1 Juan 3:14 - Tz'utujil (Ja Cꞌacꞌa Chominem)

¹⁴ Ja wi matawajoꞌ awiꞌ jariꞌ atcamnak chwach ja Dios. Ja cꞌa rajoj nekajoꞌ ja kachꞌalal rmalcꞌariꞌ tok kotak chi ma okcamnak chi ta chwach ja Dios, kotak chi okkꞌaxnakpi chic chipan ja camíc in kawilon chic ja utzlaj cꞌaslemal ja mta qꞌuisic trij.

Tz'utujil NT

¹⁴ We mtawajo' awi' jara' atcomnak chwech Dios. Per ajoj nquekajo' kch'alal rmal c'ara' tak kutkin che me okcomnak ta chwech Dios, kutkin che okk'axnak pchic chpam cmic y kawlon chic utzlaj c'aslemal rxin Dios je rxin junlic.

1 Juan 3:14 Iomraidhean Croise

San Mateo 25:40

Ja cꞌa Rey quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok xeꞌetoꞌ ja tak wachꞌalal, anin cꞌariꞌ ja xinetoꞌ. Queriꞌ rbanic masqui xa más sencillo jun ti wachꞌalal ja xetoꞌ. Queriꞌ ja xtibij chic chique.

San Lucas 15:24

Queriꞌ ta cꞌa nkaban como camic xurkaji ja ncꞌajol ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel. Cꞌacꞌariꞌ quemaj rbanic ja nmakꞌij.

San Lucas 15:32

Pro ja camic mta moda ja maquita nkaban jun nmakꞌij, mta moda ja maquita nokquicoti como camic xurkaji ja rachakꞌ leꞌ ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel tre ja nabey winak. Queriꞌ ja cꞌambal tzij ja xbij ja Jesús chique ja fariseo e cachbil ja maestro.

San Lucas 7:5

Como arjaꞌ congana nokrajoꞌ ja rok tinamit Israel. Arjaꞌ banyon ja jay xin molbal riꞌil ja bar nkamol wiꞌ kiꞌ chi rcꞌaxaxic ja rtzobal Dios, xecheꞌ tre.

San Juan 13:35

Ja wi queriꞌ neban wi newajoꞌ ewiꞌ triꞌ cꞌa nixtzꞌa̱t wiꞌ cumal canojelal ja winak chi ni katzij wiꞌ chi ix ndiscípulo, neꞌe ja Jesús.

San Juan 15:12

Caniꞌ nbanon anin chewe nij ixnwajoꞌon wiꞌ queriꞌ cꞌa tebanaꞌ ixix chakajaꞌ tewajoꞌ ewiꞌ, jawaꞌ jun mandamiento nyaꞌ can chewe chi neban.

San Juan 15:17

Nojel awaꞌ ja cꞌa xinbij chewe riꞌ utzcꞌa chi newajoꞌ ewiꞌ.

San Juan 5:24

Bien tecꞌwaxaj ja xtinbij chewe riꞌ, ja wi cꞌo jun winak nuyaꞌ rxquin tre ja ntzobal in wi yukul rucꞌuꞌx ruqꞌuin ja Tatixel ja takyonpi wxin jariꞌ rcꞌan chic ja utzlaj cꞌaslemal ja ni mta wiꞌ qꞌuisic trij in matitakel chipan ja nimlaj rpokonal, arjaꞌ kꞌaxnakpi chic chipan ja camíc, jariꞌ rwilon chic ja utzlaj cꞌaslemal.

