1 Juan 2:11 - Tz'utujil (Ja Cꞌacꞌa Chominem)

¹¹ Pro wi cꞌo jun xa itzel nutzꞌat jun rchꞌalal jariꞌ ni pa kꞌekumal wiꞌ cꞌo wiꞌ, ja kꞌekumal jariꞌ cꞌayon rxin. Arjaꞌ moyirnak rmal ja kꞌekumal rmalcꞌariꞌ ma rotak ta bar nekaj wiꞌ tre ja rcꞌaslemal.

Tz'utujil NT

¹¹ Per wc'ola jun xitzel nutz'et jun rch'alal jara' ne pk'ejku'm c'o wa', k'ejkumal c'ayona rxin. Arja' ocnak moy rmal k'ejkumal, rmal c'ara' majo'n rutkin ta abar nekaj wa' tzrij rc'aslemal.

1 Juan 2:11 Iomraidhean Croise

San Juan 12:35

Ja cꞌa Jesús xbij chic chique: —Ja nsakirsan ebey camic arjaꞌ xa jun caꞌiꞌ kꞌij nqꞌuejeꞌ chi na checojol rmalcꞌariꞌ nbij chewe, como cꞌa cꞌo na ja luz checojol teyaꞌaꞌ lugar tre chi noc pa tak ewanma utzcꞌa chi matoqui ja kꞌekumal pa tak ewanma. Ja winak ja xa pa kꞌekumal nebin wiꞌ ejeꞌeꞌ ma cotak ta bar xqueꞌekaj wiꞌ.

San Juan 12:40

—Ja xuban ja Dios chique caniꞌ xermoyirsaj in xcowirsaj ja canma. Queriꞌ xuban chique utzcꞌa chi matiquetzꞌat ja ncꞌu̱t chiquewach chi matichꞌobtaj cumal ja nbix chique in matiqueqꞌuex quinaꞌoj chi netzuri.

2 Corintios 3:14

Ja cꞌa raj Israel ejeꞌeꞌ sach quinaꞌoj, ni ma xchꞌobtaj ta wiꞌ cumal nak rbanic. Como ejeꞌeꞌ camic tok nquisiqꞌuij ja tzꞌibtal can chipan ja jun chominem xin nabey pro ni matichꞌobtaj wiꞌ cumal nak rbanic, caniꞌ cꞌa cꞌo na ja tziak ja nwawan chiquewach. Ja wi nyukeꞌ quecꞌuꞌx ruqꞌuin ja Cristo cꞌa tokocꞌariꞌ nchꞌobtaj cumal nak rbanic ja jun chominem ja xin nabey.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

Tito 3:3

Como ajoj chakajaꞌ nabey ma chꞌobtajnak ta kumal ja rutzil xin Dios, ma xkanimaj ta ja Dios, oktzaknak chipan ja ritzelal. Chaka nojel ta kayarij okrchapon, ok caniꞌ preso rmal. Ojer xa xekatzelaj ja winak, congana quiakir kanma chiquij, xa ok itzel tak winak in xa itzel katzꞌat kiꞌ.

2 Pedro 1:9

Pro ja winak ja mta chique ja xintzꞌibaj riꞌ ejeꞌeꞌ e caniꞌ moyaꞌ, xa matiquetzꞌat ja rtzujunto ja Dios, xa jaꞌ nquetzꞌat ja cꞌo chiquinakaj ja xin rwachꞌulew. Matinataj chic chique chi xechꞌachꞌojirsax chipan ja rojer quil quemac.

1 Juan 1:6

Ja wi nkabij chi xa jun kabanon ruqꞌuin ja Dios pro wi kꞌekumal cꞌayon kaxin jariꞌ xa ok tzꞌakol tak tzij in ni kꞌalaj wiꞌ chi matikanimaj ja utzlaj tzij xin Jesucristo.

1 Juan 2:10

Ja wi neꞌawajoꞌ ja rawachꞌalal jariꞌ ni pa sakil chi wiꞌ atcꞌo wiꞌ in majun nak chi ta xcatcꞌamoꞌel chi ta chipan jun itzelal.

1 Juan 2:9

Ja wi cꞌo jun nbij chi arjaꞌ pa sakil chic cꞌo wiꞌ pro wi xa itzel nutzꞌat jun rchꞌalal jariꞌ cꞌa pa kꞌekumal na cꞌo wiꞌ.

1 Juan 3:15

Ja wi xa itzel natzꞌat jun awachꞌalal jariꞌ at jun camsanel. Ixix bien ewotak chi majun camsanel rcꞌan ta ja utzlaj cꞌaslemal ja mta qꞌuisic trij.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

Apocalipsis 3:17

Queriꞌ nbij chewe como ixix nebij chi congana ix biyomaꞌ in congana benak pa nim ja remebaꞌil in majun nak ta ncꞌatzin chewe, nixcheꞌe. Queriꞌ nebij pro xa ma ewotak ta chi ja chwach Dios congana lawuloꞌ ja rebanon, ix tak mebaꞌiꞌ, ix moyaꞌ in ni majun tetziak chewij.