1 Juan 2:1 - Tz'utujil (Ja Cꞌacꞌa Chominem)

¹ Chakꞌlaj walcꞌwal, jawaꞌ jun carta ja ntakel ewqꞌuin riꞌ utzcꞌa chi maquixmacuni. Pro wi cꞌo jun chewe chaka jalal xuban ril bien kotak chi cꞌo jun ja nsamaj pa kacuenta chwach Dios ja Tatixel jariꞌ ja Jesucristo, arjaꞌ ni utz wiꞌ ja nuban.

Tz'utujil NT

¹ Quilaj tak wlec'wal, quentz'ibaj jawra carta chewa ch-utz c'ara' majo'n neban ta il mac. Per wc'ola jun chewa chek q'uenjlal xuban ril rumac, c'ola jun nesmaja pkacwent chwech Dios Ttixel jara' Jesucristo jne rbeyal wa' rxin Dios nuban.

1 Juan 2:1 Iomraidhean Croise

San Lucas 10:22

Cꞌacꞌariꞌ xbij: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ, neꞌe.

San Juan 10:15

caniꞌ kabanon ruqꞌuin ja Tatixel, arjaꞌ ninrajoꞌ in bien rotak janiꞌ nnaꞌoj in queriꞌ nbanon anin tre chakajaꞌ, in anin matinpokonaj nincam pa quicuenta ja tak ncarnelo.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 14:16

Ja cꞌa ranin ncꞌutuj na tre ja Tatixel chi arjaꞌ nutakto jun chic ja ntoꞌo ewxin ja nqꞌuejeꞌ ewqꞌuin pro ni chijutij.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 21:5

Ja cꞌa Jesús quewaꞌ xbij chique riꞌ: —Walcꞌwal ¿la ma ecꞌo ta chꞌuꞌ eꞌechapon nekatiꞌ? neꞌ nojoj chique. —Ni majun, xecheꞌpi tre.

San Juan 5:14

Cꞌa coꞌl ariꞌ tok xiltaji ja rachi rmal ja Jesús chipan ja templo. Quewaꞌ xbij ja Jesús tre riꞌ: —Camic xattzuri pro macatmacun chi ta, matzij xa cꞌoli xtipi chic chipan ja racꞌaslemal ja más chi na lawuloꞌ, neꞌe.

San Juan 5:36

Pro cꞌo chi na jun nyoꞌ testigoꞌil chwij in ja testigoꞌil nuyaꞌ arjaꞌ más chi na nim rukꞌij chwach ja xuyaꞌ ja Juan. Ja samaj ja nmajon rbanic jariꞌ ocnak testigoꞌil chwij, jariꞌ samaj yatajnak chwe rmal ja Tatixel chi nban in jariꞌ samaj ncꞌutuwi chi ja Tatixel intakyonto.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

San Juan 8:11

—Ni majun, neꞌe ja rixok. —In nixtacꞌa anin ta xtinkꞌet ta tzij chawij. Camic jat xarwariꞌ macatmacun chi ta, neꞌxi rmal ja Jesús.

Hechos 7:52

Como ejeꞌeꞌ ni majun chique ja rojer tak profeta ja maquita queban pokon tre. Xequicamsaj ja profeta ja xeyoꞌ rbixic chi npi na ja Cristo ja ni majun ril rumac. In tok peti ja Cristo ixix xejach pa quekꞌaꞌ ja winak ja netzelan rxin in xecꞌutuj ja camíc trij.

Romanos 5:10

Ja Dios xa ok rcꞌulel ja tok peti ja Ralcꞌwal, xurcam kaj pa kacuenta in ja rcamic jariꞌ tzursan kaxin ruqꞌuin ja Dios. Ja Dios wi conforme xuban queriꞌ chake tok xa ok rcꞌulel más chi na conforme chi nokrutoꞌ camic. Como ja camic oktzurnak chic ruqꞌuin ja Dios in rmalariꞌ tok bien kotak chi ni xtiyataj na wiꞌ chake ja totajem xin Dios como cꞌastajnak chic ja Ralcꞌwal.

