1 Juan 3:21 - Tz'utujil (Ja Cꞌacꞌa Chominem)

²¹ Chakꞌlaj wachꞌalal, ja wi mta ntiꞌon pa tak kanma jariꞌ cꞌo kaconfianza noktzijon ruqꞌuin ja Dios

Tz'utujil NT

²¹ Quilaj tak wch'alal, wmajo'n achnak nti'ona ptak kanm jara' c'ola kconfianza noktzijona ruq'uin Dios

1 Juan 3:21 Iomraidhean Croise

Romanos 14:22

Atat wi awotak chi ma xajan ta nkatiꞌ xa nak ta nkatiꞌ jeꞌe mejor xa pan awanma nqꞌuejeꞌ wiꞌ chwach ja xa nayabej akꞌij como ja Dios rotak ja cꞌo pan awanma. Congana quiꞌil chake ja tok kotak chi ma xajan ta ja nkaban jeꞌe in tok matitiꞌoni ja kaconciencia rmal.

2 Corintios 1:12

Como ajoj wachꞌalal congana nokquicoti ja mta nak ta kabanon ja xtitiꞌon ta kaconciencia rmal, chꞌajchꞌoj rij rwach ja kabanon, ni majun nak ta kawawan ta pa tak kanma. Ni quirwariꞌ ja kabanon chiquewach ja winak in pior cꞌa chewach ixix. Ma kanaꞌoj ta ajoj nkacoj pro ja rutzil ja nsipaj ja Dios chake jariꞌ nsamaji pa tak kanma chi rbanic nojel ja nkaban.

Efesios 3:12

Ja tok xa jun kabanon ruqꞌuin ja Jesucristo jariꞌ matikanaꞌ kiꞌ nokekaj chwach ja Dios in cꞌo kaconfianza noktzijon ruqꞌuin pro xa rmal ja yukulbal kacꞌuꞌx ruqꞌuin ja Jesucristo chewiꞌ tok nkaban queriꞌ.

1 Timoteo 2:8

Ja cꞌa ngana anin canojel ja rachiꞌiꞌ nqueban ta oración xa bar ta triꞌ nquemol wiꞌ quiꞌ. Pro ja tok nqueyic quekꞌaꞌ chicaj chi rbanic ja roración rjawaxic chique chi mta ntiꞌon pa tak canma, rjawaxic chi mta ayewal in mta chꞌaꞌoj pa tak canma.

Hebreos 10:22

Koꞌekaj cꞌa chwach ja Dios, maxta tikanaꞌ kiꞌ pro nojel ta kanma, ni ta yukul wiꞌ kacꞌuꞌx ruqꞌuin. Quirtariꞌ nkaban jutzꞌit como kotak chi chꞌachꞌojirsan chic ja kanma chipan ja kil kamac in matitiꞌon chic ja kaconciencia rmal. Kotak chakajaꞌ chi chꞌachꞌojirsan chic ja kacuerpo tre jun chꞌajchꞌojlaj yaꞌ ja ni majun tzꞌil nak ta rcꞌan.

Hebreos 4:16

Como rotak npokonaj kawach maxta cꞌa tikanaꞌ kiꞌ ja tok nkaban oración tok nokekaj chwach ja rtzꞌulibal ja nimlaj Rey ja bar nkacochij wiꞌ ja rutzil xin Dios. Yukul ta kacꞌuꞌx ruqꞌuin tok nkaban ja roración. Ja cꞌa wi yukul kacꞌux ruqꞌuin jariꞌ nucuy ja kil kamac in tok cꞌo rjawaxic chake nsipaj na ja rutzil chake chi katoꞌic.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.

1 Juan 2:7

Wachꞌalal, ja ntzꞌibajel chewe riꞌ ma jun cꞌacꞌa mandamiento ta, jawaꞌ jun ojer mandamiento ecꞌwaxan chic ja kas yaꞌto chewe nabey, jariꞌ chi nawajoꞌ awiꞌ.

1 Juan 3:2

Chakꞌlaj wachꞌalal, anin nbij chewe chi ok ralcꞌwal chic ja Dios camic. Majaꞌn tikꞌalasax chikawach nak kabanic ja tok xkoqꞌuextaji pa jun kꞌij xarwariꞌ kotak chi ja tok xtipi chic jutij ja Jesucristo ajoj nij ok queriꞌ chic triꞌ ja caniꞌ arjaꞌ. Nkatzꞌat na chi utz triꞌ janiꞌ ja kas mero rbanic ja Jesucristo chewiꞌ tok nokoqui ja caniꞌ arjaꞌ.

1 Juan 4:17

Ja wi matikaxbej kiꞌ chwach ja nimlaj kꞌij xin juicio ja tok xtipi chic jutij ja Jesucristo triꞌ nkatzꞌat wiꞌ chi qꞌuiynak chic in wachinnak chic ja rajoben riꞌil xin Dios pa tak kanma. Ajoj cꞌa okcꞌo na waweꞌ chwachꞌulew pro como xa junan chic kanaꞌoj ruqꞌuin ja Jesucristo chewiꞌ tok matikaxbej kiꞌ chwach.

1 Juan 5:14

Yukul kacꞌuꞌx ruqꞌuin ja Dios chi arjaꞌ ncꞌulbaꞌ ja roración nkaban ja wi utz ncꞌaxaj ja nkacꞌutuj tre.