1 Juan 2:6 - Tz'utujil (Ja Cꞌacꞌa Chominem)

⁶ Ja wi cꞌo jun nbij chi arjaꞌ xa jun rbanon chic ruqꞌuin ja Jesucristo jariꞌ ni rjawaxic wiꞌ chi nrcꞌaj jun utzlaj cꞌaslemal ja caniꞌ rcꞌaslemal ja Jesucristo.

Tz'utujil NT

⁶ Wc'ola jun nbij che arja' xjun chic rebnon ruq'uin Jesucristo jara' ne nc'atzin wa' che nc'aj jun utzlaj c'aslemal ajni' rc'aslemal ja' Jesucristo.

1 Juan 2:6 Iomraidhean Croise

San Mateo 11:29

Cꞌoli nyaꞌ anin chi ekul, ja tariꞌ newijkaj in tetijoj ewiꞌ trij ja ncꞌut anin chewach como anin cꞌo npaciencia in cꞌo jun chꞌuchꞌujlaj anma wcꞌan. Ja cꞌa wi newijkaj ja nyaꞌ anin chi ekul jariꞌ nxulaꞌni ja rewíꞌ ewanma rmal.

San Juan 13:15

Jun ejemplo awaꞌ xinyaꞌ chewach riꞌ chi queriꞌ neban ixix chibil tak ewiꞌ ja caniꞌ xinban anin chewe.

San Juan 15:10

Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

1 Corintios 11:1

Ja caniꞌ nbanon anin chique winak wachꞌalal queriꞌ ta cꞌa neban ixix chique chakajaꞌ, tecꞌamaꞌ ja rejemplo wxin como anin chakajaꞌ ncꞌamon ja rejemplo rxin ja Cristo.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

1 Pedro 2:21

Xcꞌa rmalariꞌ tok xixsiqꞌuix rmal ja Dios chi neban ja rutzil in necochꞌ ja rpokonal como queriꞌ xuban ja Cristo chakajaꞌ, arjaꞌ xutij ja rpokonal pan ecuenta. Queriꞌ xuban, xuyaꞌ can jun ejemplo chi queriꞌ neban ixix ja caniꞌ xuban arjaꞌ.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.

1 Juan 2:4

Ja wi cꞌo jun nbij chi arjaꞌ rotak rwach ja Jesucristo pro wi matinimaj ja rmandamiento jariꞌ xa tzꞌakol tzij, mta rtzobal Dios pa ranma.

1 Juan 3:24

Ja wi nanimaj ja rmandamiento ja Dios jariꞌ natqꞌuejeꞌ pa ranma ja Dios in nqꞌuejeꞌe ja Dios pan awanma atat chakajaꞌ. Rmal ja rEspíritu Santo ja ryaꞌon ja Dios chake chewiꞌ tok kotak chi arjaꞌ cꞌo pa tak kanma.

1 Juan 3:6

Ja wi natqꞌuejeꞌ pa ranma ja Jesucristo jariꞌ macatmacuni. Ja cꞌa wi chaka natmacuni jariꞌ ma chꞌobtajnak ta amwal janiꞌ rnaꞌoj ja Jesucristo in nixtacꞌa chꞌobtajnak ta amwal nak rbanic chakajaꞌ.

1 Juan 4:17

Ja wi matikaxbej kiꞌ chwach ja nimlaj kꞌij xin juicio ja tok xtipi chic jutij ja Jesucristo triꞌ nkatzꞌat wiꞌ chi qꞌuiynak chic in wachinnak chic ja rajoben riꞌil xin Dios pa tak kanma. Ajoj cꞌa okcꞌo na waweꞌ chwachꞌulew pro como xa junan chic kanaꞌoj ruqꞌuin ja Jesucristo chewiꞌ tok matikaxbej kiꞌ chwach.