1 Juan 2:19 - Tz'utujil (Ja Cꞌacꞌa Chominem)

¹⁹ Ejeꞌeꞌ riꞌ winak ja xeꞌelel chikacojol in xokqueyaꞌ can, bien kꞌalaj chi ma e kachbil ta. Ja wixta e kachbil maquita xokqueyaꞌ can ariꞌ. Ma chaka ta xeꞌeli, triꞌ ntzꞌa̱t wiꞌ chi ni majun chique kachbil ta.

Tz'utujil NT

¹⁹ J-era' wnak jxe'el ela chkacjol y xokqueya' cana, arj-e' bien k'alaj che me e kaxbil ta. Wexte e kaxbil mquita xokqueya' cnara'. Mchek tcara' xe'el ela com tzra' ntz'e't wa' che next jun chca e kaxbil ta.

1 Juan 2:19 Iomraidhean Croise

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

Marcos 13:22

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Lucas 8:13

Ja kaji ja bar cꞌo wiꞌ abaj jariꞌ tibij tzij chi ecꞌoli winak ja nquicꞌaxaj ja rtzobal Dios in nquinimaj, congana nequicot rmal. Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo xa nqueyaꞌ can.

San Juan 15:2

Arjaꞌ nkupijel ja rkꞌaꞌ uva nojelal ja mta rwach nuyaꞌ, ejeꞌeꞌ cꞌariꞌ ja winak ja chaka ecꞌoloc wqꞌuin. Pro ja rkꞌaꞌ uva ja nwachini jariꞌ njoskꞌix rmal ja Nataꞌ utzcꞌa chi nwachin más.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

Hechos 15:24

Kachꞌalal, xurkaj rbixic kuqꞌuin chi ecꞌo juleꞌ achiꞌiꞌ ja xeꞌelel chikacojol, xebe ewqꞌuin xequibij chewe chi rjawaxic chi nixban circuncidar in puersa nenimaj ja ley xin Dios ja tzꞌibtal can rmal ja Moisés. Queriꞌ quibij chewe, quicapujsaj ecꞌuꞌx in quesach enaꞌoj. Pro kachꞌalal, ma ajoj ta xoktakoꞌel quixin.

Hechos 20:30

In cꞌuluto ecꞌo juleꞌ achiꞌiꞌ ja recꞌo checojol camic ejeꞌeꞌ neyictaj na in nquemaj quitijoxic ja kachꞌalal tre juleꞌ itzel tak tijonem, nquicanoj nak nqueban chi nquecoj quiꞌ ja kachꞌalal cuqꞌuin.

Romanos 9:6

Como e qꞌuiy chique ja ma quiwilon ta ja totajem xin Dios ¿la tibij cꞌa tzij ariꞌ chi ja Dios ma rbanon ta cumplir ja rtzujunto chique chipan ja rtzobal? Ma queriꞌ ta como ma canojel ta ja raj Israel ja ni katzij wiꞌ chi e aj Israel chwach ja Dios.

1 Corintios 11:19

Nnimaj como cꞌo jeꞌe división nbantaj na checojol utzcꞌa chi nixcꞌambajaxi utzcꞌa chi bien nkꞌalajin na echinatak chewe ja kas katzij chi ncajoꞌ ja Dios.

2 Timoteo 2:10

In cumal ja rechaꞌon rmal ja Dios anin ncochꞌ nojel ja rpokonal utzcꞌa chi ejeꞌeꞌ nquewil ja totajem ja rcꞌamonto ja Cristo Jesús chake ja yukul kacꞌuꞌx ruqꞌuin utzcꞌa chi nyataj na chique ja gloria xin chilaꞌ chicaj pro ni chijutij.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

2 Timoteo 3:9

Pro ma chijutij ta nenimax cumal ja winak, xa neya̱ꞌ can in canojel ja winak xtiqueyaꞌ cuenta chique chi ja tijonem nqueyaꞌ mta noc wiꞌ in mta rcꞌamonto caniꞌ ban chique ja Janes in Jambres ojer.

Hebreos 10:39

Ja cꞌa rajoj wachꞌalal ma ok cachbil ta ja xa nemeloj can chiquij ja matiyataj chique chi nequiwilaꞌ ja totajem rxin ja Dios. Ajoj ok cachbil ja cꞌo yukulbal quecꞌuꞌx ruqꞌuin ja Dios in noktotaji chijutij rmal.

2 Juan 1:7

Queriꞌ nbij chawe como e qꞌuiy ja banol tak engaño ja reꞌelnak chic, ebenak cuqꞌuin ja winak ja xa ruqꞌuin rwachꞌulew yukul wiꞌ quecꞌuꞌx, ejeꞌeꞌ nquipokonaj nquibij chi xoc kach winak ja Jesucristo ja tok peti waweꞌ chwachꞌulew. Xa nak ta ja nbano queriꞌ arjaꞌ banol engaño in xa rcꞌulel ja Cristo.

Judas 1:1

Anin in Judas, in ajsamajel rxin ja Jesucristo, in rchꞌalal ja Jacobo. Anin ntzꞌibaj ja carta chewe riꞌ ja rixsiqꞌuin rmal ja Dios, ja rixchaꞌon rmal ja Dios ja Tatixel chi ixocnak ix tinamit rxin, ja bien ixbanon cuenta rmal ja Jesucristo rumac ja xa jun ebanon ruqꞌuin.

Judas 1:19

Jariꞌ achiꞌiꞌ ejeꞌeꞌ xa e banol tak división, xa jariꞌ nqueban ja nak cꞌo quigana nqueban, mta ja rEspíritu Santo pa tak canma.