1 Juan 1:4 - Tz'utujil (Ja Cꞌacꞌa Chominem)

⁴ Ja katzꞌibaj riꞌ nkatakel ewqꞌuin utzcꞌa chi nqꞌuiyi in nwachini ja quicotemal xin Dios pa tak ewanma.

Tz'utujil NT

⁴ Nektz'ibaj jawra ch-utz c'ara' che nq'uiya y nwachina quicotemal rxin Dios ptak ewanm.

1 Juan 1:4 Iomraidhean Croise

San Juan 15:11

Nojel ja cꞌa xinbij kaj chewe riꞌ utzcꞌa chi xtiqꞌuejeꞌ ta pa tak ewanma ja quicotemal ja cꞌo pa wanma anin. Xinbij chewe utzcꞌa chi xtinoj ta ja quicotemal pa tak ewanma.

San Juan 16:24

Ja caniꞌ ebanonto mta ecꞌutun pan oración ja pa nubiꞌ ta anin. Pro ja camic anin nbij chewe, tecꞌutuj in nyataj chewe. Quirtariꞌ neban utzcꞌa chi xtinoj ta ja quicotemal xin Dios pa tak ewanma.

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

2 Corintios 1:24

Pro maxta techꞌob chakij chi ajoj nkajoꞌ nixkaban mandar tre ja yukulbal ecꞌuꞌx ruqꞌuin ja Jesucristo, ma queriꞌ ta, como xa rmal ja yukulbal ecꞌuꞌx ruqꞌuin chewiꞌ tok cow ixpaꞌli camic. Pro ja kamajon rbanic jariꞌ noktajini noksamaji pan ecuenta utzcꞌa chi newil más ja quicotemal xin Dios.

Efesios 3:19

Ja nwajoꞌ chewe chi newotakij nak rbanic ja rajoben riꞌil xin Cristo, jun ajoben riꞌil ja más kꞌaxnak chi na, jun ajoben riꞌil ja xa nqꞌuisi ja rapensar chi rchꞌobic. Kas ta xtewotakij nak rbanic ja rajoben riꞌil xin Cristo utzcꞌa chi xtinoj ta pa tak ewanma ixix chakajaꞌ nojelal ja nojnak pa ranma ja Dios.

1 Juan 2:1

Chakꞌlaj walcꞌwal, jawaꞌ jun carta ja ntakel ewqꞌuin riꞌ utzcꞌa chi maquixmacuni. Pro wi cꞌo jun chewe chaka jalal xuban ril bien kotak chi cꞌo jun ja nsamaj pa kacuenta chwach Dios ja Tatixel jariꞌ ja Jesucristo, arjaꞌ ni utz wiꞌ ja nuban.

2 Juan 1:12

Cꞌa cꞌo na más ja nwajoꞌ nbij chewe pro matintzꞌibaj chipan ja carta como ja nchꞌobon anin chi ninbe na ewqꞌuin. Ja cꞌa tok xquinekaji nutzꞌat riꞌ kawach ewqꞌuin, cꞌa tokoriꞌ noktzijoni utzcꞌa chi nqꞌuiyi in nwachini ja quicotemal xin Dios pa tak kanma.