Romanos 6:15

Ja cꞌa camic, como xa nsipax chake ja totajem xin Dios in mta rukꞌaꞌ ja ley chake ¿la tibij cꞌa tzij ariꞌ chi ok libre chic chi nkaban ja il mac? Jariꞌ congana itzel na wixta queriꞌ rbanic.

Romanos 8:34

¿La cꞌo ta cꞌa jun xtibij ta chake chi: —Rjawaxic netoj ja rewil emac, xticheꞌ ta chake? Mta como ja Cristo Jesús arjaꞌ mismo camsax chwach cruz chi rtojic ja kil kamac in ja camic pa riquikꞌaꞌ ja Dios cꞌo wiꞌ in triꞌ ntajin wiꞌ nuban orar pa kacuenta.

1 Corintios 15:34

Ma quixsach ta na más pro ja neban, quixcꞌascꞌoti como ni yatal wiꞌ chewij chi nixcꞌascꞌoti. Majutij xquixmacun chi ta xqueꞌenimaj chi ta ja juleꞌ winak ja recꞌo checojol ja nebin chewe chi maticꞌastaj quewach ja camnakiꞌ. Ja cꞌa rejeꞌeꞌ ni ma cotak ta wiꞌ janiꞌ rnaꞌoj ja Dios. Qꞌuixbal ta nenaꞌ jutzꞌit rmal ja nmajon rbixic chewe.

2 Corintios 5:21

Quirtariꞌ neban jutzꞌit como ja Dios arjaꞌ trij ja Cristo xuyaꞌ wiꞌ ja kil kamac ja rok winak pro kumal ajoj tok xuban queriꞌ tre como ja Cristo ni majun ril rumac arjaꞌ. Queriꞌ xuban utzcꞌa tok xa jun kabanon ruqꞌuin ja Cristo jariꞌ utz chic nokrutzꞌat in nuban chic chake caniꞌ mta kil kamac kabanon.

Gálatas 4:19

Chakꞌlaj tak walcꞌwal, jutij chic inmajtajnak rmal ja rpokonal emwal ixix. Caniꞌ tre jun ixok tok majaꞌn talaxi ti ral arjaꞌ nmajtaj rmal ja rpokonal in queriꞌ cꞌa chwe anin chakajaꞌ congana ntiꞌon chwe chi raybexic nak kꞌij xtiqꞌuiyi chi utz ja Cristo pa tak ewanma.

Efesios 2:18

Queriꞌ rbanic como xa rmal ja Jesucristo tok nokrucꞌul ja katataꞌ Dios chi ok caꞌiꞌ tinamit in xa jun mismo Espíritu Santo ucꞌayon kaxin chi nokekaj chwach.

Efesios 4:26

Ja tok xtipeti ja rewayewal maxta teyaꞌ lugar tre chi xquixrucꞌamel ta chi rbanic ja il mac. Maxta tiyeloji ja rewayewal, tecuyuꞌ chanim,

1 Timoteo 2:5

Como xa jun ja Dios in xa jun chakajaꞌ ja nchomarsan kaxin chwa Dios ja rok winak, arjaꞌ Cristo Jesús ja xoc kach winak.

1 Timoteo 3:14

Anin nwajoꞌ ninbe awqꞌuin chanim pro maxla cꞌamalo xquinekaji in rmalariꞌ tok ntakel ja carta awqꞌuin riꞌ.

Hebreos 9:24

Ja rocnak wiꞌ ja Cristo camic ma chipan ta jun rochoch Dios ja xa banon ja xa rachbal ja mero rochoch Dios. Pro mero chilaꞌ chicaj ja rocnak wiꞌ, ni chwach ja Dios xekaj wiꞌ in triꞌ cꞌa cꞌo wiꞌ camic, ntajini nokrucoj chwach ja Dios.

