1 Juan 2:24 - Tz'utujil (Ja Cꞌacꞌa Chominem)

²⁴ Rmalcꞌariꞌ tok nbij chewe, teyaꞌaꞌ lugar tre ja utzlaj tijonem ja kas xecꞌwaxajto nabey chi nqꞌuejeꞌ pa tak ewanma. Ja wi queriꞌ xteban jariꞌ nixqꞌuejeꞌ pa ranma ja Ralcꞌwalaxel in pa ranma ja Tatixel chakajaꞌ.

Tz'utujil NT

²⁴ Rmal c'ara' tak quenbij chewa, tey-a' c'as tzra utzlaj tijonem jxewc'axaj ta nabey che nec'je'a ptak ewanm. Wcara' xteban jara' nquixec'je'a pranm Rlec'walxel y pranm Ttixel chka'.

1 Juan 2:24 Iomraidhean Croise

San Lucas 1:2

Ja quitzꞌiban ni junan ruqꞌuin ja bix chake ajoj cumal ja xetzꞌatowi nojel ja nimlaj samaj ja xuban can ja Jesús in chakajaꞌ ejeꞌeꞌ quechꞌob chiquewach ja winak ja utzlaj tzij xin Jesús.

San Lucas 9:44

—Kas toc pan ewxquin ja xtinbij chewe riꞌ. Ja Ralcꞌwalaxel ja xoc alaxic cuqꞌuin ja winak arjaꞌ nja̱ch na pa quekꞌaꞌ ja winak, neꞌ chique.

San Juan 14:23

—Ja winak wi ni katzij wiꞌ chi nincajoꞌ nquinimaj cꞌariꞌ ja ntzobal. Ja wi queriꞌ nqueban neꞌajoꞌx cꞌariꞌ rmal ja Nataꞌ, ok caꞌiꞌ ruqꞌuin ja Nataꞌ nokekaj cuqꞌuin in noqui ja canma como kochoch in nokqꞌuejeꞌ chipan.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 6:56

Ja netijowi ja ncuerpo rachbil ja nquiqꞌuel ejeꞌeꞌ neqꞌuejeꞌ pa wanma anin in anin chakajaꞌ ninqꞌuejeꞌ pa tak canma ejeꞌeꞌ.

San Juan 8:25

—¿Nak cꞌa ja ratat? xecheꞌ tre. —Ja rinocnak wiꞌ anin nij in quirwariꞌ ja caniꞌ nbinto chewe nabey.

Filipenses 4:15

Ja tok kas nabey xenyaꞌaꞌ rbixic ja utzlaj tzij xin Jesucristo in tok xinel chipan ja departamento Macedonia bien ewotak wachꞌalal chi eyon ixix ja rixcꞌo pa Filipos xeyaꞌ jun ayuda chwe no juleꞌ chic kachꞌalal ja recꞌo chipan ja juleꞌ chic iglesia ma queriꞌ ta queban chwe.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

Hebreos 2:1

Janila nim rukꞌij ja Ralcꞌwal Dios rmalcꞌariꞌ congana rjawaxic chi más na nkayaꞌ kaxquin tre ja utzlaj tzij ja rcꞌamonto chake, maquita nkayaꞌ can jutzꞌit.

Hebreos 3:14

Caniꞌ kabanonto ja kas nabey yukul kacꞌuꞌx ruqꞌuin ja Jesucristo, ja cꞌa wi ni cow wiꞌ xkopeꞌi chi ryukbaxic kacꞌuꞌx ruqꞌuin, ja wi ni matikayaꞌ can wiꞌ jariꞌ ni katzij wiꞌ chi xa jun kabanon ruqꞌuin.

