1 Juan 2:21 - Tz'utujil (Ja Cꞌacꞌa Chominem)

²¹ Anin ntzꞌibajel ja carta chewe riꞌ pro ma rmal ta chi majaꞌn tichꞌobtaj emwal nak rbanic ja utzlaj tzij pro como chꞌobtajnak chic emwal chewiꞌ tok ntzꞌibajel chewe. Ixix bien ewotak chi ja tzꞌakoj tzij ni matucꞌam wiꞌ riꞌ ruqꞌuin ja utzlaj tzij xin Jesucristo.

Tz'utujil NT

²¹ Anen quentz'ibaj ela jawra carta chewa per me rmal ta che q'uemjana tch'obtaja ewmal nak rbanic utzlaj tzij, per com ch'obtanak chic ewmal rmal c'ara' tak quentz'ibaj ela chewa. Ixix bien ewutkin che nmajo'n nuc'om ta ri' tz'koj tzij ruq'uin utzlaj tzij rxin Jesucristo.

1 Juan 2:21 Iomraidhean Croise

San Juan 18:37

—¿La katzij chi at rey? neꞌe ja Pilato tre. Ja cꞌa Jesús xbij chic tre: —In rey nacꞌa caniꞌ cꞌa xabij kaj, xcꞌa rmalariꞌ tok inpenak waweꞌ chwachꞌulew, xcꞌa rmalariꞌ chakajaꞌ tok xinalaxi. Inpenak chi rkꞌalasaxic chiquewach ja winak nak ja kas mero rbey Dios. Canojel ja winak ja cꞌo quigana ruqꞌuin ja rbey Dios ejeꞌeꞌ nqueyaꞌ quixquin tre chi rcꞌaxaxic ja nmajon rbixic chique, neꞌ tre.

San Juan 8:44

Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Santiago 1:19

Chakꞌlaj wachꞌalal, más na ncꞌatzin chake chi nkayaꞌ kaxquin tre ja nbix chake chwach ja maxcoꞌ noktzijoni, in maxta ma cꞌayew ta tipit ewayewal.

2 Pedro 1:12

Rmalcꞌariꞌ tok ni nnataj wiꞌ chewe nojel ja xintzꞌibaj riꞌ. Queriꞌ nban masqui ewotak chic in masqui cowirnak chic ewiꞌ ewanma chipan ja utzlaj tzij eniman ja rcꞌamonto ja Jesucristo.

1 Juan 3:19

Ja wi ni katzij wiꞌ chi nkajoꞌ kiꞌ triꞌ nkotakij wiꞌ chi ja Dios okcꞌayon. In jun chic, masqui ntiꞌoni ja kanma rmal ja ma utz ta kabanon pro wi cꞌoli ja rajoben riꞌil xin Dios chake xa rmalariꞌ tok nquicoti ja kanma chwa Dios in matitiꞌon chic. Queriꞌ rbanic como ja Dios arjaꞌ más chi na nim rukꞌij, cꞌo rukꞌaꞌ tre ja kanma in nojel rotak.

Judas 1:5

Pro ja camic nwajoꞌ nnataj chewe ja juicio ja kaj chiquij ja tinamit ja xetotajto pan Egipto ojer. Ixix bien ewotak nojel awaꞌ ja xtinbij chewe riꞌ. Ja kajaw Dios tok xetotajto ja tinamit rmal, arjaꞌ xercamsaj na ja recꞌo chiquicojol ja ni ma xyukeꞌ ta wiꞌ quecꞌuꞌx ruqꞌuin.