1 Juan 1:9 - Tz'utujil (Ja Cꞌacꞌa Chominem)

⁹ Pro wi nkachol ja kil kamac chwach ja Dios arjaꞌ ni nuban wiꞌ cumplir in ni utz wiꞌ nuban chi rcuyic in nokrchꞌachꞌojirsaj chipan nojelal ja ritzelal ja nkaban.

Tz'utujil NT

⁹ Per we nkachol kil kamac chwech Dios, arja' nuban wa' cumplir y ne rbeyal wa' chwech chnucuy njelal kil kamac, y nokrch'ach'jorsaj chpam njelal jme rbeyal ta rxin Dios je nkaban.

1 Juan 1:9 Iomraidhean Croise

San Mateo 3:6

Ja cꞌa tok xeꞌekaj ruqꞌuin xeba̱n bautizar rmal chipan ja binelyaꞌ Jordán in triꞌ quechol wiꞌ ja quil quemac.

Marcos 1:5

Canojel ja winak ja recꞌo pa Jerusalén e cachbil canojel ja recꞌo chipan ja juleꞌ chic lugar ja cꞌo pa rcuenta Judea ejeꞌeꞌ xebe ruqꞌuin ja Juan, xeba̱n bautizar rmal chipan ja binelyaꞌ Jordán in triꞌ quechol wiꞌ ja quil quemac.

San Lucas 22:57

Pro ja Pedro arjaꞌ ma xuyaꞌ ta trij ja bix tre, quewaꞌ xbij tre ja rajꞌicꞌ riꞌ: —Nbij chawe ixok chi anin ma wotak ta rwach ja Jesús, neꞌ tre.

San Juan 17:25

Nataꞌ, atat nij at utzlaj kꞌetol tzij wiꞌ pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xa ma cotak ta janiꞌ ja ranaꞌoj pro ja ranin wotak in chakajaꞌ ja winak ja recꞌo wqꞌuin ja reꞌayaꞌon chwe ejeꞌeꞌ cotak chi atat attakyonto wxin.

Hechos 19:18

Cꞌacꞌariꞌ e qꞌuiy chique ja kachꞌalal xepeti, queyaꞌ chiquij chi cꞌoli ja ma utz ta quibanon in quemaj rkꞌalasaxic.

Romanos 3:26

Pro arjaꞌ xutoj na utzcꞌa chi bien nkꞌalajin na chikawach ajoj ja rokcꞌo chipan awaꞌ tiempo riꞌ chi arjaꞌ ni rubey wiꞌ nuban tre ja kꞌetoj tzij. Queriꞌ cꞌa xuban utzcꞌa chi bien kꞌalaj chi arjaꞌ jun utzlaj kꞌetol tzij in ma ruyon tariꞌ pro utz chic nokrutzꞌat ja nyukeꞌ kacꞌuꞌx ruqꞌuin ja Jesús, nokrwasajel libre, nuban chake caniꞌ mta kil kamac kabanon.

1 Corintios 1:9

Como ja Dios arjaꞌ ni mta wiꞌ ja maquita xtuban cumplir ja rtzujun chewe, arjaꞌ xixsiqꞌuini in xbij chewe chi ix rachbil chic ja Ralcꞌwal jariꞌ ja kajaw Jesucristo.

1 Corintios 6:11

In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios.

Efesios 5:26

Queriꞌ xuban utzcꞌa chi xokoc ok tinamit xin Dios como arjaꞌ xchꞌachꞌojirsaj ja kanma. Queriꞌ kaban, kanimaj ja utzlaj tzij in xokban bautizar jariꞌ xchꞌachꞌojirsbej ja kanma.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 10:23

Ja Dios arjaꞌ ni nuyaꞌ wiꞌ ja rtzujunto rmalcꞌariꞌ wachꞌalal cow kopeꞌe jutzꞌit chi raybexic, maxta ticapuj kacꞌuꞌx.

Hebreos 11:11

Ja cꞌa Sara ja rxjayil Abraham cꞌo yukulbal rucꞌuꞌx ruqꞌuin ja Dios chakajaꞌ chewiꞌ tok yataj tre rmal ja Dios chi xoc na jun teꞌej masqui congana ti riꞌj chic in mta alanem trij pro xalax na jun ti ral. Yukeꞌ rucꞌuꞌx ruqꞌuin ja Dios, rotak chi ja ntzujuj ni nuyaꞌ wiꞌ chewiꞌ tok yataj tre ja ti ral.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

Apocalipsis 15:3

Ejeꞌeꞌ quimajon rbixaxic ja bix rxin ja Moisés ja rajsamajel rxin ja Dios in ja bix rxin ja Carnelo chakajaꞌ, quewaꞌ nquibij riꞌ: —Kajaw Dios, janila ja poder cꞌol awqꞌuin, ni majun ja maquita natcowini naban, ja samaj naban jeꞌe congana nimak rukꞌij in congana cꞌascꞌoꞌi ntzꞌati. Atat at Rey quixin ja ratinamit, nojel ja naban ni rubey wiꞌ in ni katzij wiꞌ chakajaꞌ.