1 Juan 3:16 - Tz'utujil (Ja Cꞌacꞌa Chominem)

¹⁶ Ja Jesucristo arjaꞌ xuyaꞌ riꞌ chi camsax pa kacuenta, triꞌ nkotakij wiꞌ janiꞌ ja rajoben riꞌil. Queriꞌ chake ajoj chakajaꞌ yatal chakij chi matikapokonaj nkayaꞌ kiꞌ pa camíc pa quicuenta ja kachꞌalal.

Tz'utujil NT

¹⁶ Jesucristo arja' xuya' ri' che xcomsasa pkacwent, tzra' c'a nkutkij wa' nak kas mer rbanic ojben ri'il. Cara' chka ajoj chka', yatanak chkij che majo'n nekpoknaj ta ki' nkaya' ki' pe cmic pquecwent kch'alal.

1 Juan 3:16 Iomraidhean Croise

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Juan 10:11

Anin in ajyukꞌ ja ni katzij wiꞌ chi in utzlaj ajyukꞌ. Ja utzlaj ajyukꞌ arjaꞌ matipokonaj ncam pa quicuenta ja tak carnelo.

San Juan 10:15

caniꞌ kabanon ruqꞌuin ja Tatixel, arjaꞌ ninrajoꞌ in bien rotak janiꞌ nnaꞌoj in queriꞌ nbanon anin tre chakajaꞌ, in anin matinpokonaj nincam pa quicuenta ja tak ncarnelo.

San Juan 13:34

Cꞌo jun cꞌacꞌa mandamiento nbij can chewe riꞌ, tewajoꞌ ewiꞌ. Caniꞌ nbanonto anin chewe nij ixnwajoꞌonto wiꞌ queriꞌ cꞌa tebanaꞌ ixix chakajaꞌ ni tewajoꞌ wiꞌ ewiꞌ. Jariꞌ ja cꞌacꞌa mandamiento nyaꞌ can chewe.

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Romanos 16:4

in queban jutij jutzꞌit laj xecami chi ntoꞌic. Anin janila nmaltioxij chique pro ma nuyon ta anin nmaltioxij chique pro canojel ja kachꞌalal ja ma e aj Israel ta ja recꞌo pa tak iglesia jeꞌe ejeꞌeꞌ nquimaltioxij chique chakajaꞌ.

Romanos 5:8

Pro ja Dios tok cꞌa okcꞌo na chipan ja kil kamac arjaꞌ xutakto ja Cristo chi xurcam kaj pa kacuenta in triꞌ xucꞌut wiꞌ chikawach nak rbanic ja rajoben riꞌil ja cꞌo tre chi congana nokrajoꞌ.

2 Corintios 4:12

Queriꞌ rbanic, ja rajoj ni pa camíc wiꞌ okcꞌo wiꞌ pro ja chewe ixix jariꞌ utzlaj cꞌaslemal rcꞌamonpi chewe.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Efesios 5:25

Ja cꞌa rixix ja rix achiꞌiꞌ queꞌewajoꞌ ja rewixjayilal caniꞌ xuban ja Cristo chake ja rok iglesia congana xokrajoꞌ in xuyaꞌ riꞌ pa camíc kumal.

Filipenses 2:17

Pro masqui nincamsax na pro ni ninquicot wiꞌ chakajaꞌ. Como ja yukulbal ecꞌuꞌx ixix jariꞌ caniꞌ jun ofrenda ja netzujuj chwach ja Dios in wi anin nincamsaxi jariꞌ ninoc in caniꞌ jun ofrenda chakajaꞌ, jun ofrenda ja nrachbilaj riꞌ ruqꞌuin ja rofrenda ja netzujuj ixix. Jariꞌ ninquicoti wachꞌalal in ninquicot ewqꞌuin ewanojelal.

Filipenses 2:30

Queriꞌ nbij chewe como arjaꞌ laj cami pro rumac ja samaj xin Cristo. Ma xpokonaj ta xuyaꞌ riꞌ pa camíc chi ntoꞌic, xurjachaꞌ chwe ja rayuda ja xetakto como ma xixcowin ta xinekꞌijlaꞌ ewanojel.

1 Tesalonicenses 2:8

Congana xel kacꞌuꞌx chewij, kabij chewe ja utzlaj tzij xin Jesucristo ja rtakonto ja Dios in ma ruyon tariꞌ pro kayaꞌ kiꞌ pa camíc emwal chi nokcamsaxi. Queriꞌ kaban como congana nixkajoꞌ.

Tito 2:13

In chakajaꞌ ja rutzil xin Dios nucꞌut chikawach chi npi chi na jutij ja Jesucristo, arjaꞌ nimlaj Dios kaxin, arjaꞌ Toꞌonel kaxin. In kotak chic chi ja tok xtipeti congana nim chic rukꞌij triꞌ in camic nokquicoti chi raybexic.

1 Pedro 1:18

Ixix cꞌoli ja xixlokꞌbexi tok xixtotaj chipan ja juleꞌ costumbre ja mta noc wiꞌ ja cꞌutun can chewach cumal ja rewatiꞌt emamaꞌ. Pro bien ewotak chi ma ja ta xixlokꞌbexi ja xa cꞌo qꞌuisic trij caniꞌ tre oro caniꞌ tre plata.

1 Pedro 2:24

Ja Cristo arjaꞌ xrijkaj ja kil kamac chwach cruz. Queriꞌ xuban utzcꞌa chi nokel libre pa rukꞌaꞌ ja il mac in matikaban chic, utzil chic nrajoꞌ chake chi nkaban. Arjaꞌ soctaj pan ecuenta rmalcꞌariꞌ tok xixtzuri.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

1 Juan 2:6

Ja wi cꞌo jun nbij chi arjaꞌ xa jun rbanon chic ruqꞌuin ja Jesucristo jariꞌ ni rjawaxic wiꞌ chi nrcꞌaj jun utzlaj cꞌaslemal ja caniꞌ rcꞌaslemal ja Jesucristo.

1 Juan 2:9

Ja wi cꞌo jun nbij chi arjaꞌ pa sakil chic cꞌo wiꞌ pro wi xa itzel nutzꞌat jun rchꞌalal jariꞌ cꞌa pa kꞌekumal na cꞌo wiꞌ.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.