1 Juan 2:18 - Tz'utujil (Ja Cꞌacꞌa Chominem)

¹⁸ Chakꞌlaj walcꞌwal, anin nbij chewe chi xurwilaꞌ ja qꞌuisbal tiempo. Ixix ecꞌwaxan chic chi npi na ja rcꞌulel ja Cristo in camic e qꞌuiy ja rcꞌulel epenak chic chewiꞌ tok kotak chi xurwilaꞌ ja qꞌuisbal tiempo.

Tz'utujil NT

¹⁸ Quilaj wlec'wal, anen quenbij chewa che xerla' q'uisbal tiemp. Ixix ewc'axan chic che npe na je ntzelna rxin Cristo y camic e q'uiy nquetzelana rxin epenak chic rmal c'ara' tak kutkin chic che xerla' q'uisbal tiemp.

1 Juan 2:18 Iomraidhean Croise

San Mateo 24:11

In e qꞌuiy ja winak ja newinakar na e profeta necheꞌxi, pro ma katzij ta chi e profeta in e qꞌuiy ja winak ja xquequeban engañar.

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 24:5

Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, in e qꞌuiy ja winak ja xquequeban engañar.

Marcos 13:6

Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, in e qꞌuiy ja winak xquequeban engañar.

San Juan 21:5

Ja cꞌa Jesús quewaꞌ xbij chique riꞌ: —Walcꞌwal ¿la ma ecꞌo ta chꞌuꞌ eꞌechapon nekatiꞌ? neꞌ nojoj chique. —Ni majun, xecheꞌpi tre.

Romanos 13:11

Ni rjawaxic wiꞌ chi nkanimaj ja caniꞌ nmajon rbixic chewe como ixix bien ewotak chi ja tiempo ja rokcꞌo wiꞌ riꞌ tiempo chic chi nokcꞌasoji in nokcꞌascꞌoti. Queriꞌ nbij chewe como cꞌo chic tiempo kaniman ja Toꞌonel kaxin in xa nnakajinto ja kꞌij tok xtipi chic jutij chi nokrutoꞌ pro ni chijutij.

Romanos 13:12

Ntajini nqꞌuisi ja tiempo rxin ja kꞌekumal ja rcꞌan itzelal in xajalal majaꞌn telto ja kꞌij. Rmalcꞌariꞌ nbij chewe, kayaꞌaꞌ can ja banoj itzelal. Ja nkaban, ni ta ja wiꞌ ja sakil xin Dios xtucꞌan kaxin chi nokcowini nkachꞌec ja ritzelal.

Hebreos 1:2

Pro ja rbanon ja Dios camic chipan awaꞌ qꞌuisbal tak kꞌij rxin ja tiempo ja rokcꞌo wiꞌ riꞌ xucoj ja Ralcꞌwal chi arjaꞌ kꞌalasan chikawach ajoj janiꞌ ja rnaꞌoj. Xuyaꞌ tre ja Ralcꞌwal chi mta nak ta ja maquita noc na pa rukꞌaꞌ in xucoj ja Ralcꞌwal chakajaꞌ chi arjaꞌ winakarsani ja caj in rwachꞌulew.

1 Pedro 1:20

Ja Dios tok majaꞌn tiwinakarsaj ja rwachꞌulew arjaꞌ rchominto chic chi nba̱n na sacrificar ja Cristo. Pro jariꞌ ma xbantaj ta chanim, cꞌa jawaꞌ xurbantaji chipan ja qꞌuisbal tiempo ja rokcꞌo wiꞌ riꞌ. Ja cꞌariꞌ xuban ja Dios pan ecuenta.

1 Pedro 1:5

Ja herencia ewxin ixix ja yukul ecꞌuꞌx ruqꞌuin ja Jesucristo in rmal ja yukulbal ecꞌuꞌx tok Dios nixrchajij chi utz. Arjaꞌ ni matuyaꞌ can wiꞌ ja rechajixic in nerilaꞌ na jun kꞌij ja tok xquixtotaji chijutij. Ja retoꞌic chomarsan chic rmal ja Dios jariꞌ nkꞌalajin na ja tok xterilaꞌ ja qꞌuisbal kꞌij xin rwachꞌulew.

1 Pedro 4:7

Nnakajinto ja qꞌuisbal rwachꞌulew rmalariꞌ tok nbij chewe, techꞌoboꞌ chi utz ja neban, quixcꞌascꞌoti, ni ta neban wiꞌ ja roración.

2 Pedro 2:1

Pro ecꞌoli ja profeta ojer chakajaꞌ chiquicojol ja tinamit Israel ja ma Dios ta takyonto quixin in queriꞌ chewe ixix chakajaꞌ newinakar na checojol juleꞌ maestro pro ma katzij ta chi tijonem xin Dios ja nqueyaꞌ. Ejeꞌeꞌ pan awatali xtiquecoj ja ritzel tak tijonem chicojol ja rtzobal Dios, ja cꞌariꞌ tijonem xtiqueyaꞌ xa nyojtaji ja recꞌaslemal rmal. Ejeꞌeꞌ riꞌ winak matiquinimaj chic chi ja Jesucristo xutoj ja quil quemac. Jariꞌ jun nimlaj juicio nquisiqꞌuij chiquij pro mta quinaben ja tok xtikaj chiquij.

2 Pedro 3:3

Congana rjawaxic chi nchꞌobtaj emwal chi ja pa rqꞌuisbal tak kꞌij ecꞌoli winak ja nepi na xa e yokꞌonelaꞌ, xa nqueyaꞌ quiꞌ tre ja ritzel tak yarinem ja cꞌo pa tak canma.

1 Juan 2:22

Anin nbij chewe chi xa e tzꞌakol tak tzij ja winak ja nebini chi ja Jesús ma arjaꞌ ta ja Cristo ja Ralcꞌwal Dios. Ejeꞌeꞌ cꞌariꞌ e rcꞌulel ja Cristo, nquibij chi ja Dios ma Tatixel ta in nquibij chakajaꞌ chi ja Jesús ma Alcꞌwalaxel ta.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.

1 Juan 4:3

Pro ja nebini chi ja Jesucristo ma xoc ta kach winak ejeꞌeꞌ riꞌ ja ma Espíritu xin Dios ta ecꞌayon. Junwiꞌ chi na chi espíritu cꞌayon quixin, jariꞌ espíritu xa rcꞌulel ja Cristo. Jariꞌ espíritu ecꞌwaxan chic chi npi na pro camic cꞌo chic waweꞌ chwachꞌulew.

2 Juan 1:7

Queriꞌ nbij chawe como e qꞌuiy ja banol tak engaño ja reꞌelnak chic, ebenak cuqꞌuin ja winak ja xa ruqꞌuin rwachꞌulew yukul wiꞌ quecꞌuꞌx, ejeꞌeꞌ nquipokonaj nquibij chi xoc kach winak ja Jesucristo ja tok peti waweꞌ chwachꞌulew. Xa nak ta ja nbano queriꞌ arjaꞌ banol engaño in xa rcꞌulel ja Cristo.

Judas 1:18

quewaꞌ ja quibin riꞌ: —Ja chipan ja qꞌuisbal tak kꞌij ecꞌoli ja yokꞌonelaꞌ newinakar na, ejeꞌeꞌ xa jaꞌ nqueyaꞌ rgana ja ritzelal ja ncꞌutuj ja quicuerpo, queriꞌ ja quibin.