2 Corintios 5:1

Ja cꞌa kacuerpo jariꞌ ocnak caniꞌ rochoch ja kanma waweꞌ chwachꞌulew in wi xa nyojtaji jariꞌ bien kotak chi cꞌo chi na jun rochoch ja kanma chilaꞌ chicaj ja nyataj chi na chake rmal ja Dios pro jun jay ja ma winak ta ebanyon in ni mta wiꞌ qꞌuisic trij.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Efesios 1:15

Rmal cꞌa ja cꞌa xinbij kaj chewe riꞌ xajutij nmajon rmaltioxixic tre ja Dios emwal como xurkaj rbixic wqꞌuin chi ixix bien yukul ecꞌuꞌx ruqꞌuin ja kajaw Jesús in congana neꞌewajoꞌ canojel ja kachꞌalal ja re xin Dios. Ni nixnnataj wiꞌ pan oración.

Efesios 2:1

Ja cꞌa rixix nabey ixcamnak chipan ja rewil emac pro arjaꞌ xuyaꞌ jun cꞌacꞌa cꞌaslemal chewe.

Efesios 2:5

Masqui okcamnak chipan ja kil kamac nabey pro ja tok xuyic ja Cristo chipan ja camíc tokoriꞌ xuyaꞌ ajoj chake chi nkachbilaj ja Cristo chipan jun cꞌacꞌa cꞌaslemal. Pro jawaꞌ wariꞌ puro cochinem xin Dios como xa rmal ja rutzil ja xecochij tre chewiꞌ tok ewilon ja totajem xin Dios camic.

Colosenses 1:4

Nkamaltioxij tre como xurkaj rbixic kuqꞌuin chi ja rixix ni yukul wiꞌ ecꞌuꞌx ruqꞌuin ja Cristo Jesús in congana neꞌewajoꞌ canojel ja kachꞌalal ja re tinamit xin Dios.

1 Tesalonicenses 4:9

Camic wachꞌalal, ja tre ja newajoꞌ ewiꞌ jariꞌ ma rjawaxic chi ta nbij chewe como Dios rkꞌalasan chic chewach nak rbanic chi newajoꞌ ewiꞌ.

Hebreos 13:1

Wachꞌalal, ni tewajoꞌ wiꞌ ewiꞌ, maxta temestaj jutzꞌit.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

1 Pedro 3:8

Camic ja nwajoꞌ chewe ewanojelal xta jun neban, xta jun enaꞌoj xta jun ewanma. Titiꞌon chewe wi cꞌo jun kachꞌalal nak xkajbej. Tewajoꞌ ewiꞌ como ewachꞌalal ewiꞌ, tipokonaj riꞌ ewach, maxta teyaꞌ ekꞌij.

2 Pedro 1:7

Lokꞌ queꞌenaꞌaꞌ ja rewachꞌalal. In tiqꞌuejeꞌe tisamaji ja rajoben riꞌil xin Dios pa tak ewanma.

1 Juan 2:3

Ja wi nkanimaj ja mandamiento xin Jesucristo triꞌ nkatzꞌat wiꞌ chi kotak rwach.

1 Juan 3:23

Ja rmandamiento ja Dios quewaꞌ nbij chake riꞌ, tiyukeꞌ kacꞌuꞌx ruqꞌuin ja Jesucristo ja Ralcꞌwal in tikajoꞌ kiꞌ ja caniꞌ bin can chake rmal.

1 Juan 4:12

Ja Dios majun nak ta tzꞌatyon rxin pro wi nkajoꞌ kiꞌ jariꞌ nqꞌuejeꞌ pa tak kanma ja Dios in chakajaꞌ nqꞌuiyi nwachini pa tak kanma ja rajoben riꞌil rxin.

1 Juan 5:13

Anin xintzꞌibajel ja carta riꞌ in ntakel ewqꞌuin ixix ja yukul ecꞌuꞌx ruqꞌuin ja Jesucristo ja Ralcꞌwal Dios. Ja xintzꞌibaj chipan jariꞌ nyabej eseguro chi ixix ewcꞌan chic ja utzlaj cꞌaslemal ja mta qꞌuisic trij.

1 Juan 5:2

Ja wi nkajoꞌ ja Dios in wi nkanimaj ja rmandamiento triꞌ nkatzꞌat wiꞌ chi nekajoꞌ ja ralcꞌwal Dios chakajaꞌ.