1 Juan 3:17 - Tz'utujil (Ja Cꞌacꞌa Chominem)

¹⁷ Pro ja wi cꞌo jun awachꞌalal wi cꞌoli ncꞌatzin tre ja ntzukbej riꞌ in wi cꞌol awqꞌuin ja ncꞌatzin tre, ja cꞌa wi matapokonaj rwach, wi matatoꞌ jariꞌ ni kꞌalaj wiꞌ chi mta ja rajoben riꞌil xin Dios pan awanma.

Tz'utujil NT

¹⁷ Per wc'ola jun awch'alal y c'ola rnecesidad tzrij je ntzukbej ri', y wc'ola awq'uin je nc'atzina tzra, wmajo'n napoknaj ta rwech y we mtato', jara' nk'alaj wa' chmajo'n ojben ri'il rxin Dios nesmaja pnawanm.

1 Juan 3:17 Iomraidhean Croise

San Lucas 3:11

—Xa nak ta chewe ja cꞌo caꞌiꞌ camisa ruqꞌuin tiyaꞌaꞌ jun tre ja mta rxin owi cꞌo way ruqꞌuin tiyaꞌaꞌ rxin ja mta nutij, neꞌe ja Juan chique.

2 Corintios 8:9

Como ixix bien ewotak chi ja kajaw Jesucristo congana samaji ja rutzil xin Dios pa ranma. Como arjaꞌ masqui congana biyom nabey pro ma xpokonaj ta xuyaꞌ can ja rbiyomal, ma xpokonaj ta xoc mebaꞌ pro emwal ixix tok xuban queriꞌ. Arjaꞌ xoc mebaꞌ utzcꞌa chi xa rmal ja rpobreꞌil tok nyataj ixix chewe ja biyomal xin Dios.

Hebreos 13:16

Pro ni tecꞌutuꞌ wiꞌ ja rewutzil chakajaꞌ in queꞌetoꞌoꞌ ja cꞌo rjawaxic chique, maxta temestaj chi rbanic ja wariꞌ. Ja cꞌa tok neban ja wariꞌ junan neli ruqꞌuin jun sacrificio chakajaꞌ pro jun sacrificio ja congana nel rucꞌuꞌx ja Dios trij.

Santiago 2:15

Tzucꞌa cꞌo ta jun kachꞌalal achi owi ixok congana ta rjawaxic tre, ni ta tak pena ja tak rtziak rcojon in ni ta majun nutij nojel tak kꞌij,

Santiago 2:16

in jun ta cꞌa chewe quewaꞌ ta nbij tre riꞌ: —Jat cꞌa, tabanaꞌ cuenta awiꞌ, xtawil ta ja ratziak ja nacoj in ja natij chakajaꞌ, neꞌel ta tre. Queriꞌ nbij pro wi majun xuyaꞌel tre ja ncꞌatzin tre ¿nak cꞌa noc wariꞌ juleꞌ tzij ja xbijel tre nechꞌob ixix?

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.