1 Juan 3:10 - Tz'utujil (Ja Cꞌacꞌa Chominem)

¹⁰ Waweꞌ nkatzꞌat wiꞌ echinatak ja ralcꞌwal Dios in echinatak ja ralcꞌwal diablo, ja wi ma utz ta ja nqueban in wi maquecajoꞌ ja cachꞌalal ma e ralcꞌwal Dios ta cꞌariꞌ.

Tz'utujil NT

¹⁰ Wawe' nkatz'et wa' e achnak rlec'wal Dios y e achnak rlec'wal diablo, wmajo'n nqueban ta rbeyal rxin Dios y wmajo'n nquecajo' ta kch'alal me e rlec'wal ta Dios c'ara'.

1 Juan 3:10 Iomraidhean Croise

San Mateo 13:38

Ja chenoj jariꞌ ja rwachꞌulew. Ja utzlaj ijaꞌtz jariꞌ ja recꞌo pa rcuenta ja gobierno xin chilaꞌ chicaj. Ja ritzel tijcoꞌm jariꞌ ja recꞌo pa rcuenta ja diablo.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

San Juan 11:52

Pro ma queyon ta ja raj Israel ncam pa quicuenta, arjaꞌ nerumol na chakajaꞌ canojel ja winak ja neꞌoc na e ralcꞌwal Dios ja recꞌo nojel rwachꞌulew utzcꞌa xa jun nuban chique canojelal.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

San Juan 8:47

Ja ralcꞌwal Dios ejeꞌeꞌ nqueyaꞌ quixquin tre ja nbix chique rmal ja Dios pro ja rixix mateyaꞌ ewxquin tre ja nbix chewe rmal como ma ix ralcꞌwal Dios ta chewiꞌ. Queriꞌ xbij ja Jesús chique.

Hechos 13:10

in quewaꞌ xbij tre riꞌ: —Atat xa at banol engaño, xa at itzel achi, xa at ralcꞌwal diablo, ni mta wiꞌ agana ruqꞌuin ja rutzil. ¿Nak cꞌa tre ja tok nachꞌaꞌ ja rtzobal Dios? ¿Nak cꞌa tre ja tok matayaꞌ lugar chique ja winak chi nquinimaj?

Romanos 13:8

Majun nak ta tiqꞌuejeꞌ wiꞌ ecꞌas, tetojoꞌ. Pro ja rajoben riꞌil jariꞌ caniꞌ jun kacꞌas ja ni matitzur wiꞌ rtojic, maxta tetanbaꞌ, ni tewajoꞌ wiꞌ ewiꞌ. Ja cꞌa tok neꞌawajoꞌ ja winak xa ruqꞌuin ariꞌ nabanbej cumplir nojelal ja nbij ja ley xin Dios chawe chi naban.

Efesios 5:1

Como ja Dios xixrucuy chewiꞌ tok nbij chewe, tecꞌamaꞌ ja rejemplo rxin ja Dios como ixix ix chakꞌlaj ralcꞌwal ja Dios.

Colosenses 3:14

Pro cꞌo jun ja más chi na ncꞌatzini chwach nojelal jariꞌ ja rajoben riꞌil como ja tok newajoꞌ ewiꞌ jariꞌ nuban jun chewe in nojel rwach ja rutzil neban rmal.

1 Timoteo 1:5

Ja xintzꞌibaj chawe riꞌ ja ngana anin chi canojel ja kachꞌalal ncajoꞌ ta quiꞌ. In ja nrajoꞌ chi nawajoꞌ awiꞌ quewariꞌ, cꞌo jun utzlaj anma awcꞌan, ni majun nak ta ntiꞌon pan awanma in ni katzij wiꞌ chi cꞌo yukulbal acꞌuꞌx ruqꞌuin ja Dios.

1 Juan 2:29

Ixix bien ewotak chi ni utz wiꞌ rnaꞌoj ja Jesucristo in triꞌ cꞌa newotakij wiꞌ chi canojel ja winak ja ni utz wiꞌ ja nqueban ejeꞌeꞌ riꞌ e ralcꞌwal Dios.

1 Juan 3:1

Janila nokrajoꞌ ja Dios ja Tatixel. Arjaꞌ nbij chake chi ok ralcꞌwal, triꞌ cꞌa nkatzꞌat wiꞌ chi congana nokrajoꞌ in ni katzij wiꞌ chi ok ralcꞌwal. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ matichꞌobtaj cumal janiꞌ rnaꞌoj ja Dios in rmalariꞌ matichꞌobtaj cumal nak kabanic ajoj chakajaꞌ.

1 Juan 3:2

Chakꞌlaj wachꞌalal, anin nbij chewe chi ok ralcꞌwal chic ja Dios camic. Majaꞌn tikꞌalasax chikawach nak kabanic ja tok xkoqꞌuextaji pa jun kꞌij xarwariꞌ kotak chi ja tok xtipi chic jutij ja Jesucristo ajoj nij ok queriꞌ chic triꞌ ja caniꞌ arjaꞌ. Nkatzꞌat na chi utz triꞌ janiꞌ ja kas mero rbanic ja Jesucristo chewiꞌ tok nokoqui ja caniꞌ arjaꞌ.

1 Juan 4:21

Ja mandamiento xin Dios quewaꞌ nbij chake riꞌ: —Ja wi ninewajoꞌ anin rjawaxic chi neꞌewajoꞌ ja rewachꞌalal chakajaꞌ, neꞌe ja Dios chake.

1 Juan 4:6

Pro ja rajoj okcꞌo pa rcuenta ja Dios. Ja winak ja cotak rwach ja Dios ejeꞌeꞌ nel quecꞌuꞌx chi rcꞌaxaxic ja nkabij pro ja ma ecꞌo ta pa rcuenta ja Dios ejeꞌeꞌ maticajoꞌ nquicꞌaxaj ja nkabij. Triꞌ cꞌa nkotakij wiꞌ echinatak ja reꞌucꞌan rmal ja rEspíritu xin Dios, jun Espíritu ja mta tzꞌakoj tzij rcꞌamonto, in echinatak ja reꞌucꞌan rmal ja respíritu xin diablo, jun espíritu ja xa tzꞌakoj tzij rcꞌamonto.

1 Juan 4:8

Ja Dios arjaꞌ ni rcꞌan wiꞌ ja rajoben riꞌil rmalcꞌariꞌ ja tok nbij chewe, ja wi matawajoꞌ awiꞌ jariꞌ ma awotak ta rwach ja Dios.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.

1 Juan 5:2

Ja wi nkajoꞌ ja Dios in wi nkanimaj ja rmandamiento triꞌ nkatzꞌat wiꞌ chi nekajoꞌ ja ralcꞌwal Dios chakajaꞌ.

3 Juan 1:11

Chakꞌlaj walcꞌwal, maxta tacꞌam ja rejemplo ja nbanowi ja ritzelal pro ja nbanowi ja rutzil ja tariꞌ nacꞌam ja rejemplo rxin. Como ja nbanowi ja rutzil jariꞌ ralcꞌwal Dios pro ja nbanowi ja ritzelal jariꞌ xa ma rotak ta rwach ja Dios.