1 Juan 3:15 - Tz'utujil (Ja Cꞌacꞌa Chominem)

¹⁵ Ja wi xa itzel natzꞌat jun awachꞌalal jariꞌ at jun camsanel. Ixix bien ewotak chi majun camsanel rcꞌan ta ja utzlaj cꞌaslemal ja mta qꞌuisic trij.

Tz'utujil NT

¹⁵ We xitzel natz'et jun awch'alal jara' at jun camsanel. Ixix bien ewutkin che majo'n jun camsanel rc'an ta utzlaj c'aslemal je rxin junlic.

1 Juan 3:15 Iomraidhean Croise

San Mateo 5:28

Pro ja ranin nbij chewe, wi cꞌo jun masqui xa xutzꞌat jun ixok in xyarij kaj pa ranma jariꞌ xuban rij rwiꞌ ja rxjayil pa ranma.

Marcos 6:19

Ja cꞌa Herodías arjaꞌ congana penak ryewal trij ja Juan, nrajoꞌ ta ncamsaj pro maticowini

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Hechos 23:12

Ja cꞌa tok sakari ecꞌo juleꞌ chique ja raj Israel ejeꞌeꞌ quecꞌam quiꞌ chi nquicamsaj ja Pablo, quewaꞌ quibij chibil tak quiꞌ riꞌ: —Puersa nkacamsaj ja Pablo. Jaruꞌ pa tiempo xticꞌaseꞌe ja Pablo ajoj makowaꞌ chic in majun nak ta tikatij chakajaꞌ. Dios ta cꞌa xtibano pokon chake ja wi ma xtikacamsaj ta. Queriꞌ quibij.

Hechos 23:14

Cꞌacꞌariꞌ xebe cuqꞌuin ja jefe quixin sacerdote in cuqꞌuin ja principaliꞌ xin tinamit. Ja tok xeꞌekaj cuqꞌuin quewaꞌ quibij chique riꞌ: —Ajoj kacꞌamon kiꞌ chi nkacamsaj ja Pablo. Puersa nkacamsaj. Jaruꞌ pa tiempo xticꞌaseꞌe ja Pablo ajoj makowaꞌ chic in majun nak ta nkatij chakajaꞌ. Dios ta cꞌa xtibano pokon chake ja wi ma xtikacamsaj ta.

Santiago 1:15

Ja ma utz ta jeꞌe nkayarij kaj pa tak kanma kas pan ekal nqꞌuiyi, tok nqꞌuiswani nalaxi ja il mac pa tak kanma. Ja cꞌa il mac tok qꞌuiynak chic xa camíc rcꞌamonto.

1 Pedro 1:23

Ixix ixalaxnak chic jutij pro ja cꞌacꞌa cꞌaslemal ewcꞌan camic jariꞌ mta qꞌuisic trij, ma junan ta ruqꞌuin ja cꞌaslemal ja yatajnak chewe cumal ja retataꞌ eteꞌ como jariꞌ xa cꞌo camíc trij. Rmal cꞌa ja rtzobal Dios tok ixalaxnak chic jutij. Ja cꞌa rtzobal Dios jariꞌ ma camnak ta rwach, ni cꞌo wiꞌ chijutij.

1 Juan 2:11

Pro wi cꞌo jun xa itzel nutzꞌat jun rchꞌalal jariꞌ ni pa kꞌekumal wiꞌ cꞌo wiꞌ, ja kꞌekumal jariꞌ cꞌayon rxin. Arjaꞌ moyirnak rmal ja kꞌekumal rmalcꞌariꞌ ma rotak ta bar nekaj wiꞌ tre ja rcꞌaslemal.

1 Juan 2:9

Ja wi cꞌo jun nbij chi arjaꞌ pa sakil chic cꞌo wiꞌ pro wi xa itzel nutzꞌat jun rchꞌalal jariꞌ cꞌa pa kꞌekumal na cꞌo wiꞌ.

Apocalipsis 21:8

Pro ja xa nquixbej quiꞌ nqueban chꞌaꞌoj ruqꞌuin ja ritzelal ejeꞌeꞌ nebe chipan ja yaꞌ ja yujun juleꞌ caniꞌ kꞌol ruqꞌuin rmajon cꞌatem, jariꞌ ja rcaꞌmul camíc. In queriꞌ nba̱n chique chakajaꞌ ja ma yukul ta quecꞌuꞌx ruqꞌuin ja Jesucristo in chique ja xa quitzꞌilorsaj ja canma chipan ja ritzelal in chique ja camsanelaꞌ in chique ja banol il mac ja rachiꞌiꞌ cuqꞌuin ixokiꞌ in chique ajꞌitzaꞌ in chique ja nexuqueꞌ chiquewach cachbal tak winak in chwach rachbal tak nakun jeꞌe in chique canojel ja tzꞌakol tak tzij.