1 Juan 1:6 - Tz'utujil (Ja Cꞌacꞌa Chominem)

⁶ Ja wi nkabij chi xa jun kabanon ruqꞌuin ja Dios pro wi kꞌekumal cꞌayon kaxin jariꞌ xa ok tzꞌakol tak tzij in ni kꞌalaj wiꞌ chi matikanimaj ja utzlaj tzij xin Jesucristo.

Tz'utujil NT

⁶ Wnekbij xjun kabnon ruq'uin Dios per we xk'ejkumal c'ayona kxin jara' ok tz'koy tzij y nk'alaj wa' chmajo'n neknimaj ta utzlaj tzij rxin Jesucristo.

1 Juan 1:6 Iomraidhean Croise

San Mateo 7:22

Ja cꞌa tok xterilaꞌ ja nimlaj kꞌij xin juicio e qꞌuiy ja winak quewaꞌ xtiquibij chwe riꞌ: —Kajaw, Kajaw ¿la ma pan abiꞌ ta cꞌa kayaꞌ rbixic ja rtzobal Dios, la ma pan abiꞌ ta cꞌa xekawasajel demonio pa tak canma ja winak in la ma pan abiꞌ ta cꞌa chakajaꞌ kaban nimak tak milagro? xquecheꞌ na chwe.

San Juan 11:10

Ja cꞌa wi chakꞌaꞌ natbini jariꞌ nachokꞌ awakan como mta luz pan awanma ja nsakirsan abey chawach, neꞌe.

San Juan 12:35

Ja cꞌa Jesús xbij chic chique: —Ja nsakirsan ebey camic arjaꞌ xa jun caꞌiꞌ kꞌij nqꞌuejeꞌ chi na checojol rmalcꞌariꞌ nbij chewe, como cꞌa cꞌo na ja luz checojol teyaꞌaꞌ lugar tre chi noc pa tak ewanma utzcꞌa chi matoqui ja kꞌekumal pa tak ewanma. Ja winak ja xa pa kꞌekumal nebin wiꞌ ejeꞌeꞌ ma cotak ta bar xqueꞌekaj wiꞌ.

San Juan 12:46

Anin inpenak waweꞌ chwachꞌulew chi nsakirsaj quebey ja winak chiquewach utzcꞌa xa nak ta chi winakil ja xtiyukeꞌ quecꞌuꞌx wqꞌuin ejeꞌeꞌ maqueqꞌuejeꞌ más chipan ja kꞌekumal.

San Juan 8:12

Cꞌacꞌariꞌ tzijon chic jutij ja Jesús cuqꞌuin ja winak in xbij chique: —Anin ja rin luz, nenuyaꞌ pa sakil canojelal ja winak ja recꞌo chwachꞌulew. Canojel ja winak ja nyukeꞌ quecꞌuꞌx wqꞌuin ejeꞌeꞌ maqueqꞌuejeꞌ chipan ja kꞌekumal, nyataj chique ja sakil pro jun sakil ja nuyaꞌ chique ja utzlaj cꞌaslemal ja mta qꞌuisic trij. Queriꞌ xbij chique.

San Juan 8:55

Pro xa ma ewotakin ta rwach ja Nataꞌ pro anin bien wotak rwach. Ja wixta xinbij chewe chi ma wotak ta rwach jariꞌ xta cꞌa in junan ewqꞌuin ariꞌ ja rix tzꞌakol tak tzij. Pro jariꞌ wotak rwach, ni nnimaj wiꞌ ja rtzobal.

1 Timoteo 4:2

Jawaꞌ tijonem nyaꞌi cumal juleꞌ winak ja xa cacaꞌ quipalaj, xa e tzꞌakol tak tzij in matitiꞌon chique ja ritzelal nqueban.

Santiago 2:14

Wachꞌalal, ja wi cꞌo jun nbij chi cꞌo yukulbal rucꞌuꞌx ruqꞌuin ja Jesucristo pro wi ni mta wiꞌ ja rutzil nuban ja ncꞌutbej chi cꞌoli ja yukulbal rucꞌuꞌx ¿la cꞌo cꞌa noc wariꞌ ja yukulbal rucꞌuꞌx nechꞌob ixix? Ja wi queriꞌ nuban ¿la ntotaj cꞌariꞌ rmal ja yukulbal rucꞌuꞌx nechꞌob ixix?

Santiago 2:16

in jun ta cꞌa chewe quewaꞌ ta nbij tre riꞌ: —Jat cꞌa, tabanaꞌ cuenta awiꞌ, xtawil ta ja ratziak ja nacoj in ja natij chakajaꞌ, neꞌel ta tre. Queriꞌ nbij pro wi majun xuyaꞌel tre ja ncꞌatzin tre ¿nak cꞌa noc wariꞌ juleꞌ tzij ja xbijel tre nechꞌob ixix?

Santiago 2:18

Pro maxla cꞌo jun nbij chi junwiꞌ ja yukulbal kacꞌuꞌx ruqꞌuin ja Dios in junwiꞌ chi na ja rutzil jeꞌe ja nkaban. Pro anin nbij tre chi ma katzij ta ja yukulbal rucꞌuꞌx ruqꞌuin ja Dios ja wi mta ja rutzil nuban ja ncꞌutbej chi ni katzij wiꞌ chi cꞌoli ja yukulbal rucꞌuꞌx. Ja wi katzij chi cꞌo yukulbal nucꞌuꞌx ruqꞌuin ja Dios ma chaka ta cꞌoli pro nsamaji, ja cꞌa rutzil ja nban jeꞌe jariꞌ ncꞌutuwi chi cꞌoli.

1 Juan 1:10

Ja cꞌa wi nkabij chi mta ja il mac kabanon jariꞌ xa caniꞌ tzꞌakol tzij nkacoj wiꞌ ja Dios. Ja wi queriꞌ nkabij jariꞌ ni kꞌalaj wiꞌ chi ma kacojon ta ja rtzobal Dios pa tak kanma.

1 Juan 1:3

Ja katzꞌaton in ja kacꞌaxan jariꞌ nkayaꞌ rbixic chewe utzcꞌa chi ixix jun nixquicot kuqꞌuin rmal como xa jun kabanon ruqꞌuin ja Dios ja Tatixel in chakajaꞌ xa jun kabanon ruqꞌuin ja Jesucristo ja Ralcꞌwal.

1 Juan 1:8

Ja wi nkabij chi mta ja il mac kabanon jariꞌ xa nkaban kaj engañar kiꞌ kayon in ma katzij ta ja nkabij.

1 Juan 2:4

Ja wi cꞌo jun nbij chi arjaꞌ rotak rwach ja Jesucristo pro wi matinimaj ja rmandamiento jariꞌ xa tzꞌakol tzij, mta rtzobal Dios pa ranma.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?