Santiago 1:27

Ja religión ja kas utz ntzꞌa̱t rmal ja katataꞌ Dios in nucꞌut chi katzij chi animan ja Dios quewaꞌ rbanic riꞌ, jun, natbe cuqꞌuin acꞌalaꞌ ja ma ecꞌo chi ta ja quitataꞌ queteꞌ in cuqꞌuin chakajaꞌ ja rixokiꞌ ja malcaniꞌ ja recamnak chic ja quichajilal in neꞌatoꞌoꞌ nak cꞌo rjawaxic chique. In jun chic, naban cuenta awiꞌ chwach ja ritzelal ja nqueban ja winak ja xa ruqꞌuin ja rwachꞌulew yukul wiꞌ quecꞌuꞌx, naban cuenta awiꞌ utzcꞌa chi matitzꞌilori ja rawanma rmal ja ritzelal.

Santiago 3:9

Ja kakꞌ jariꞌ nkacoj tok nkayaꞌ rukꞌij ja katataꞌ Dios in jariꞌ nkacoj chakajaꞌ tok xa itzel noktzijon chique winak pro makanaꞌ maquita e imagen xin Dios ja winak.

1 Pedro 2:22

Arjaꞌ ni majun ril rumac nixtacꞌa cꞌo ta jun xuban ta engañar.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

1 Juan 3:18

Chakꞌlaj walcꞌwal, maxta xa chi kachiꞌ cꞌo wiꞌ ja tok nkabij chi nkajoꞌ kiꞌ. Ja kas nrajoꞌ chi cꞌoli nkaban ja nkacꞌutbej chi ni katzij wiꞌ chi nkajoꞌ kiꞌ.

1 Juan 3:5

Ixix bien ewotak chi peti ja Jesucristo waweꞌ chwachꞌulew chi rchupic ja kil kamac in arjaꞌ ni mta wiꞌ jun ril rumac rbanon.

1 Juan 3:7

Chakꞌlaj walcꞌwal, maquita cꞌo jun xquixbano engañar, ja winak ja nebanowi ja rutzil xa queyon ejeꞌeꞌ ja utz netzꞌa̱t rmal ja Dios caniꞌ tre ja Jesucristo arjaꞌ banol utzil.

1 Juan 4:4

Chakꞌlaj walcꞌwal, ixix ixcꞌo pa rcuenta ja Dios. Ja maestro ja ma Dios ta ecꞌayon ejeꞌeꞌ ma xecowin ta chewij, ixix xixchꞌeco quixin. Queriꞌ xeban como ja Dios ja cꞌo pa tak ewanma ixix más chi na kꞌaxnak rchokꞌakꞌ chwach ja diablo ja cꞌo pa tak canma ja winak ja xa ruqꞌuin rwachꞌulew yukul wiꞌ quecꞌuꞌx.

1 Juan 5:17

Nojelal ja naban ja matirajoꞌ Dios chawe chi naban jariꞌ il mac. Pro cꞌoli ja il mac wi xaban cꞌoli cuytajic trij in macatrucꞌamel chijutij chipan ja camíc.

1 Juan 5:21

Chakꞌlaj walcꞌwal, tebanaꞌ cuenta ewiꞌ, maxta tiyukeꞌ ecꞌuꞌx cuqꞌuin ja cachbal tak winak nixtacꞌa ruqꞌuin ta ja rachbal tak nakun. Amén.

3 Juan 1:4

Ja tak walcꞌwal chwach Dios ejeꞌeꞌ tok nurkaj rbixic wqꞌuin chi quimajon rcojic ja tijonem xin Jesucristo pa tak quicꞌaslemal jariꞌ janila ninquicot kaj cumal. Ja chwe anin mchita jun quicotemal ja queriꞌ chi ta.