1 Juan 1:3

Ja katzꞌaton in ja kacꞌaxan jariꞌ nkayaꞌ rbixic chewe utzcꞌa chi ixix jun nixquicot kuqꞌuin rmal como xa jun kabanon ruqꞌuin ja Dios ja Tatixel in chakajaꞌ xa jun kabanon ruqꞌuin ja Jesucristo ja Ralcꞌwal.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 2:7

Wachꞌalal, ja ntzꞌibajel chewe riꞌ ma jun cꞌacꞌa mandamiento ta, jawaꞌ jun ojer mandamiento ecꞌwaxan chic ja kas yaꞌto chewe nabey, jariꞌ chi nawajoꞌ awiꞌ.

1 Juan 3:24

Ja wi nanimaj ja rmandamiento ja Dios jariꞌ natqꞌuejeꞌ pa ranma ja Dios in nqꞌuejeꞌe ja Dios pan awanma atat chakajaꞌ. Rmal ja rEspíritu Santo ja ryaꞌon ja Dios chake chewiꞌ tok kotak chi arjaꞌ cꞌo pa tak kanma.

1 Juan 4:13

Ja Dios ryaꞌonto chake ja rEspíritu rxin, triꞌ cꞌa nkatzꞌat wiꞌ chi okcꞌo pa ranma in arjaꞌ chakajaꞌ cꞌo pa tak kanma.

1 Juan 4:15

Canojel ja winak ja nebini chi Jesús arjaꞌ Ralcꞌwal Dios ejeꞌeꞌ riꞌ cꞌoli pa tak canma ja Dios in ejeꞌeꞌ chakajaꞌ ecꞌo pa ranma ja Dios.

1 Juan 4:16

Ajoj kotak chi ja Dios nokrajoꞌ, yukul kacꞌuꞌx ruqꞌuin ja rajoben riꞌil rcꞌan. Ja Dios ni rxin wiꞌ ni rcꞌan wiꞌ ja rajoben riꞌil. Kanojelal ja kucꞌan chic ja rajoben riꞌil xin Dios jariꞌ okcꞌo pa ranma ja Dios in queriꞌ chake ajoj chakajaꞌ cꞌoli ja Dios pa tak kanma.

2 Juan 1:2

Rumac ja utzlaj tijonem ja rcꞌamonto ja Jesucristo chewiꞌ tok nixwajoꞌ, jariꞌ tijonem cꞌo chic pa tak kanma in mta ariꞌ ja maquita xtiqꞌuejeꞌ kuqꞌuin.

2 Juan 1:9

Ja tijonem xin Cristo ja wi cꞌo jun xa ncꞌotsaj rwiꞌ in wi xa nuyaꞌ can jariꞌ mta Dios pa ranma. Ja cꞌa wi ni matayaꞌ can wiꞌ ja tijonem xin Cristo jariꞌ cꞌoli ja Tatixel chipan ja rawanma rachbil ja Ralcꞌwalaxel.

3 Juan 1:3

Queriꞌ nbij chawe como ecꞌo juleꞌ chique ja kachꞌalal xurquibij chwe ja rabanon in congana xinquicoti ja tok quibij chwe chi atat nij awcꞌan wiꞌ ja tijonem xin Jesucristo pan awanma, quibij chwe chi nij amajon wiꞌ rcojic ja tijonem xin Jesucristo pan acꞌaslemal.

Apocalipsis 3:11

Bien tecꞌwaxaj, anin ninbe chic jutij chwachꞌulew chanim, tebanaꞌ cuenta ja yatajnak chic chewe utzcꞌa chi ni majun nak ta xtilasan ta chewe ja recorona.

Apocalipsis 3:3

Rmalcꞌariꞌ nbij chewe, kas turkaj chewe ja utzlaj tijonem ja cꞌutunto chewach nabey in xeyaꞌ ewxquin tre. Camic, ni jaꞌ wiꞌ tijonem tenimaj in teqꞌuexaꞌ ja renaꞌoj. Nowi maquixcꞌascꞌoti, can ninbe ewqꞌuin pro ma ewotak ta nak hora xquinekaji caniꞌ nuban jun alakꞌom ja ni majun otakyon nak hora tok nekaji.