yukul kacꞌuꞌx ruqꞌuin ja Dios chi arjaꞌ ncꞌulbaꞌ ja roración nkaban ja wi utz ncꞌaxaj ja nkacꞌutuj tre.