1 Juan 2:14 - Tz'utujil (Ja Cꞌacꞌa Chominem)

¹⁴ In chewe ixix ja rix rijaꞌ, ewotak rwach ja Ralcꞌwalaxel ja ni cꞌo wiꞌ ja tok tzꞌucarsaxto ja rwachꞌulew in rmalariꞌ xintakel ja carta chewe. In chewe ixix ja rix cꞌajolaꞌ, ixix ixcowirnak chipan ja rtzobal Dios in ni cꞌo wiꞌ ja rtzobal pa tak ewanma in chakajaꞌ xixcowin trij ja diablo xechꞌec in rmalariꞌ xintakel ja carta chewe.

Tz'utujil NT

¹⁴ Y chewa ixix ja ix rija', ewutkin rwech Rlec'walxel je nc'o wa' tak xwankersasa rwech ruch'lew, y rmal c'ara' xentz'ibaj jawra carta chewa. Y chewa ixix je ix c'jola' ixcwernak chpam rtzojbal Dios y nc'ola rtzojbal ptak ewanm y chka' xech'ec diablo, rmal c'ara' xentz'ibaj jawra carta chewa.

1 Juan 2:14 Iomraidhean Croise

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 5:38

In chakajaꞌ ma eyaꞌon ta lugar tre ja rtzobal chi ocnak ta pa tak ewanma. Ni kꞌalaj wiꞌ chi ma eyaꞌon ta lugar tre como arjaꞌ takyonto wxin in ixix ni majun egana xtiyukeꞌ ta ecꞌuꞌx wqꞌuin.

San Juan 8:31

Cꞌacꞌariꞌ xumaj tzij cuqꞌuin ja raj Israel ja yukeꞌ quecꞌuꞌx ruqꞌuin, quewaꞌ xbij chique riꞌ: —Ja wi xajutij nixqꞌuejeꞌ chipan ja ntzobal jariꞌ ni katzij wiꞌ chi ix ndiscípulo.

San Juan 8:37

Anin wotak chi ix riy rumam can ja rAbraham pro masqui ix riy rumam can pro emajon rcanoxic wij nwach nak neban chwe chi ninecamsaj. Queriꞌ cꞌa neban como mateyaꞌ lugar tre ja ntzobal chi nqꞌuiy más pa tak ewanma.

Efesios 6:10

Wachꞌalal, jawaꞌ qꞌuisbal paxbanem nyaꞌ chewe riꞌ, cow quixpeꞌi pa rubiꞌ ja kajaw Jesucristo, tecojoꞌ ja nimlaj poder ja nuyaꞌ.

Filipenses 4:13

Ja Cristo arjaꞌ nyowi wachokꞌakꞌ in rmalariꞌ nojel nincowini ncochꞌ xa nak ta npi chwij.

Colosenses 1:11

Dios ta xtiyoꞌ chewe chi congana ewachokꞌakꞌ, xtoc ta chewe ja nimlaj poder ja cꞌo ruqꞌuin pa gloria utzcꞌa chi ni matiqꞌuis wiꞌ ja repaciencia utzcꞌa chi nixcowini necochꞌ xa nak ta newil chipan ja recꞌaslemal pro ruqꞌuin ta quicotemal.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

2 Timoteo 2:1

In atat ncꞌajol, tacochꞌoꞌ awach chipan ja rutzil xin Dios ja rcꞌamonto ja Jesucristo.

Hebreos 8:10

Ja tok xterilaꞌ ja tiempo anin cꞌo chi na jun ja chominem ja nchomarsaj na cuqꞌuin ja riy rumam can ja rIsrael in quewaꞌ rbanic riꞌ. Ja ley ja xquenbanbej mandar jariꞌ pa tak quewiꞌ xtincoj wiꞌ in xtintzꞌibaj pa tak canma chakajaꞌ. Anin in Dios quixin in ejeꞌeꞌ e ntinamit.

1 Juan 1:1

Jawaꞌ jun carta ja nkatakel chewe riꞌ rcꞌamonto nak rbanic ja Ralcꞌwal Dios ja Yoꞌl utzlaj cꞌaslemal ja mta qꞌuisic trij, arjaꞌ xurkꞌalasani janiꞌ rnaꞌoj ja Dios. Ja Ralcꞌwal Dios arjaꞌ ni cꞌo wiꞌ ja tok tzꞌucarsaxto ja rwachꞌulew. Ajoj katzꞌat ruqꞌuin kawach, kacꞌaxaj ja xbij, katzꞌat janiꞌ ja rcꞌaslemal, kachap ruqꞌuin kakꞌaꞌ.

1 Juan 1:10

Ja cꞌa wi nkabij chi mta ja il mac kabanon jariꞌ xa caniꞌ tzꞌakol tzij nkacoj wiꞌ ja Dios. Ja wi queriꞌ nkabij jariꞌ ni kꞌalaj wiꞌ chi ma kacojon ta ja rtzobal Dios pa tak kanma.

1 Juan 2:13

In chewe ixix ja rix rijaꞌ, ixix ewotak rwach ja Ralcꞌwalaxel ja ni cꞌo wiꞌ ja tok tzꞌucarsaxto ja rwachꞌulew in rmalariꞌ ntakel ja carta chewe. In chewe ixix ja rix cꞌajolaꞌ, ixix xixcowin trij ja diablo xechꞌec in rmalariꞌ ntakel ja carta chewe. Chakꞌlaj walcꞌwal, ewotak rwach ja Tatixel in rmalariꞌ xintakel ja carta chewe.

2 Juan 1:2

Rumac ja utzlaj tijonem ja rcꞌamonto ja Jesucristo chewiꞌ tok nixwajoꞌ, jariꞌ tijonem cꞌo chic pa tak kanma in mta ariꞌ ja maquita xtiqꞌuejeꞌ kuqꞌuin.

3 Juan 1:3

Queriꞌ nbij chawe como ecꞌo juleꞌ chique ja kachꞌalal xurquibij chwe ja rabanon in congana xinquicoti ja tok quibij chwe chi atat nij awcꞌan wiꞌ ja tijonem xin Jesucristo pan awanma, quibij chwe chi nij amajon wiꞌ rcojic ja tijonem xin Jesucristo pan acꞌaslemal.

Apocalipsis 2:3

Ecochꞌon ja penak jeꞌe chewij in cꞌol epaciencia chi rcochꞌic in mwal anin congana ixsamajnak pro ni ma capujnak ta wiꞌ ecꞌuꞌx.

Apocalipsis 2:7

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij rwach ja cheꞌ ja rcꞌamonto ja utzlaj cꞌaslemal ja mta qꞌuisic trij. Jariꞌ cheꞌ ja cꞌo pa nicꞌaj tre ja lugar paraíso ja bar cꞌo wiꞌ ja Dios. Queriꞌ ja natzꞌibajel tre ja ángel rxin ja riglesia ja cꞌo pa Efeso, neꞌ chwe.