San Juan 3:8 - Tz'utujil NT

⁸ Ajni' tzra k'ek', tzra xecmel, chka abar nba wa' per nawc'axaj tak nk'axa per mawutkin ta abar penak wa' y abar tzra' nba wa'. Cara' chca conjelal wnak tak nque'alaxa rmal Espíritu, numaj samaj Espíritu rmal ra' tak ncatalex chic jmul, cara' xbij Jesús.

Tz'utujil (Ja Cꞌacꞌa Chominem)

⁸ Caniꞌ tre ikꞌ caniꞌ tre xcomel xa bar ta triꞌ nbe wiꞌ nsamaji in nacꞌwaxaj ja nuban pro ma awotak ta bar penak wiꞌ in nixtacꞌa bar nbe wiꞌ chakajaꞌ. Queriꞌ cꞌa chique canojel ja winak ja neꞌalax rmal ja rEspíritu Santo como nsamaji ja rEspíritu Santo in rmal arjaꞌ tok neꞌalax chic jutij, neꞌe ja Jesús tre.

San Juan 3:8 Iomraidhean Croise

San Juan 1:13

Jara' xokalex chic wjic y jawra c'aslemal yatanak chic chka me c'mon pta cmal kti't kawma', myatanak ta chka cmal kadta' kate', y mjun ta wnak xyowa chka, ruyon Dios xyowa chka.

San Juan 3:7

Mex junwa' xawc'axaj jxenbij chawa je nc'atzina ncatalex chic jmul.

San Juan 3:9

¿Nak c'a kas mer rbanic ja amjon rbixic chwa? xc'axaj chic jmul Nicodemo.

Hechos 2:2

Chek q'uenjlal xecc'axaj jun achnak ajni' rukul jun nimlaj k'ek' tak xkaj ta, y jawra xecc'axaj conjelal wnak jetz'bula pjay.

Hechos 4:31

Tak xec'choja oración cmal congan xusil ri' lwar abar tzra' quemlon wa' qui', xnoja Espíritu Santo ptak canm che conjelal y xquemaj rbixic rtzojbal Dios per majo'n xben ri'il chca.

1 Corintios 12:11

Per xerwara' xjun mism Espíritu Santo nyowa chka njelal jawra samaj rxin Dios jxenbij kaja chewa, arja' nuya' ksamaj chokjujnel jachnak c'ola rgan nuya' chka.

1 Corintios 2:11

Next jun chic ojtakyona jnak nuch'ob Dios, xruyon Espíritu rxin Dios ojtakyona. Cara' ajni' chka ajoj ok wnak, next jun wnak xtutkin ta nak nkach'ob kaja pkanm, y xkayon ajoj kutkin kaja.

1 Juan 2:29

Ixix bien ewutkin che rbeyal rxin Dios rc'an ja' Jesucristo y tzra' c'a newutkij wa' che conjelal je' wnak je nqueban rbeyal rxin Dios j-era' e rlec'wal Dios.