San Lucas 3:1 - Tz'utujil NT

^1-2 Juan je rlec'wal Zacarías arja' xerla' k'ij tak ntzijona Dios ruq'uin chpam jun lwar kas tlana, jara' chpam retiemp nimlaj rey rbin-an Tiberio César. Ja' Tiberio César oljuj juna' c'ola k'atbaltzij pruk'a' tak xtzijona Dios ruq'uin Juan. Jle' chic ach-i' je e'ocnak e k'toy tak tzij chpam jara' tiemp cawra quebi' ra: jun, Poncio Pilato rubi', arja' ocnak gobernador rxin Judea, y jun chic, Herodes rubi', pruk'a' arja' c'o wa' departamento Galilea, y jun chic, Felipe rubi', je rch'alal Herodes, pruk'a' arja' c'o wa' c-e' lwar Iturea ruq'uin Traconite, y jun chic, Lisanias rubi', pruk'a' arja' c'o wa' lwar Abilinia. Acha jocnak nimlaj sacerdote tzra' Anás rubi' ruq'uin Caifás.

Tz'utujil (Ja Cꞌacꞌa Chominem)

^1-2 Ja cꞌa Juan ja rcꞌajol Zacarías arjaꞌ xerilaꞌ ja kꞌij ja tok tzijoni ja Dios ruqꞌuin pa jun lugar ja kas talan wiꞌ tokoriꞌ pa rtiempo ja nimlaj rey rbinaꞌan Tiberio César. Ja cꞌa Tiberio César olajuj junaꞌ toqui ja pa kꞌetbaltzij ja tok tzijoni ja Dios ruqꞌuin ja Juan. In juleꞌ chic ja rachiꞌiꞌ ja reꞌocnak kꞌetol tak tzij chipan ariꞌ tiempo quewaꞌ quebiꞌ riꞌ. Jun, Poncio Pilato rubiꞌ, arjaꞌ ocnak gobernador xin Judea. Jun chic, Herodes rubiꞌ, pa rukꞌaꞌ arjaꞌ cꞌo wiꞌ ja departamento Galilea. Jun chic, Felipe rubiꞌ rchꞌalal ja Herodes, pa rukꞌaꞌ arjaꞌ cꞌo wiꞌ ja caꞌiꞌ lugar Iturea in Traconite. In jun chic, Lisanias rubiꞌ, pa rukꞌaꞌ arjaꞌ cꞌo wiꞌ ja lugar Abilinia. Ja rachi ja rocnak lokꞌlaj sacerdote triꞌ Anás rubiꞌ rachbil Caifás.

San Lucas 3:1 Iomraidhean Croise

San Mateo 14:1

Chpam jara' tiemp njelal je ntajina nuban Jesús xekaja rbixic ruq'uin gobernador Herodes.

San Mateo 14:3

Cara' xbij com bien rutkin chja' xcamsana Juan Bautista tak xutak rchapic, xxi'ma y xucsasa pcars. Cara' xuban tzra com cawra xbixa tzra rmal Juan Bautista: —Mrubey ta abnon jac'mon kaja awexnam, cara' xbij. Com ja' Herodes rec'mon kaja rexnam, Herodías rubi', rexkayil jun rch'alal, Felipe rubi'.

San Mateo 14:6

Per tak xq'uisbena xcamsaj tak xerla' k'ij je nc'u'la rcumpleaño. Ja Herodías c'ola jun ral q'ue k'poj xtan y ja' k'poj nexjowa chquewech wnak jquemlon qui' ruq'uin ja' Herodes. Ja' Herodes congan xel ta ruc'u'x tzrij.

San Mateo 22:17

Camic tbij chka nak nach'ob tzrij je xtekbij chawa ra: —Ja impuesto je nc'utuxa chka rmal César jnimlaj rey rxin Roma ¿lrubey c'ara' che nkatoj owe mrubey ta? cara' xecc'axaj tzra.

San Mateo 27:2

Xquexim ela, xeba xequejcha' pruk'a' Poncio Pilato jgobernador.

Marcos 6:17

Cara' xbij com arja' rutkin chja' xyowa orden che xcamsasa Juan Bautista tak xutak rchapic Juan, xxi'ma y xucsasa pcars. Cara' xuban tzra rmal je xbixa tzra rmal Juan Bautista cawrara: —Mrubey ta abnon ac'mon kaja awexnam, cara' xbij. Com ja' Herodes arja' rec'mon rexnam rbin-an Herodías, rexkayil jun rch'alal rbin-an Felipe.

Marcos 6:21

Per xerla' c'a jun k'ij tak xecwina Herodías tzrij Juan che ncamsasa. Tak ja' Herodes xuban jun nimlaj nimk'ij rxin rcumpleaño xchumij jun nimlaj w-im. Erebnon invitar je' wnak nmak quek'ij je nquesmaja chpam rgobierno e quexbil cjefe soldado, chka' e quexbil principal-i' rxin Galilea.

San Lucas 13:31

Jara' mism k'ij ec'ola jle' fariseo xe'ekaja ruq'uin y cawra xecbij tzra ra: —Jat catnanmaj ela com jgobernador Herodes arja' nrajo' ncatercamsaj, cara' xecbij tzra.

San Lucas 2:1

Jara' tiemp c'ola jun censo xba'na. C'ola jun nimlaj rey tzra', César Augusto rubi', arja' xuya' jun orden che nqueba'na censar conjelal wnak jec'ola ptak njelal nación.

San Lucas 23:24

Ja' Pilato xuya' jun orden chcara' nba'na tzra Jesús ajni' ncajo' j-e'.

San Lucas 3:19

Per xch'ojquij nic'aj achnak tzra gobernador Herodes com ja' Herodes c'ola jun rexnam rec'mon, Herodías rubi'. Herodías arja' rexkayil Felipe je rch'alal Herodes. Y ja' Herodes c'o chna jle' rtzilal rebnon je xch'ojquixa tzra rmal Juan.

San Lucas 9:7

Njelal jnuban Jesús xekaja rbixic ruq'uin gobernador Herodes. Ja' Herodes kas nk'aysaj ri' che rch'obic nak kas mer nebnowa njelal jawrara jnekaja rbixic ruq'uin. Com ec'ola nquebina che Juan Bautista nebnowa com arj-e' necbij che c'astanak chic Juan Bautista chquecjol cnomki'.

Hechos 23:26

—Nimlaj gobernador Félix, anen en Claudio Lisias quenya' rutzil awech.

Hechos 24:27

Xuban c-e' juna' c'jara' Félix xela como gobernador y xoc chic jun pe rc'ulibal, Porcio Festo rubi'. Ja' Félix com c'ola rgan ch-utz ntz'e'ta cmal aj Israel rmal c'ara' xuya' cana Pablo pcars.

Hechos 26:30

C'jara' xpe'a rey, y xepe'a chka' gobernador, y Berenice, y conjelal jec'ola tzra'.

Hechos 4:27

Y cara' xbantaja ajni' abin cana. Com cara' xqueban Herodes ruq'uin Poncio Pilato, arj-e' xjun xqueban wawe' pJerusalén che rcamsic Jesús jSantlaj Awlec'wal jxacha' che noca To'onel kxin ajoj ja ok wnak, y chka' xjun xqueban cuq'uin je' wnak jme aj Israel ta y je' aj Israel.