1 Juan 2:22 - Tz'utujil (Ja Cꞌacꞌa Chominem)

²² Anin nbij chewe chi xa e tzꞌakol tak tzij ja winak ja nebini chi ja Jesús ma arjaꞌ ta ja Cristo ja Ralcꞌwal Dios. Ejeꞌeꞌ cꞌariꞌ e rcꞌulel ja Cristo, nquibij chi ja Dios ma Tatixel ta in nquibij chakajaꞌ chi ja Jesús ma Alcꞌwalaxel ta.

Tz'utujil NT

²² Anen quenbij chewa che xe e tz'koy tak tzij wnak je nquebina che Jesús mja' ta Cristo je Rlec'wal Dios. J-e' c'ara' je nquetzelana rxin Cristo, necbij che Dios me Ttixel ta y necbij chka' che Jesús me Alc'walxel ta.

1 Juan 2:22 Iomraidhean Croise

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 24:5

Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, in e qꞌuiy ja winak ja xquequeban engañar.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

1 Juan 1:6

Ja wi nkabij chi xa jun kabanon ruqꞌuin ja Dios pro wi kꞌekumal cꞌayon kaxin jariꞌ xa ok tzꞌakol tak tzij in ni kꞌalaj wiꞌ chi matikanimaj ja utzlaj tzij xin Jesucristo.

1 Juan 2:18

Chakꞌlaj walcꞌwal, anin nbij chewe chi xurwilaꞌ ja qꞌuisbal tiempo. Ixix ecꞌwaxan chic chi npi na ja rcꞌulel ja Cristo in camic e qꞌuiy ja rcꞌulel epenak chic chewiꞌ tok kotak chi xurwilaꞌ ja qꞌuisbal tiempo.

1 Juan 2:23

Ja winak ja nebini chi ja Jesús ma Alcꞌwalaxel ta jariꞌ mta ja Dios Tatixel pa tak canma pro ja nebini chi Alcꞌwalaxel jariꞌ cꞌoli ja Dios Tatixel pa tak canma.

1 Juan 2:4

Ja wi cꞌo jun nbij chi arjaꞌ rotak rwach ja Jesucristo pro wi matinimaj ja rmandamiento jariꞌ xa tzꞌakol tzij, mta rtzobal Dios pa ranma.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

1 Juan 4:3

Pro ja nebini chi ja Jesucristo ma xoc ta kach winak ejeꞌeꞌ riꞌ ja ma Espíritu xin Dios ta ecꞌayon. Junwiꞌ chi na chi espíritu cꞌayon quixin, jariꞌ espíritu xa rcꞌulel ja Cristo. Jariꞌ espíritu ecꞌwaxan chic chi npi na pro camic cꞌo chic waweꞌ chwachꞌulew.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

2 Juan 1:7

Queriꞌ nbij chawe como e qꞌuiy ja banol tak engaño ja reꞌelnak chic, ebenak cuqꞌuin ja winak ja xa ruqꞌuin rwachꞌulew yukul wiꞌ quecꞌuꞌx, ejeꞌeꞌ nquipokonaj nquibij chi xoc kach winak ja Jesucristo ja tok peti waweꞌ chwachꞌulew. Xa nak ta ja nbano queriꞌ arjaꞌ banol engaño in xa rcꞌulel ja Cristo.

Judas 1:4

Queriꞌ nbij chewe como ecꞌoli ja rachiꞌiꞌ kas pan ekal eꞌocnak checojol in ejeꞌeꞌ riꞌ tzꞌibtal can ojer chique chipan ja rtzobal Dios chi cꞌol awaꞌ jun nimlaj juicio cajal chiquewach ja caniꞌ xtinchꞌob chewach riꞌ. Ejeꞌeꞌ xa e itzel tak winak, ja rutzil rxin ja katataꞌ Dios ejeꞌeꞌ xa nqueqꞌuex rbixic: —Tebanaꞌ nak cꞌol egana neban, ja Dios arjaꞌ nixrucuy, necheꞌe. Ja quicꞌaslemal jariꞌ ncꞌutuwi chi matiquinimaj ja Dios ja Jefe kaxin in ni xarwariꞌ jun ja kajefe, in matiquinimaj ja kajaw Jesucristo.

Apocalipsis 3:9

Bien tecꞌwaxaj, ja winak ja xa jun molbal riꞌil xin Satanás eꞌocnak wiꞌ ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj, xa e tzꞌakol tak tzij, tetzꞌataꞌ mpeꞌ ja xtinban chique, puersa nepi na ewqꞌuin, nenkajsaj na, neꞌurjupeꞌ na chewach in ncotakij na chi anin nixwajoꞌ.